'ਹੜ੍ਹ ਆਇਆ, ਹੜ੍ਹ ਆਇਆ'; ਨੇਪਾਲ ’ਚ ਮਚੀ ਤਬਾਹੀ ਦੌਰਾਨ ਲੰਚ ਬ੍ਰੇਕ ਨੇ ਕਿਵੇਂ ਬਚਾਈ ਸਕੂਲੀ ਬੱਚਿਆਂ ਦੀ ਜਾਨ?

ਧਾਡਿੰਗ ਦੇ ਸਕੂਲ ਵਿੱਚ ਦੂਜੀ ਕਲਾਸ ਦੇ ਬੱਚੇ ਵੀ ਬਚ ਗਏ ਕਿਉਂਕਿ ਪਾਣੀ ਦੇ ਤੇਜ਼ੀ ਨਾਲ ਅੰਦਰ ਆਉਣ ਤੋਂ ਠੀਕ ਪਹਿਲਾਂ ਟੀਚਰਾਂ ਨੇ ਉਨ੍ਹਾਂ ਨੂੰ ਜਲਦੀ ਨਾਲ ਕਲਾਸ ਵਿੱਚੋਂ ਬਾਹਰ ਨਿਕਲਣ ਲਈ ਕਹਿ ਦਿੱਤਾ ਸੀ। ਸਕੂਲ ਵਿੱਚ ਪੜ੍ਹਦੇ ਇੱਕ ਵਿਦਿਆਰਥੀ ਦੀ ਮਾਂ ਨੇ ਕਿਹਾ, "ਟੀਚਰਾਂ ਨੇ ਕਿਹਾ ਕਿ ਹੜ੍ਹ ਆ ਗਿਆ ਹੈ ਅਤੇ ਤੁਹਾਨੂੰ ਆਪਣੇ ਬੈਗ ਅਤੇ ਟਿਫਿਨ ਛੱਡ ਦੇਣੇ ਚਾਹੀਦੇ ਹਨ। ਇਸ ਤਰ੍ਹਾਂ ਉਹ ਬਚ ਪਾਏ।" ਪਰਿਵਾਰਾਂ ਨੇ ਦੱਸਿਆ ਕਿ ਸਕੂਲ ਦੇ ਜ਼ਿਆਦਾਤਰ ਬੱਚੇ ਹੜ੍ਹ ਤੋਂ ਸੁਰੱਖਿਅਤ ਬਚ ਗਏ ਸਨ।