ਭਾਰਤੀ ਕੰਪਨੀ ਦੀ ਨਿਕਲੀ ਲਾਟਰੀ! UAE ਤੋਂ ਮਿਲਿਆ ₹4,000 ਕਰੋੜ ਦਾ ਬੰਪਰ ਆਰਡਰ, ਕੰਪਨੀ ਦੀ ਆਰਡਰ ਬੁੱਕ ਨੇ ਛੂਹਿਆ ₹19,469 ਕਰੋੜ ਦਾ ਅੰਕੜਾ

ਬਿਜ਼ਨਸ ਡੈਸਕ, ਨਵੀਂ ਦਿੱਲੀ : ਕਲਪਤਰੂ ਪ੍ਰੋਜੈਕਟਸ ਇੰਟਰਨੈਸ਼ਨਲ ਨੂੰ ਸੰਯੁਕਤ ਅਰਬ ਅਮੀਰਾਤ ’ਚ ਇੱਕ ਗੈਸ ਪਾਈਪਲਾਈਨ ਪ੍ਰੋਜੈਕਟ ਦੇ ਇੰਜੀਨੀਅਰਿੰਗ, ਪ੍ਰੋਕਿਊਰਮੈਂਟ ਤੇ ਕੰਸਟਰਕਸ਼ਨ (EPC) ਲਈ ₹4,000 ਕਰੋੜ ਦਾ ਵੱਡਾ ਆਰਡਰ ਮਿਲਿਆ ਹੈ। ਆਰਡਰ ਦੇਣ ਵਾਲੀ ਕੰਪਨੀ ਨੂੰ ‘ਇੰਟਰਨੈਸ਼ਨਲ’ ਕੈਟੇਗਰੀ ’ਚ ਰੱਖਿਆ ਗਿਆ ਹੈ ਤੇ ਫਾਈਲਿੰਗ ’ਚ ਉਸ ਦਾ ਖਾਸ ਨਾਮ ਨਹੀਂ ਦੱਸਿਆ ਗਿਆ।

ਕੁੱਲ ਕਿੰਨੀ ਵੱਡੀ ਹੈ ਆਰਡਰ ਬੁੱਕ?

ਕਲਪਤਰੂ ਪ੍ਰੋਜੈਕਟਸ ਇੰਟਰਨੈਸ਼ਨਲ ਨੇ ਅੱਜ ਨਵੇਂ ਆਰਡਰ ਦਾ ਐਲਾਨ ਕੀਤਾ ਹੈ। ਇਹ ਕੰਪਨੀ ਨੂੰ ਹਾਲ ਹੀ ’ਚ ਮਿਲੇ ਆਰਡਰਾਂ ’ਚ ਇੱਕ ਅਹਿਮ ਵਾਧਾ ਹੈ। ਪਿਛਲੀਆਂ ਤਿੰਨ ਵਿੱਤੀ ਤਿਮਾਹੀਆਂ ’ਚ ਕੁੱਲ 7 ਆਰਡਰ ਮਿਲਣ ਤੋਂ ਬਾਅਦ ਹੁਣ ਕੰਪਨੀ ਦੀ ਕੁੱਲ ਆਰਡਰ ਬੁੱਕ ₹19,469.00 ਕਰੋੜ ਹੋ ਗਈ ਹੈ। ਇਹ ਬੈਕਲਾਗ ₹6,902.93 ਕਰੋੜ ਦੇ ਔਸਤ ਤਿਮਾਹੀ ਰੇਵਨਿਊ ਦੇ ਮੁਕਾਬਲੇ 2.82 ਤਿਮਾਹੀਆਂ ਦੀ ਕਵਰੇਜ ਦਿੰਦਾ ਹੈ।

ਕਿੰਨਾ ਵੱਡਾ ਹੈ ਕੰਪਨੀ ਦਾ ਕਾਰੋਬਾਰ?

