ਕੁਵੈਤ 'ਤੇ ਈਰਾਨੀ ਮਿਜ਼ਾਈਲਾਂ ਦਾ ਕਹਿਰ: ਫਲਾਈਟਾਂ ਰੱਦ, ਅਮਰੀਕੀ ਫੌਜੀ ਟਿਕਾਣਿਆਂ ਅਤੇ ਪਾਵਰ ਗ੍ਰਿਡ ਨੂੰ ਬਣਾਇਆ ਨਿਸ਼ਾਨਾ

ਇਸ ਤੋਂ ਇਲਾਵਾ, ਆਈਆਰਜੀਸੀ ਨੇ ਦਾਅਵਾ ਕੀਤਾ ਕਿ ਉਸ ਨੇ ਇੱਕ ਟਾਰਗੇਟਿਡ ਡਰੋਨ ਹਮਲਾ ਕੀਤਾ, ਜਿਸ 'ਚ ਕੁਵੈਤ ਸਥਿਤ ਅਮਰੀਕੀ 'ਅਲੀ ਅਲ ਸਲੇਮ ਬੇਸ' 'ਤੇ ਲੱਗੇ ਰਡਾਰ ਸਿਸਟਮ ਨੂੰ ਸਫਲਤਾਪੂਰਵਕ ਨਸ਼ਟ ਕਰ ਦਿੱਤਾ ਗਿਆ। ਸਮੁੰਦਰੀ ਅਤੇ ਕਮਿਊਨੀਕੇਸ਼ਨ ਦੇ ਮੋਰਚੇ 'ਤੇ ਤਣਾਅ ਨੂੰ ਹੋਰ ਵਧਾਉਂਦੇ ਹੋਏ ਈਰਾਨ ਦੇ ਸਰਕਾਰੀ ਮੀਡੀਆ ਨੇ ਨੇਵੀ ਦੇ ਹਵਾਲੇ ਨਾਲ ਦੱਸਿਆ ਕਿ ਉਸ ਦੀਆਂ ਯੂਨਿਟਾਂ ਨੇ ਕੁਵੈਤ ਦੇ 'ਅਲ ਅਹਿਮਦੀ ਪੋਰਟ' 'ਤੇ ਮੌਜੂਦ ਅਮਰੀਕੀ ਨੇਵੀ ਦੇ ਫਿਊਲ ਸਪੋਰਟ ਪੀਅਰ (ਬਾਲਣ ਸਪਲਾਈ ਕੇਂਦਰ) ਖਿਲਾਫ ਡਰੋਨ ਅਤੇ ਮਿਜ਼ਾਈਲਾਂ ਤਾਇਨਾਤ ਕੀਤੀਆਂ ਸਨ। ਆਈਆਰਜੀਸੀ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸ ਨੇ ਦੇਸ਼ ਦੇ ਅੰਦਰ ਮੌਜੂਦ ਅਮਰੀਕੀ ਸਿਗਨਲਿੰਗ ਅਤੇ ਕਮਿਊਨੀਕੇਸ਼ਨ ਹੱਬ 'ਤੇ ਹਮਲਾ ਕਰਕੇ ਉਸ ਨੂੰ ਤਬਾਹ ਕਰ ਦਿੱਤਾ ਹੈ।