- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਆਧਾਰ ਕਾਰਡ ਦੇ 'ਰਚਣਹਾਰ' ਨੰਦਨ ਨੀਲੇਕਣੀ ਨੂੰ SIR ਦਾ ਨੋਟਿਸ ! ਵੋਟਰ ਲਿਸਟ 'ਚ ਨਾਮ ਨਾ ਮਿਲਣ 'ਤੇ ਕਾਰਵਾਈ
ਇੰਫੋਸਿਸ ਦੇ ਕੋ-ਫਾਊਂਡਰ ਨੰਦਨ ਨੀਲੇਕਣੀ, ਜ਼ੇਰੋਧਾ ਦੇ ਕੋ-ਫਾਊਂਡਰ ਨਿਖਿਲ ਕਾਮਥ ਅਤੇ ਅਦਾਕਾਰ ਸ਼ਿਵ ਰਾਜਕੁਮਾਰ ਸਮੇਤ ਕਈ ਜਾਣੇ-ਪਛਾਣੇ ਲੋਕਾਂ ਨੂੰ ਸਪੈਸ਼ਲ ਇੰਟੈਂਸਿਵ ਰਿਵਿਜ਼ਨ (SIR) ਦੇ ਤਹਿਤ ਨੋਟਿਸ ਭੇਜੇ ਗਏ ਹਨ।
Posted By alisha
Publish Date: Thu, 10 Sep 2026 10:00 AM (IST)
Updated Date: Thu, 10 Sep 2026 10:12 AM (IST)
ਡਿਜੀਟਲ ਡੈਸਕ, ਬੈਂਗਲੁਰੂ : ਇੰਫੋਸਿਸ ਦੇ ਕੋ-ਫਾਊਂਡਰ ਨੰਦਨ ਨੀਲੇਕਣੀ, ਜ਼ੇਰੋਧਾ ਦੇ ਕੋ-ਫਾਊਂਡਰ ਨਿਖਿਲ ਕਾਮਥ ਅਤੇ ਅਦਾਕਾਰ ਸ਼ਿਵ ਰਾਜਕੁਮਾਰ ਸਮੇਤ ਕਈ ਜਾਣੇ-ਪਛਾਣੇ ਲੋਕਾਂ ਨੂੰ ਸਪੈਸ਼ਲ ਇੰਟੈਂਸਿਵ ਰਿਵਿਜ਼ਨ (SIR) ਦੇ ਤਹਿਤ ਨੋਟਿਸ ਭੇਜੇ ਗਏ ਹਨ।
ਹਿੰਦੁਸਤਾਨ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ, ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਜਾਣਕਾਰੀ ਦਿੱਤੀ ਕਿ ਇਨ੍ਹਾਂ ਸਾਰੇ ਲੋਕਾਂ ਦੇ ਨਾਮ ਪਿਛਲੇ ਚੋਣੀ ਰਿਕਾਰਡਾਂ ਵਿੱਚ ‘ਅਨਮੈਪਡ’ (ਮੈਪ ਨਾ ਕੀਤੇ ਗਏ) ਸਨ।
ਕਰਨਾਟਕ SIR ਦੀ ਡਰਾਫਟ ਸੂਚੀ 'ਚੋਂ 1 ਕਰੋੜ ਤੋਂ ਵੱਧ ਨਾਮ ਹਟਾਏ ਗਏ