ਕਲਪਤਰੂ ਪ੍ਰੋਜੈਕਟਸ ਇੰਟਰਨੈਸ਼ਨਲ ਦੁਨੀਆ ਦੀਆਂ ਵੱਡੀਆਂ ਇੰਜੀਨੀਅਰਿੰਗ, ਪ੍ਰੋਕਿਊਰਮੈਂਟ ਤੇ ਕੰਸਟਰਕਸ਼ਨ (EPC) ਕੰਪਨੀਆਂ ਵਿੱਚੋਂ ਇੱਕ ਹੈ, ਜਿਸ ਦੀ ਮੌਜੂਦਗੀ 75 ਦੇਸ਼ਾਂ ’ਚ ਹੈ। KPIL ਕਈ ਵੱਖ-ਵੱਖ ਸੈਕਟਰਾਂ ’ਚ ਇੰਟੀਗ੍ਰੇਟਿਡ EPC ਹੱਲ ਪ੍ਰਦਾਨ ਕਰਦੀ ਹੈ, ਜਿਵੇਂ ਪਾਵਰ ਟ੍ਰਾਂਸਮਿਸ਼ਨ ਤੇ ਡਿਸਟ੍ਰੀਬਿਊਸ਼ਨ, ਬਿਲਡਿੰਗ ਤੇ ਫੈਕਟਰੀ, ਪਾਣੀ ਦੀ ਸਪਲਾਈ ਤੇ ਟ੍ਰੀਟਮੈਂਟ, ਰੇਲਵੇ, ਤੇਲ ਤੇ ਗੈਸ ਇੰਫ੍ਰਾਸਟਰੱਕਚਰ, ਅਰਬਨ ਮੋਬਿਲਿਟੀ, ਹਾਈਵੇ ਤੇ ਏਅਰਪੋਰਟ।

ਕੰਪਨੀ ਭਾਰਤ ’ਚ ਪਾਵਰ ਟ੍ਰਾਂਸਮਿਸ਼ਨ ਟਾਵਰ, ਹੈਵੀ ਮੈਟਲ ਸਟਰਕਚਰ ਤੇ ਸਕੈਫੋਲਡਿੰਗ ਤੇ ਫਾਰਮਵਰਕ ਸਿਸਟਮ ਬਣਾਉਣ ਲਈ ਦੋ ਮੈਨਿਊਫੈਕਚਰਿੰਗ ਪਲਾਂਟ ਚਲਾਉਂਦੀ ਹੈ। FY2026 ’ਚ KPIL ਨੇ ₹27,143 ਕਰੋੜ (ਲਗਭਗ USD 2.9 ਬਿਲੀਅਨ) ਦਾ ਰੇਵਨਿਊ ਕਮਾਇਆ ਤੇ 30 ਤੋਂ ਵੱਧ ਦੇਸ਼ਾਂ ’ਚ 250 ਤੋਂ ਵੱਧ ਪ੍ਰੋਜੈਕਟਾਂ ’ਤੇ ਕੰਮ ਕੀਤਾ।

ਕਿਵੇਂ ਰਿਹਾ ਸ਼ੇਅਰ ਦਾ ਪਰਫਾਰਮੈਂਸ?

• ਅੱਜ ਕਰੀਬ ਪੌਣੇ 10 ਵਜੇ ਇਸ ਸ਼ੇਅਰ ’ਚ 0.75 ਫੀਸਦੀ ਦੀ ਤੇਜ਼ੀ ਹੈ।
• ਪਿਛਲੇ 5 ਦਿਨਾਂ ’ਚ ਇਹ 3.37 ਫੀਸਦੀ ਉੱਪਰ ਚੜ੍ਹਿਆ ਹੈ।
• ਇਸ ਦਾ ਇੱਕ ਮਹੀਨੇ ਦਾ ਰਿਟਰਨ 2.22 ਫੀਸਦੀ ਤੇ 6 ਮਹੀਨਿਆਂ ’ਚ 9 ਫੀਸਦੀ ਰਿਹਾ ਹੈ।
• ਹਾਲਾਂਕਿ, ਪਿਛਲੇ 1 ਸਾਲ ’ਚ ਇਹ 25 ਫੀਸਦੀ ਡਿੱਗਿਆ ਹੈ।