ਕੈਪਟਨ ਸਮਿਤ ਮਛਾਰ ਦੇ ਦੀਵਾਨੇ ਹੋਏ ਨੇਤਨਯਾਹੂ, ਇਜ਼ਰਾਈਲ ਦੇ ਆਜ਼ਾਦੀ ਦਿਹਾੜੇ ਦੇ ਸਮਾਰੋਹ ਦਾ ਦਿੱਤਾ ਸੱਦਾ; ਪੀਐੱਮ ਮੋਦੀ ਨੂੰ ਵੀ ਸੱਦਾ

Posted By alisha

Publish Date: Sun, 04 Oct 2026 10:17 AM (IST)

Updated Date: Sun, 04 Oct 2026 10:30 AM (IST)

ਕੈਪਟਨ ਸਮਿਤ ਮਛਾਰ ਦੇ ਦੀਵਾਨੇ ਹੋਏ ਨੇਤਨਯਾਹੂ, ਇਜ਼ਰਾਈਲ ਦੇ ਆਜ਼ਾਦੀ ਦਿਹਾੜੇ ਦੇ ਸਮਾਰੋਹ ਦਾ ਦਿੱਤਾ ਸੱਦਾ; ਪੀਐੱਮ ਮੋਦੀ ਨੂੰ ਵੀ ਸੱਦਾ

ਡਿਜੀਟਲ ਡੈਸਕ, ਯਰੂਸ਼ਲਮ : ਦੁਬਈ ਤੋਂ ਇਜ਼ਰਾਈਲ ਜਾ ਰਹੀ 'ਫਲਾਈਦੁਬਈ' ਦੀ ਉਡਾਣ 'ਤੇ ਹੋਣ ਵਾਲੇ ਇੱਕ ਸੰਭਾਵੀ ਘਾਤਕ ਹਮਲੇ ਨੂੰ ਆਪਣੀ ਬਹਾਦਰੀ ਅਤੇ ਸੂਝ-ਬੂਝ ਨਾਲ ਟਾਲਣ ਵਾਲੇ ਭਾਰਤੀ ਪਾਇਲਟ ਕੈਪਟਨ ਸਮਿਤ ਮਛਾਰ ਦੀ ਚਾਰੇ ਪਾਸੇ ਸ਼ਲਾਘਾ ਹੋ ਰਹੀ ਹੈ।

ਹਿੰਮਤ ਭਰੇ ਇਸ ਕਾਰਨਾਮੇ ਤੋਂ ਪ੍ਰਭਾਵਿਤ ਹੋ ਕੇ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕੈਪਟਨ ਸਮਿਤ ਨੂੰ "ਵਿਸ਼ਵ ਪੱਧਰੀ ਨਾਇਕ" ਕਰਾਰ ਦਿੱਤਾ ਹੈ। ਉਨ੍ਹਾਂ ਨੇ ਕੈਪਟਨ ਸਮਿਤ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੋਵਾਂ ਨੂੰ ਇਜ਼ਰਾਈਲ ਦੇ ਸੁਤੰਤਰਤਾ ਦਿਵਸ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਮਸ਼ਾਲ ਜਗਾਉਣ ਲਈ ਸੱਦਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਨੇ ਸ਼ਨੀਵਾਰ ਨੂੰ ਫੋਨ 'ਤੇ 38 ਸਾਲਾ ਕੈਪਟਨ ਸਮਿਤ ਨਾਲ ਗੱਲਬਾਤ ਕੀਤੀ ਸੀ ਅਤੇ ਉਨ੍ਹਾਂ ਦੀ ਸਿਹਤ ਬਾਰੇ ਜਾਣਕਾਰੀ ਲਈ ਸੀ; ਕੈਪਟਨ ਸਮਿਤ ਇਸ ਸਮੇਂ ਹਸਪਤਾਲ ਵਿੱਚ ਦਾਖਲ ਹਨ।

ਕਾਕਪਿਟ ਦੀ ਡਰਾਉਣੀ ਕਹਾਣੀ

ਬੁੱਧਵਾਰ ਨੂੰ ਫਲਾਈਦੁਬਈ ਦੀ ਉਡਾਣ FZ1073 ਜਿਸ ਵਿੱਚ 174 ਯਾਤਰੀ ਸਵਾਰ ਸਨ, ਇਜ਼ਰਾਈਲ ਵੱਲ ਜਾ ਰਹੀ ਸੀ। ਓਮਾਨ ਦੇ ਨਾਗਰਿਕ ਹਮਾਮ ਅਲ-ਹਮਾਮੀ ਇਸ ਵਿੱਚ ਸਹਿ-ਪਾਇਲਟ (co-pilot) ਵਜੋਂ ਮੌਜੂਦ ਸਨ।