ਕਰਨਾਟਕ ਦੀ ਡਰਾਫਟ ਵੋਟਰ ਲਿਸਟ ਸੋਮਵਾਰ 24 ਅਗਸਤ ਨੂੰ ਜਾਰੀ ਕੀਤੀ ਗਈ ਸੀ। ਇਸ ਸੂਚੀ ਮੁਤਾਬਕ ਵੋਟਰ ਲਿਸਟ ਵਿੱਚੋਂ 1 ਕਰੋੜ ਤੋਂ ਵੱਧ ਲੋਕਾਂ ਦੇ ਨਾਮ ਹਟਾਏ ਗਏ ਹਨ।
ਇੰਫੋਸਿਸ ਦੇ ਕੋ-ਫਾਊਂਡਰ ਅਤੇ ਵਨਸਟੈਪ ਫਾਊਂਡੇਸ਼ਨ ਦੇ ਚੇਅਰਮੈਨ ਨੰਦਨ ਨੀਲੇਕਣੀ ਅਤੇ ਜ਼ੇਰੋਧਾ ਦੇ ਕੋ-ਫਾਊਂਡਰ ਨਿਖਿਲ ਕਾਮਥ ਦੇ ਮਾਮਲਿਆਂ ਵਿੱਚ ਵੀ ਕੁਝ ਗੜਬੜੀਆਂ ਪਾਈਆਂ ਗਈਆਂ।
ECI ਦੇ ਡੇਟਾਬੇਸ ਮੁਤਾਬਕ, ਇੱਕ ਨੋਟਿਸ ਤਿਆਰ ਕੀਤਾ ਗਿਆ ਸੀ ਪਰ ਇਸ ਗੱਲ ਦੀ ਅਧਿਕਾਰਤ ਤੌਰ ’ਤੇ ਪੁਸ਼ਟੀ ਨਹੀਂ ਹੋਈ ਕਿ ਉਨ੍ਹਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਸਨ ਜਾਂ ਨਹੀਂ।
ਕੰਨੜ ਫ਼ਿਲਮ ਅਦਾਕਾਰ ਸ਼ਿਵਰਾਜਕੁਮਾਰ ਦਾ ਨਾਮ ਵੀ 2002 ਦੀ ਵੋਟਰ ਲਿਸਟ ਵਿੱਚ ਮਿਲਿਆ ਸੀ ਅਤੇ ਸਿਸਟਮ ਨੇ ਸੁਣਵਾਈ ਲਈ ਇੱਕ ਨੋਟਿਸ ਜਨਰੇਟ ਕੀਤਾ ਸੀ।
ਹਾਲਾਂਕਿ, ਉਨ੍ਹਾਂ ਨੂੰ ਦਸਤਾਵੇਜ਼ ਲੈ ਕੇ GBA ਦਫ਼ਤਰ ਜਾਣ ਦੀ ਲੋੜ ਨਹੀਂ ਪਈ। ਚੋਣ ਅਧਿਕਾਰੀਆਂ ਨੇ ਉਨ੍ਹਾਂ ਦੇ ਘਰ ਜਾ ਕੇ ਹੀ ਵੈਰੀਫਿਕੇਸ਼ਨ ਦੀ ਪ੍ਰਕਿਰਿਆ ਪੂਰੀ ਕੀਤੀ।
SIR 'ਚ VIPs ਲਈ ਖ਼ਾਸ ਇੰਤਜ਼ਾਮ
ਚੋਣ ਕਮਿਸ਼ਨ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, “ਸਾਡੇ ਕੋਲ VIPs ਲਈ ਸੁਣਵਾਈ ਵਿੱਚ ਸ਼ਾਮਲ ਹੋਏ ਬਿਨਾਂ ਹੀ ਪ੍ਰਕਿਰਿਆ ਪੂਰੀ ਕਰਨ ਦਾ ਪ੍ਰਬੰਧ ਹੈ। ਸੰਬੰਧਿਤ BLO ਉਨ੍ਹਾਂ ਦੇ ਘਰ ਜਾ ਕੇ ਇਹ ਪ੍ਰਕਿਰਿਆ ਪੂਰੀ ਕਰਨਗੇ।”
