ਕੀ 9 ਸਾਲ ਦਾ ਬੱਚਾ ਤੁਹਾਡੀਆਂ ਸ਼ਰਤਾਂ ਪੜ੍ਹੇਗਾ? ਬੱਚਿਆਂ ਨੂੰ ਇੰਸਟਾਗ੍ਰਾਮ ਦੀ ਲਤ ਲੱਗਣ 'ਤੇ ਅਮਰੀਕੀ ਅਦਾਲਤ ਨੇ ਜ਼ੁਕਰਬਰਗ ਨੂੰ ਪਾਈ ਝਾੜ

ਇਹ ਮੁਕੱਦਮਾ ਕੈਲੀਫੋਰਨੀਆ ਦੀ 20 ਸਾਲਾ ਕੈਲੀ ਜੀ.ਐਮ. ਨਾਲ ਜੁੜਿਆ ਹੋਇਆ ਹੈ। ਕੈਲੀ ਨੇ 6 ਸਾਲ ਦੀ ਉਮਰ ਵਿੱਚ ਯੂਟਿਊਬ ਅਤੇ 9 ਸਾਲ ਦੀ ਉਮਰ ਵਿੱਚ ਇੰਸਟਾਗ੍ਰਾਮ ਦੀ ਵਰਤੋਂ ਸ਼ੁਰੂ ਕੀਤੀ ਸੀ। ਬਹੁਤ ਜ਼ਿਆਦਾ ਸੋਸ਼ਲ ਮੀਡੀਆ ਵਰਤਣ ਕਾਰਨ ਹੁਣ ਉਹ ਮਾਨਸਿਕ ਸਿਹਤ ਸਮੱਸਿਆਵਾਂ ਨਾਲ ਜੂਝ ਰਹੀ ਹੈ। ਇਹ ਅਮਰੀਕਾ ਵਿੱਚ ਆਪਣੀ ਤਰ੍ਹਾਂ ਦਾ ਪਹਿਲਾ ਕੇਸ ਹੈ ਜਿੱਥੇ ਕਿਸੇ ਸੋਸ਼ਲ ਮੀਡੀਆ ਕੰਪਨੀ ਦੇ ਅਰਬਪਤੀ ਮਾਲਕ ਨੂੰ ਸਿੱਧਾ ਜਿਊਰੀ ਦੇ ਸਾਹਮਣੇ ਸੁਰੱਖਿਆ ਉਪਾਵਾਂ ਬਾਰੇ ਜਵਾਬ ਦੇਣਾ ਪਿਆ ਹੈ।