X Down: ਕੀ ਤੁਹਾਡਾ ਵੀ X ਅਕਾਊਂਟ ਨਹੀਂ ਹੋ ਰਿਹਾ ਲੌਗਇਨ? ਐਪ, ਵੈੱਬਸਾਈਟ ਤੇ ਫੀਡ ਵੀ ਨਹੀਂ ਹੋ ਰਹੀ ਲੋਡ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਐਲਨ ਮਸਕ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ X, ਜਿਸ ਨੂੰ ਪਹਿਲਾਂ ਟਵਿੱਟਰ ਦੇ ਨਾਮ ਨਾਲ ਜਾਣਿਆ ਜਾਂਦਾ ਸੀ, ਵਿੱਚ ਅੱਜ ਬੁੱਧਵਾਰ ਸਵੇਰ ਤੋਂ ਵੱਡੀ ਦਿੱਕਤ ਆ ਰਹੀ ਹੈ। ਹਜ਼ਾਰਾਂ ਯੂਜ਼ਰਜ਼ ਪਲੇਟਫਾਰਮ ਨਾਲ ਜੁੜੀਆਂ ਸਮੱਸਿਆਵਾਂ ਦੀ ਰਿਪੋਰਟ ਕਰ ਰਹੇ ਹਨ। ਖ਼ਬਰ ਲਿਖੇ ਜਾਣ ਤੱਕ ਕੰਪਨੀ ਨੇ ਇਸ ਦਿੱਕਤ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਅਤੇ ਅਜੇ ਅਧਿਕਾਰਤ ਪੁਸ਼ਟੀ ਦਾ ਇੰਤਜ਼ਾਰ ਹੈ।

ਆਨਲਾਈਨ ਆਊਟੇਜ ਮਾਨੀਟਰਿੰਗ ਪਲੇਟਫਾਰਮ 'ਡਾਊਨਡਿਟੈਕਟਰ' ’ਤੇ, ਅਮਰੀਕਾ ਵਿੱਚ 3,000 ਤੋਂ ਵੱਧ ਯੂਜ਼ਰਜ਼ ਨੇ ਇਸ ਸੋਸ਼ਲ ਮੀਡੀਆ ਪਲੇਟਫਾਰਮ ਵਿੱਚ ਸਮੱਸਿਆਵਾਂ ਦੀ ਰਿਪੋਰਟ ਕੀਤੀ ਹੈ। ਜਦਕਿ ਭਾਰਤ ਵਿੱਚ ਸਿਰਫ਼ 40 ਦੇ ਆਸ-ਪਾਸ ਰਿਪੋਰਟਾਂ ਮਿਲੀਆਂ ਹਨ। ਯੂਜ਼ਰਜ਼ ਦਾ ਕਹਿਣਾ ਹੈ ਕਿ ਐਪ, ਵੈੱਬਸਾਈਟ, ਫੀਡ ਅਤੇ ਟਾਈਮਲਾਈਨ ਦੇ ਲੋਡ ਹੋਣ ਵਿੱਚ ਦਿੱਕਤ ਆ ਰਹੀ ਹੈ।

