ਤਿੱਬਤ 'ਚ ਬੈਰੀਅਰ ਲੇਕ ਟੁੱਟਣ ਨਾਲ ਮਚੀ ਹਾਹਾਕਾਰ, ਨੇਪਾਲ ਤੇ ਮਹਾਰਾਜਗੰਜ 'ਚ ਹੜ੍ਹ ਦਾ ਵੱਡਾ ਖ਼ਤਰਾ; ਹਾਈ ਅਲਰਟ ਜਾਰੀ

ਇਸ ਤੋਂ ਪਹਿਲਾਂ ਚੀਨ ਦੇ ਜਲ ਸਰੋਤ ਮੰਤਰਾਲੇ ਨੇ ਦੱਸਿਆ ਸੀ ਕਿ ਦੋਵਾਂ ਨਦੀਆਂ ਦੇ ਸੰਗਮ 'ਤੇ ਇੱਕ ਵੱਡੀ ਬੈਰੀਅਰ ਲੇਕ ਬਣ ਗਈ ਹੈ। ਸਵੇਰ ਤੱਕ ਝੀਲ 'ਚ ਲਗਭਗ 20 ਲੱਖ ਘਣ ਮੀਟਰ ਪਾਣੀ ਜਮ੍ਹਾਂ ਹੋ ਚੁੱਕਾ ਸੀ ਅਤੇ ਪਾਣੀ ਓਵਰਫਲੋ ਹੋਣ ਲੱਗਾ ਸੀ। ਤਿੱਬਤ 'ਚੋਂ ਨਿਕਲਣ ਵਾਲੀਆਂ ਛੋਚੇਨ ਅਤੇ ਪੁਰੇਪੂ ਨਦੀਆਂ ਸਰਹੱਦ ਪਾਰ ਨੇਪਾਲ 'ਚ ਭੋਤੇਕੋਸ਼ੀ ਕਹਾਉਂਦੀਆਂ ਹਨ। ਇਹੀ ਭੋਤੇਕੋਸ਼ੀ ਅੱਗੇ ਚੱਲ ਕੇ ਤ੍ਰਿਸ਼ੂਲੀ ਦੀ ਮੁੱਖ ਸਹਾਇਕ ਨਦੀ ਬਣਦੀ ਹੈ। ਝੀਲ ਟੁੱਟਣ ਦੇ ਖ਼ਤਰੇ ਨੂੰ ਦੇਖਦਿਆਂ ਚੀਨ ਨੇ ਸ਼ੁੱਕਰਵਾਰ ਸਵੇਰ ਤਿੱਬਤ 'ਚ ਚੱਲ ਰਿਹਾ ਆਪਣਾ ਬਚਾਅ ਅਭਿਆਨ ਵੀ ਅਸਥਾਈ ਤੌਰ 'ਤੇ ਰੋਕ ਦਿੱਤਾ ਹੈ। ਨੇਪਾਲ 'ਚ ਵੀ ਹੇਠਲੇ ਇਲਾਕਿਆਂ 'ਚ ਅਲਰਟ ਜਾਰੀ ਕੀਤਾ ਗਿਆ ਹੈ। ਮਹਾਰਾਜਗੰਜ ਸਿੰਜਾਈ ਮੰਡਲ ਦੋ ਦੇ ਕਾਰਜਕਾਰੀ ਇੰਜੀਨੀਅਰ ਈ. ਰਾਜੀਕ ਕਪਿਲ ਨੇ ਦੱਸਿਆ ਕਿ ਝੀਲ ਟੁੱਟਣ ਦੀ ਸੂਚਨਾ 'ਤੇ ਚੌਕਸੀ ਵਰਤੀ ਜਾ ਰਹੀ ਹੈ।