ਕੈਪਟਨ ਸਮਿਤ ਨੇ ਪੂਰੀ ਘਟਨਾ ਬਾਰੇ ਦੱਸਿਆ

ਗੱਲਬਾਤ ਦੌਰਾਨ, ਕੈਪਟਨ ਸਮਿਤ ਨੇ ਨੇਤਨਯਾਹੂ ਨੂੰ ਦੱਸਿਆ ਕਿ ਹਮਲੇ ਤੋਂ ਠੀਕ ਪਹਿਲਾਂ ਸਹਿ-ਪਾਇਲਟ ਨੇ ਪ੍ਰਾਰਥਨਾ ਕਰਨ ਦੀ ਇੱਛਾ ਪ੍ਰਗਟਾਈ ਸੀ। ਸਤਿਕਾਰ ਵਜੋਂ, ਕੈਪਟਨ ਸਮਿਤ ਨੇ ਆਪਣਾ ਧਿਆਨ ਸਾਹਮਣੇ ਵੱਲ ਕਰ ਲਿਆ ਤਾਂ ਜੋ ਸਹਿ-ਪਾਇਲਟ ਪ੍ਰਾਰਥਨਾ ਕਰ ਸਕੇ।

ਕੈਪਟਨ ਨੇ ਦੱਸਿਆ ਕਿ ਲਗਪਗ 4-5 ਮਿੰਟਾਂ ਬਾਅਦ ਅਚਾਨਕ ਉਨ੍ਹਾਂ ਦੇ ਸਿਰ ਦੇ ਪਿਛਲੇ ਹਿੱਸੇ 'ਤੇ ਜ਼ੋਰਦਾਰ ਵਾਰ ਕੀਤਾ ਗਿਆ। ਸ਼ੁਰੂ ਵਿੱਚ ਉਨ੍ਹਾਂ ਨੂੰ ਕਿਸੇ ਵੱਡੀ ਤਕਨੀਕੀ ਖਰਾਬੀ ਦਾ ਸ਼ੱਕ ਹੋਇਆ ਪਰ ਜਿਵੇਂ-ਜਿਵੇਂ ਵਾਰ ਹੁੰਦੇ ਗਏ, ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਕਿ ਹਮਲਾ ਜਹਾਜ਼ 'ਤੇ ਨਹੀਂ, ਸਗੋਂ ਕਾਕਪਿਟ ਦੇ ਅੰਦਰ ਹੀ ਉਨ੍ਹਾਂ ਦੇ ਆਪਣੇ ਸਾਥੀ ਦੁਆਰਾ ਕੀਤਾ ਜਾ ਰਿਹਾ ਸੀ। ਸਹਿ-ਪਾਇਲਟ ਨੇ ਕਾਕਪਿਟ ਵਿੱਚ ਰੱਖੀ ਐਮਰਜੈਂਸੀ 'ਕ੍ਰੈਸ਼ ਐਕਸ' ਦੀ ਵਰਤੋਂ ਕਰਕੇ ਉਨ੍ਹਾਂ 'ਤੇ ਹਮਲਾ ਕੀਤਾ ਸੀ।

ਕੈਪਟਨ ਸਮਿਤ ਨੇ ਕਮਾਲ ਦੀ ਸੰਜਮਤਾ ਦਿਖਾਈ

ਇਸ ਹਮਲੇ ਦੌਰਾਨ ਵੀ ਕੈਪਟਨ ਸਮਿਥ ਨੇ ਕਮਾਲ ਦੀ ਸੰਜਮਤਾ ਦਾ ਪ੍ਰਦਰਸ਼ਨ ਕੀਤਾ। ਜਹਾਜ਼ ਦਾ ਐਮਰਜੈਂਸੀ ਸਿਗਨਲ ਚਾਲੂ ਕੀਤਾ ਗਿਆ ਅਤੇ ਜਹਾਜ਼ ਨੇ 34,000 ਫੁੱਟ ਦੀ ਉਚਾਈ ਤੋਂ ਤੇਜ਼ੀ ਨਾਲ ਹੇਠਾਂ ਆ ਕੇ 17,000 ਫੁੱਟ ਤੋਂ ਵੀ ਘੱਟ ਉਚਾਈ 'ਤੇ ਸਾਊਦੀ ਅਰਬ ਵਿੱਚ ਐਮਰਜੈਂਸੀ ਲੈਂਡਿੰਗ ਕੀਤੀ। ਭਾਵੇਂ ਇਸ ਘਟਨਾ ਦੌਰਾਨ ਜਹਾਜ਼ ਦਾ 'ਰਡਰ' ਨੁਕਸਾਨਿਆ ਗਿਆ ਸੀ ਫਿਰ ਵੀ ਯਾਤਰੀਆਂ ਦੀਆਂ ਜਾਨਾਂ ਬਚ ਗਈਆਂ।