- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗਾਜ਼ਾ 'ਚ ਬੰਬਾਰੀ ਤੋਂ ਬਾਅਦ ਡਿੱਗੀ ਸੱਤ ਮੰਜ਼ਿਲਾ ਇਮਾਰਤ, 20 ਲੋਕਾਂ ਦੀ ਮੌਤ; 100 ਤੋਂ ਵੱਧ ਮਲਬੇ ਹੇਠ ਦੱਬੇ
ਗਾਜ਼ਾ ਸ਼ਹਿਰ ਦੀ ਸਿਵਲ ਡਿਫ਼ੈਂਸ ਸਰਵਿਸ ਦੇ ਡਾਇਰੈਕਟਰ, ਰਾਏਦ ਅਲ-ਦਹਸ਼ਾਨ ਨੇ ਕਿਹਾ ਕਿ ਬਚਾਅ ਕਰਮੀਆਂ ਨੂੰ ਮਲਬੇ ਹੇਠੋਂ ਹਾਲੇ ਵੀ ਲੋਕਾਂ ਦੀਆਂ ਆਵਾਜ਼ਾਂ ਸੁਣਾਈ ਦੇ ਰਹੀਆਂ ਹਨ।
Posted By alisha
Publish Date: Wed, 16 Sep 2026 04:23 PM (IST)
Updated Date: Wed, 16 Sep 2026 04:26 PM (IST)
ਡਿਜੀਟਲ ਡੈਸਕ, ਯਰੂਸ਼ਲਮ: ਗਾਜ਼ਾ ਸ਼ਹਿਰ 'ਚ ਰਾਤ ਭਰ ਬੰਬ-ਧਮਾਕੇ ਹੁੰਦੇ ਰਹੇ, ਜਿਸ ਨਾਲ ਇੱਕ ਸੱਤ ਮੰਜ਼ਿਲਾ ਇਮਾਰਤ ਪੂਰੀ ਤਰ੍ਹਾਂ ਢਹਿ ਗਈ। ਇਸ ਹਾਦਸੇ 'ਚ ਮਲਬੇ ਹੇਠ ਦਬਣ ਨਾਲ 20 ਫ਼ਲਸਤੀਨੀਆਂ ਦੀ ਮੌਤ ਹੋ ਗਈ ਹੈ, ਜਿਨ੍ਹਾਂ 'ਚ ਪੰਜ ਬੱਚੇ ਸ਼ਾਮਲ ਹਨ।
ਸੱਤ ਮੰਜ਼ਿਲਾ ਇਹ ਇਮਾਰਤ 'ਤਲ ਅਲ-ਹਵਾ' ਇਲਾਕੇ 'ਚ ਡਿੱਗੀ। ਮਲਬੇ ਹੇਠ ਹਾਲੇ ਵੀ 100 ਤੋਂ ਵੱਧ ਲੋਕਾਂ ਦੇ ਫਸੇ ਹੋਣ ਦੀ ਆਸ਼ੰਕਾ ਹੈ।
ਇਸ ਇਮਾਰਤ 'ਚ ਕਰੀਬ 10 ਪਰਿਵਾਰ ਰਹਿ ਰਹੇ ਸਨ। ਇਮਾਰਤ ਡਿੱਗਣ ਨਾਲ 14 ਲੋਕ ਜ਼ਖ਼ਮੀ ਹੋ ਗਏ, ਜਦਕਿ ਬਚਾਅ ਕਰਮੀ ਜਿਊਂਦੇ ਬਚੇ ਲੋਕਾਂ ਦੀ ਭਾਲ 'ਚ ਜੁਟੇ ਰਹੇ।
ਗਾਜ਼ਾ 'ਚ ਬੰਬ ਧਮਾਕਿਆਂ ਨਾਲ ਡਿੱਗੀ ਇਮਾਰਤ
ਗਾਜ਼ਾ ਸ਼ਹਿਰ ਦੀ ਸਿਵਲ ਡਿਫ਼ੈਂਸ ਸਰਵਿਸ ਦੇ ਡਾਇਰੈਕਟਰ, ਰਾਏਦ ਅਲ-ਦਹਸ਼ਾਨ ਨੇ ਕਿਹਾ ਕਿ ਬਚਾਅ ਕਰਮੀਆਂ ਨੂੰ ਮਲਬੇ ਹੇਠੋਂ ਹਾਲੇ ਵੀ ਲੋਕਾਂ ਦੀਆਂ ਆਵਾਜ਼ਾਂ ਸੁਣਾਈ ਦੇ ਰਹੀਆਂ ਹਨ।
