ਸਕੂਲ 'ਚ ਵਿਦਿਆਰਥੀ ਨੇ ਕੀਤੀ ਅੰਨ੍ਹੇਵਾਹ ਫਾਇਰਿੰਗ, ਅਧਿਆਪਕ ਤੇ ਹੈੱਡਮਾਸਟਰ ਸਮੇਤ 3 ਜ਼ਖ਼ਮੀ

ਮਾਰਸੇਈ ਦੀ ਡਿਪਟੀ ਪਬਲਿਕ ਪ੍ਰੌਸੀਕਿਊਟਰ ਔਡਰੀ ਜੁਆਨੇਟੋਨ ਨੇ ਦੱਸਿਆ, “ਸ਼ੱਕੀ ਵਿਦਿਆਰਥੀ ਇੱਕ ਅਜਿਹਾ ਬੈਗ ਲੈ ਕੇ ਆਇਆ ਸੀ, ਜੋ ਗਿਟਾਰ ਦੇ ਕਵਰ ਵਰਗਾ ਲੱਗਦਾ ਸੀ। ਵਿਦਿਆਰਥੀ ਨੇ ਉਸ 'ਚੋਂ ਸ਼ਿਕਾਰ ਕਰਨ ਵਾਲੀ ਇੱਕ ਲੰਬੀ ਬੰਦੂਕ ਕੱਢੀ।” ਉਨ੍ਹਾਂ ਦੱਸਿਆ ਕਿ ਵਿਦਿਆਰਥੀ ਨੇ ਘੱਟੋ-ਘੱਟ ਚਾਰ ਰਾਊਂਡ ਫਾਇਰ ਕੀਤੇ। ਇਨ੍ਹਾਂ 'ਚੋਂ ਇੱਕ ਗੋਲੀ ਉਸ ਕਲਾਸਰੂਮ ਦੇ ਅੰਦਰ ਵੀ ਚਲਾਈ ਗਈ, ਜਿੱਥੇ ਅਧਿਆਪਕ ਅਤੇ ਵਿਦਿਆਰਥੀ ਮੌਜੂਦ ਸਨ। ਗੋਲੀ ਦਾ ਨਿਸ਼ਾਨ ਬਲੈਕਬੋਰਡ ’ਤੇ ਵੀ ਲੱਗਿਆ।