ਵਿਕਟੋਰੀਆ ਦੀ ਪਾਰਲੀਮੈਂਟ 'ਚ ਪੰਮੀ ਬਾਈ ਦਾ ਵਿਸ਼ੇਸ਼ ਸਨਮਾਨ, ਆਈਪੀਐੱਲ ਦੀ ਤਰਜ਼ ’ਤੇ ਭੰਗੜਾ ਲੀਗ ਸ਼ੁਰੂ ਕਰਨ ਦੀ ਤਿਆਰੀ

ਪੰਮੀ ਬਾਈ ਨੇ ਕਿਹਾ ਕਿ ਭੰਗੜਾ ਸਰੀਰਕ ਤੰਦਰੁਸਤੀ, ਫੁਰਤੀ, ਅਨੁਸ਼ਾਸਨ ਅਤੇ ਟੀਮ ਭਾਵਨਾ ਨਾਲ ਜੁੜੀ ਵਿਧਾ ਹੈ। ਉਨ੍ਹਾਂ ਦੇ ਦੱਸਣ ਅਨੁਸਾਰ, 1953 ਵਿੱਚ ਭਾਜੀ ਮਨੋਹਰ, ਦੀਪਕ, ਉਸਤਾਦ ਭਾਨਾ ਰਾਮ ਸੁਨਾਮੀ, ਮੰਗਲ ਸੁਨਾਮੀ, ਦੀਪਕ ਬਰਦਰਜ਼, ਚਮਨ ਲਾਲ ਰਾਣਾ ਅਤੇ ਬਾਜ਼ੀਗਰ ਭਾਈਚਾਰੇ ਨੇ ਇਸ ਵਿਧਾ ਨੂੰ ਅੱਗੇ ਤੋਰਿਆ ਸੀ, ਜਿਸ ਵਿੱਚ ਖੇਡ ਅਤੇ ਭੰਗੜੇ ਦਾ ਸੁਮੇਲ ਸੀ। ਸਮੇਂ ਦੇ ਨਾਲ ਇਸ ਦਾ ਖੇਡ ਵਾਲਾ ਪੱਖ ਪਿੱਛੇ ਰਹਿ ਗਿਆ ਅਤੇ ਇਹ ਮੁੱਖ ਤੌਰ ’ਤੇ ਨਾਚ ਦੀ ਪੇਸ਼ਕਾਰੀ ਤੱਕ ਸੀਮਤ ਹੋ ਗਿਆ। ਹੁਣ ਉਨ੍ਹਾਂ ਦੀ ਕੋਸ਼ਿਸ਼ ਭੰਗੜੇ ਦੇ ਇਸ ਖੇਡ ਵਾਲੇ ਸਰੂਪ ਨੂੰ ਮੁੜ ਸੁਰਜੀਤ ਕਰਨ ਦੀ ਹੈ।