ਰਾਇਟਰਜ਼ ਨੂੰ ਮਿਲੀ ਇੱਕ ਵੀਡੀਓ 'ਚ ਬਚਾਅ ਕਰਮੀਆਂ ਨੂੰ ਡਿੱਗੀ ਹੋਈ ਕੰਧ ਹੇਠੋਂ ਦੋ ਲੋਕਾਂ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਦੇ ਹੋਏ ਦੇਖਿਆ ਗਿਆ।
ਮਲਬੇ ਨੂੰ ਹਟਾਉਣ ਲਈ ਜ਼ਰੂਰੀ ਭਾਰੀ ਮਸ਼ੀਨਰੀ ਅਤੇ ਹੋਰ ਉਪਕਰਨ ਵੀ ਮੌਜੂਦ ਨਹੀਂ ਹਨ। ਉੱਥੇ ਹੀ ਮਲਬੇ 'ਚ ਲੋਕਾਂ ਦੇ ਦਬੇ ਹੋਣ ਕਾਰਨ ਬਚਾਅ ਕਾਰਜ ਹੌਲੀ ਚੱਲ ਰਿਹਾ ਹੈ। ਸਥਾਨਕ ਨਿਵਾਸੀ ਵੀ ਮਲਬੇ ਨੂੰ ਹੱਥਾਂ ਨਾਲ ਹਟਾਉਣ ਦੇ ਕੰਮ 'ਚ ਸਿਵਲ ਡਿਫ਼ੈਂਸ ਟੀਮਾਂ ਦੀ ਮਦਦ ਕਰ ਰਹੇ ਹਨ।
ਲੋਕਾਂ ਨੂੰ ਬਚਾਉਣ ਲਈ ਆਪ੍ਰੇਸ਼ਨ ਜਾਰੀ
ਸੰਯੁਕਤ ਰਾਸ਼ਟਰ ਵਿਕਾਸ ਪ੍ਰੋਗਰਾਮ (UNDP) ਦੇ ਗਾਜ਼ਾ ਦਫ਼ਤਰ ਦੇ ਮੁਖੀ, ਐਲੇਸੈਂਡਰੋ ਮ੍ਰਾਕਿਕ ਨੇ ਕਿਹਾ ਕਿ ਇਸ ਆਪ੍ਰੇਸ਼ਨ 'ਚ ਮਿਸਰ ਦੀ ਰਾਹਤ ਏਜੰਸੀ ਦੇ ਨਾਲ-ਨਾਲ ਕੁਝ ਸੰਯੁਕਤ ਰਾਸ਼ਟਰ ਏਜੰਸੀਆਂ ਦੇ ਬਚਾਅ ਕਰਮੀ ਵੀ ਸ਼ਾਮਲ ਹਨ।
ਮ੍ਰਾਕਿਕ ਨੇ ਕਿਹਾ, 'ਜਿਵੇਂ ਕਿ ਤੁਸੀਂ ਦੇਖ ਸਕਦੇ ਹੋ, ਸਥਿਤੀ ਦੁਖਦਾਈ ਹੈ ਕਿਉਂਕਿ ਸਾਡੇ ਕੋਲ ਜ਼ਰੂਰੀ ਉਪਕਰਨ ਅਤੇ ਮਸ਼ੀਨਰੀ ਨਹੀਂ ਹੈ। ਇਸ ਲਈ ਲੋਕ ਅਸਲ 'ਚ ਆਪਣੇ ਹੱਥਾਂ ਨਾਲ ਮਲਬਾ ਹਟਾ ਰਹੇ ਹਨ। ਸਾਨੂੰ ਹੋਰ ਮੌਤਾਂ ਲਈ ਤਿਆਰ ਰਹਿਣ ਦੀ ਲੋੜ ਹੈ।'
ਮ੍ਰਾਕਿਕ ਨੇ ਦੱਸਿਆ, 'ਕਰੀਬ 400 ਇਮਾਰਤਾਂ ਡਿੱਗਣ ਦੇ ਖ਼ਤਰੇ 'ਚ ਹਨ ਅਤੇ ਅਸੀਂ ਜਾਣਦੇ ਹਾਂ ਕਿ ਇਹ ਇਮਾਰਤਾਂ ਡਿੱਗਣਗੀਆਂ, ਖ਼ਾਸ ਕਰਕੇ ਹੁਣ ਜਦੋਂ ਸਰਦੀਆਂ ਆਉਣ ਵਾਲੀਆਂ ਹਨ।'