ਇਸ ਸ਼੍ਰੇਣੀ ਵਿੱਚ ਜੱਜ, ਸੰਸਦ ਮੈਂਬਰ (MP), ਵਿਧਾਇਕ (MLA), ਸੀਨੀਅਰ ਨੇਤਾ, ਨੌਕਰਸ਼ਾਹ ਅਤੇ ਖੇਡ ਤੇ ਸਿਨੇਮਾ ਜਗਤ ਨਾਲ ਜੁੜੇ ਲੋਕ ਸ਼ਾਮਲ ਹਨ।
ਪ੍ਰੋ. CNR ਰਾਓ ਨੂੰ ਨੋਟਿਸ ਮਿਲਣ ’ਤੇ EC ਦੀ ਸਫਾਈ
ਚੋਣ ਕਮਿਸ਼ਨ ਨੇ ਇਹ ਵੀ ਸਪਸ਼ਟ ਕੀਤਾ ਕਿ ਭਾਰਤ ਰਤਨ ਨਾਲ ਸਨਮਾਨਿਤ ਅਤੇ ਪ੍ਰਸਿੱਧ ਵਿਗਿਆਨੀ ਪ੍ਰੋ. CNR ਰਾਓ ਦੇ ਨਾਮ ਵਿੱਚ ਬੈਂਗਲੁਰੂ ਦੇ ਚੋਣੀ ਰਿਕਾਰਡ ਵਿੱਚ ਗੜਬੜੀ ਪਾਈ ਗਈ ਸੀ। ਇਸ ਮਾਮਲੇ ’ਤੇ ਵਿਵਾਦ ਖੜ੍ਹਾ ਹੋਣ ਤੋਂ ਬਾਅਦ ਚੋਣ ਕਮਿਸ਼ਨ (EC) ਨੇ ਬੁੱਧਵਾਰ ਨੂੰ ਸਪਸ਼ਟੀਕਰਨ ਦਿੱਤਾ।
ਗ੍ਰੇਟਰ ਬੈਂਗਲੁਰੂ ਅਥਾਰਟੀ (GBA) ਨੇ ਆਪਣੇ ਚੀਫ਼ ਕਮਿਸ਼ਨਰ ਅਤੇ ਬੈਂਗਲੁਰੂ ਅਰਬਨ ਡਿਸਟ੍ਰਿਕਟ ਇਲੈਕਸ਼ਨ ਅਫ਼ਸਰ ਐਮ. ਮਹੇਸ਼ਵਰ ਰਾਓ ਦਾ ਹਵਾਲਾ ਦਿੰਦਿਆਂ ਕਿਹਾ, “ਮੱਲੇਸ਼ਵਰਮ ਵਿਧਾਨ ਸਭਾ ਹਲਕੇ ਵਿੱਚ ਵੋਟਰ ਲਿਸਟ ਦੇ ਸਪੈਸ਼ਲ ਇੰਟੈਂਸਿਵ ਰਿਵਿਜ਼ਨ (SIR) ਦੇ ਸਬੰਧ ਵਿੱਚ ਭਾਰਤ ਰਤਨ ਪੁਰਸਕਾਰ ਨਾਲ ਸਨਮਾਨਿਤ ਪ੍ਰੋ. CNR ਰਾਓ ਨੂੰ ਕੋਈ ਨੋਟਿਸ ਜਾਰੀ ਨਹੀਂ ਕੀਤਾ ਗਿਆ ਹੈ।”
GBA ਨੇ ਕਿਹਾ, “ਵੋਟਰ ਲਿਸਟ ਵਿੱਚ ਇਸ ਸਨਮਾਨਿਤ ਵਿਅਕਤੀ ਦੇ ਨਾਮ ਵਿੱਚ ਇੱਕ ਗੜਬੜੀ ਦੇਖੀ ਗਈ ਸੀ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਬੂਥ ਲੈਵਲ ਅਫ਼ਸਰ (BLO) ਨੇ ਉਨ੍ਹਾਂ ਨੂੰ ਇੱਕ ਸਨਮਾਨਿਤ ਵਿਅਕਤੀ ਮੰਨਦਿਆਂ, ਬਿਨਾਂ ਕੋਈ ਨੋਟਿਸ ਜਾਰੀ ਕੀਤੇ, ਫਾਈਨਲ ਵੋਟਰ ਲਿਸਟ ਵਿੱਚ ਉਨ੍ਹਾਂ ਦਾ ਨਾਮ ਸ਼ਾਮਲ ਕਰਨ ਦੀ ਸਿਫਾਰਸ਼ ਕੀਤੀ ਹੈ।”