46% ਯੂਜ਼ਰਜ਼ ਨੂੰ ਐਪ ਵਿੱਚ ਆ ਰਹੀ ਦਿੱਕਤ

Downdetector ’ਤੇ ਜ਼ਿਆਦਾਤਰ ਰਿਪੋਰਟਾਂ ਐਪ ਨਾਲ ਜੁੜੀਆਂ ਹਨ। ਡਾਟਾ ਤੋਂ ਪਤਾ ਲੱਗਦਾ ਹੈ ਕਿ ਲਗਭਗ 46 ਫ਼ੀਸਦੀ ਯੂਜ਼ਰਜ਼ ਨੂੰ ਐਪ ਵਰਤਣ ਵਿੱਚ ਦਿੱਕਤ ਆ ਰਹੀ ਹੈ, ਜਦਕਿ 34 ਫ਼ੀਸਦੀ ਨੇ ਫੀਡ/ਟਾਈਮਲਾਈਨ ਵਿੱਚ ਸਮੱਸਿਆ ਬਾਰੇ ਦੱਸਿਆ ਹੈ। ਜਦਕਿ ਬਾਕੀ 12 ਫ਼ੀਸਦੀ ਨੇ ਵੈੱਬਸਾਈਟ ਅਤੇ ਲੌਗਇਨ ਵਿੱਚ ਦਿੱਕਤ ਦੀ ਗੱਲ ਕਹੀ ਹੈ। Downdetector ਤੋਂ ਪਤਾ ਲੱਗਦਾ ਹੈ ਕਿ ਆਊਟੇਜ ਦੀ ਰਿਪੋਰਟ ਸਵੇਰੇ ਕਰੀਬ 7:30 ਵਜੇ ਤੋਂ ਆਉਣੀ ਸ਼ੁਰੂ ਹੋਈ।

ਅਜਿਹਾ ਦੇਖਿਆ ਗਿਆ ਹੈ ਕਿ ਜਦੋਂ ਆਨਲਾਈਨ ਪਲੇਟਫਾਰਮ ਡਾਊਨ ਹੁੰਦੇ ਹਨ, ਤਾਂ ਯੂਜ਼ਰਜ਼ ਅੱਪਡੇਟ ਅਤੇ ਰਿਐਕਸ਼ਨ ਲਈ X ਦਾ ਰੁਖ਼ ਕਰਦੇ ਹਨ, ਪਰ ਅੱਜ ਤਾਂ X ਵਿੱਚ ਹੀ ਦਿੱਕਤ ਆ ਗਈ ਜਿਸ ਦੀ ਵਜ੍ਹਾ ਕਰਕੇ ਕਈ ਲੋਕਾਂ ਨੂੰ ਲਾਈਵ ਰਿਐਕਸ਼ਨ ਲਈ ਆਪਣੀ ਆਮ ਜਗ੍ਹਾ ਨਹੀਂ ਮਿਲੀ।

ਯੂਜ਼ਰਜ਼ ਨੇ ਸਾਂਝਾ ਕੀਤਾ ਐਕਸਪੀਰੀਐਂਸ

ਅਜਿਹੇ ਵਿੱਚ ਅੱਜ ਯੂਜ਼ਰਜ਼ Downdetector ’ਤੇ ਆਪਣੇ ਐਕਸਪੀਰੀਐਂਸ ਸਾਂਝੇ ਕਰ ਰਹੇ ਹਨ। ਜਿੱਥੇ ਇੱਕ ਯੂਜ਼ਰ ਨੇ ਲਿਖਿਆ ਕਿ ਸਰਚ ਕੰਮ ਨਹੀਂ ਕਰ ਰਹੀ ਹੈ, ਕਮੈਂਟਸ ਅਤੇ ਕੋਟ ਟਵੀਟਸ ਨਹੀਂ ਦਿਖ ਰਹੇ ਹਨ, ਜਦਕਿ ਦੂਜੇ ਨੇ ਪੋਸਟ ਕੀਤਾ ਕਿ ਮੈਂ ਥੱਕ ਗਿਆ ਹਾਂ ਐਲਨ, ਮੈਂ ਬਹੁਤ ਥੱਕ ਗਿਆ ਹਾਂ ਬੱਸ ਵੈੱਬਸਾਈਟ ਡਿਲੀਟ ਕਰ ਦਿਓ।

ਕੰਪਨੀ ਨੇ ਅਜੇ ਤੱਕ ਆਊਟੇਜ ਬਾਰੇ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਫਿਲਹਾਲ, ਯੂਜ਼ਰਜ਼ ਨੂੰ ਬੱਸ ਇੰਤਜ਼ਾਰ ਕਰਨਾ ਹੋਵੇਗਾ ਕਿ ਕੰਪਨੀ ਸਮੱਸਿਆ ਦੀ ਪਛਾਣ ਕਰੇ ਅਤੇ ਉਸ ਨੂੰ ਠੀਕ ਕਰੇ।