Youdha ਨੇ ਲਾਂਚ ਕੀਤਾ ਲਿਮਟਿਡ ਐਡੀਸ਼ਨ EPOD Bharat ਥ੍ਰੀ ਵ੍ਹੀਲਰ, ਜਾਣੋ ਕੀ ਹੈ ਖਾਸੀਅਤ ਤੇ ਕਿੰਨੀ ਹੈ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤੀ ਬਾਜ਼ਾਰ 'ਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਵਿਚ ਤੇਜ਼ੀ ਨਾਲ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ। ਇਸ ਨੂੰ ਦੇਖਦੇ ਹੋਏ ਕਈ ਨਿਰਮਾਤਾਵਾਂ ਵੱਲੋਂ ਇਸ ਸੈਗਮੈਂਟ 'ਚ ਨਵੇਂ ਵਾਹਨਾਂ ਨੂੰ ਪੇਸ਼ ਤੇ ਲਾਂਚ ਕੀਤਾ ਜਾ ਰਹਾ ਹੈ। Youdha ਵੱਲੋਂ ਵੀ ਕਮਰਸ਼ੀਅਲ ਸੈਗਮੈਂਟ 'ਚ Epod Bharat ਦੇ ਲਿਮਟਿਡ ਐਡੀਸ਼ਨ ਨੂੰ ਲਾਂਚ ਕੀਤਾ ਗਿਆ ਹੈ। ਇਸ ਵਿਚ ਕਿਸ ਤਰ੍ਹਾਂ ਦੀ ਖਾਸੀਅਤ ਨੂੰ ਦਿੱਤਾ ਗਿਆ ਹੈ ਤੇ ਕਿਸ ਕੀਮਤ 'ਤੇ ਇਸ ਨੂੰ ਆਫਰ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖਬਰ 'ਚ ਦੱਸ ਰਹੇ ਹਾਂ।

ਲਾਂਚ ਹੋਇਆ ਲਿਮਟਿਡ ਐਡੀਸ਼ਨ

ਯੌਧਾ ਵੱਲੋਂ ਭਾਰਤ 'ਚ ਕਈ ਸੈਗਮੈਂਟ 'ਚ ਇਲੈਕਟ੍ਰਿਕ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਕਮਰਸ਼ੀਅਲ ਸੈਗਮੈਂਟ 'ਚ L5 ਯਾਤਰੀ ਤਿੰਨ ਪਹੀਆ ਵਾਹਨ ਦੇ ਲਿਮਟਿਡ ਐਡੀਸ਼ਨ ਵਜੋਂ Epod Bharat ਨੂੰ ਲਾਂਚ ਕੀਤਾ ਗਿਆ ਹੈ।

ਕੀ ਹੈ ਖਾਸੀਅਤ

ਇਸ ਐਡੀਸ਼ਨ ਦੀ ਖਾਸੀਅਤ ਇਹ ਹੈ ਕਿ ਇਸ ਵਿਚ ਥ੍ਰੀ ਵ੍ਹੀਲਰ ਨੂੰ ਪੂਰੀ ਤਰ੍ਹਾਂ ਨਾਲ ਹੱਥ ਨਾਲ ਪੇਂਟ ਕੀਤਾ ਗਿਆ ਹੈ। ਇਸ ਦੇ ਬਾਹਰੀ ਹਿੱਸੇ 'ਤੇ ਹੱਥ ਨਾਲ ਬਣਾਈ ਗਈ ਪੇਂਟਿੰਗ ਕੀਤੀ ਗਈ ਹੈ ਜੋ ਵਾਰਲੀ ਕਲਾ (Warli Art) ਤੋਂ ਪ੍ਰੇਰਿਤ ਹੈ ਜਿਸ ਵਿਚ ਔਰਤਾਂ, ਪੇਂਡੂ ਜੀਵਨ ਅਤੇ ਉਤਸਵਾਂ ਨੂੰ ਦਿਖਾਇਆ ਗਿਆ ਹੈ।

ਅਧਿਕਾਰੀਆਂ ਨੇ ਕਹੀ ਇਹ ਗੱਲ

ਯੌਧਾ ਦੇ ਸੀਈਓ ਆਯੁਸ਼ ਲੋਹੀਆ ਨੇ ਕਿਹਾ ਕਿ ਇਹ ਭਾਰਤ ਦੀ ਮਿੱਟੀ ਅਤੇ ਸੰਸਕ੍ਰਿਤੀ ਦੀ ਭਾਵਨਾ ਨੂੰ ਸਮਰਪਿਤ ਹੈ। ਇਸ ਦੇ ਜ਼ਰੀਏ ਸਾਡਾ ਯਤਨ ਹੈ ਕਿ ਪਾਰੰਪਰਿਕ ਕਲਾ ਨੂੰ ਇਲੈਕਟ੍ਰਿਕ ਮੋਬਿਲਿਟੀ ਪਲੇਟਫਾਰਮ 'ਤੇ ਲਿਆਂਦਾ ਜਾਵੇ, ਜਿਸ ਨਾਲ ਇਹ ਵਾਹਨ ਸਾਡੀ ਵਿਰਾਸਤ ਦੇ ਨਾਲ ਭਵਿੱਖ ਦੀਆਂ ਖਾਹਸ਼ਾਂ ਦਾ ਵੀ ਪ੍ਰਤੀਨਿਧਤਾ ਕਰੇ।

ਕਿੰਨੀ ਹੈ ਰੇਂਜ

ਨਿਰਮਾਤਾ ਵੱਲੋਂ ਆਫਰ ਕੀਤੇ ਗਏ ਇਸ ਇਲੈਕਟ੍ਰਿਕ ਥ੍ਰੀ ਵ੍ਹੀਲਰ ਨੂੰ 11.8 kWh ਦੀ ਸਮਰੱਥਾ ਵਾਲੀ ਬੈਟਰੀ ਨਾਲ ਆਫਰ ਕੀਤਾ ਗਿਆ ਹੈ, ਜਿਸ ਨਾਲ ਇਸ ਨੂੰ 227 ਕਿਲੋਮੀਟਰ ਤਕ ਦੀ ਰੇਂਜ ਮਿਲਦੀ ਹੈ। ਇਸ ਦੇ ਨਾਲ ਹੀ ਇਸ ਵਿਚ 6 ਕਿਲੋਵਾਟ ਦੀ ਸਮਰੱਥਾ ਵਾਲੀ ਮੋਟਰ ਦਿੱਤੀ ਗਈ ਹੈ ਜਿਸ ਤੋਂ 50 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ। ਇਸ ਵਿਚ ਸਿਟੀ ਤੇ ਈਕੋ ਰਾਈਡਿੰਗ ਮੋਡ ਮਿਲਦੇ ਹਨ।

ਕਿੰਨੀ ਹੈ ਕੀਮਤ

ਇਸ ਇਲੈਕਟ੍ਰਿਕ ਥ੍ਰੀ ਵ੍ਹੀਲਰ ਦੀ ਐਕਸ-ਸ਼ੋਅਰੂਮ ਕੀਮਤ 3.20 ਲੱਖ ਰੁਪਏ ਹੈ।