- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
TV ਦੇ ਕੋਲ ਕਿਉਂ ਨਹੀਂ ਰੱਖਣਾ ਚਾਹੀਦਾ Wi-Fi ਰਾਊਟਰ ? ਜ਼ਿਆਦਾਤਰ ਲੋਕ ਨਹੀਂ ਜਾਣਦੇ ਵਜ੍ਹਾ
ਸਿਰਫ਼ TV ਤੋਂ ਨਿਕਲਣ ਵਾਲੀਆਂ ਇਲੈਕਟ੍ਰੋਮੈਗਨੈਟਿਕ ਵੇਵਜ਼ ਨੂੰ Wi-Fi ਦੀ ਸਪੀਡ ਹੌਲੀ ਹੋਣ ਦੀ ਸਭ ਤੋਂ ਵੱਡੀ ਵਜ੍ਹਾ ਮੰਨਣਾ ਸਹੀ ਨਹੀਂ ਹੈ। ਅੱਜ ਦੇ ਐਡਵਾਂਸ TV ਅਤੇ Wi-Fi ਰਾਊਟਰ ਆਮ ਤੌਰ 'ਤੇ ਇੱਕ-ਦੂਜੇ ਦੇ ਸਿਗਨਲ ਨੂੰ ਸਿੱਧੇ ਤੌਰ 'ਤੇ ਇੰਨਾ ਪ੍ਰਭਾਵਿਤ ਨਹੀਂ ਕਰਦੇ ਕਿ ਇੰਟਰਨੈੱਟ ਸਪੀਡ 'ਚ ਵੱਡਾ ਫ਼ਰਕ ਦੇਖਣ ਨੂੰ ਮਿਲੇ।
Posted By Seema Anand
Publish Date: Tue, 06 Oct 2026 12:24 PM (IST)
Updated Date: Tue, 06 Oct 2026 12:28 PM (IST)
ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਘਰ 'ਚ ਸਮਾਰਟ TV, ਮੋਬਾਈਲ, ਲੈਪਟਾਪ ਅਤੇ ਹੋਰ ਡਿਵਾਈਸ ਵਰਤਣ ਲਈ ਅੱਜ Wi-Fi ਵੀ ਬੇਹੱਦ ਜ਼ਰੂਰੀ ਡਿਵਾਈਸ ਬਣ ਚੁੱਕਾ ਹੈ। ਕਾਫ਼ੀ ਲੋਕ ਰਾਊਟਰ ਨੂੰ TV ਦੇ ਬਿਲਕੁਲ ਕੋਲ ਜਾਂ TV ਯੂਨਿਟ ਦੇ ਸਾਈਡ 'ਚ ਹੀ ਰੱਖ ਦਿੰਦੇ ਹਨ, ਕਿਉਂਕਿ ਉੱਥੇ ਪਾਵਰ ਸਾਕੇਟ ਅਤੇ ਇੰਟਰਨੈੱਟ ਕੇਬਲ ਆਸਾਨੀ ਨਾਲ ਐਡਜਸਟ ਹੋ ਜਾਂਦੀ ਹੈ। ਹਾਲਾਂਕਿ, ਇਹ ਰਾਊਟਰ ਦੀ ਜਗ੍ਹਾ Wi-Fi ਦੀ ਪਰਫਾਰਮੈਂਸ ਖਰਾਬ ਕਰ ਸਕਦੀ ਹੈ।
ਜੀ ਹਾਂ, ਖਾਸ ਤੌਰ 'ਤੇ ਜੇਕਰ ਰਾਊਟਰ ਨੂੰ ਬੰਦ ਕੈਬਿਨੇਟ ਜਾਂ ਫਿਰ ਬਹੁਤ ਸਾਰੇ ਇਲੈਕਟ੍ਰਾਨਿਕ ਡਿਵਾਈਸਾਂ ਦੇ ਵਿਚਕਾਰ ਜਾਂ ਕਿਸੇ ਕੋਨੇ 'ਚ ਰੱਖਿਆ ਗਿਆ ਹੈ। ਇਸ ਦੀ ਵਜ੍ਹਾ ਨਾਲ ਸਿਗਨਲ ਦੀ ਕਵਰੇਜ ਖਰਾਬ ਹੋ ਸਕਦੀ ਹੈ ਅਤੇ ਇੰਟਰਨੈੱਟ ਸਪੀਡ ਹੌਲੀ ਹੋ ਸਕਦੀ ਹੈ।
TV ਦੇ ਕੋਲ ਰਾਊਟਰ ਰੱਖਣ 'ਚ ਕੀ ਸਮੱਸਿਆ?
ਸਿਰਫ਼ TV ਤੋਂ ਨਿਕਲਣ ਵਾਲੀਆਂ ਇਲੈਕਟ੍ਰੋਮੈਗਨੈਟਿਕ ਵੇਵਜ਼ ਨੂੰ Wi-Fi ਦੀ ਸਪੀਡ ਹੌਲੀ ਹੋਣ ਦੀ ਸਭ ਤੋਂ ਵੱਡੀ ਵਜ੍ਹਾ ਮੰਨਣਾ ਸਹੀ ਨਹੀਂ ਹੈ। ਅੱਜ ਦੇ ਐਡਵਾਂਸ TV ਅਤੇ Wi-Fi ਰਾਊਟਰ ਆਮ ਤੌਰ 'ਤੇ ਇੱਕ-ਦੂਜੇ ਦੇ ਸਿਗਨਲ ਨੂੰ ਸਿੱਧੇ ਤੌਰ 'ਤੇ ਇੰਨਾ ਪ੍ਰਭਾਵਿਤ ਨਹੀਂ ਕਰਦੇ ਕਿ ਇੰਟਰਨੈੱਟ ਸਪੀਡ 'ਚ ਵੱਡਾ ਫ਼ਰਕ ਦੇਖਣ ਨੂੰ ਮਿਲੇ। ਪਰ ਸਮੱਸਿਆ ਜ਼ਿਆਦਾ ਉਦੋਂ ਆ ਸਕਦੀ ਹੈ ਜਦੋਂ ਰਾਊਟਰ ਦੇ ਆਲੇ-ਦੁਆਲੇ ਬਹੁਤ ਸਾਰੇ ਇਲੈਕਟ੍ਰਾਨਿਕ ਡਿਵਾਈਸ ਅਤੇ ਹੋਰ ਚੀਜ਼ਾਂ ਵੀ ਮੌਜੂਦ ਹੋਣ।
ਜੇਕਰ ਤੁਸੀਂ TV ਯੂਨਿਟ ਦੇ ਨਾਲ ਸੈੱਟ-ਟਾਪ ਬਾਕਸ, ਗੇਮਿੰਗ ਕੰਸੋਲ, ਸਾਊਂਡਬਾਰ ਅਤੇ ਹੋਰ ਡਿਵਾਈਸ ਵੀ ਰੱਖੇ ਹੋਏ ਹਨ ਅਤੇ TV ਦੇ ਪਿੱਛੇ ਮੈਟਲ ਪੈਨਲ, ਕੇਬਲ ਅਤੇ ਬੰਦ ਕੈਬਿਨੇਟ 'ਚ ਰਾਊਟਰ ਰੱਖਿਆ ਹੈ ਤਾਂ ਇਨ੍ਹਾਂ ਚੀਜ਼ਾਂ ਦੀ ਵਜ੍ਹਾ ਨਾਲ ਵੀ ਵਾਇਰਲੈੱਸ ਸਿਗਨਲ ਦੇ ਫੈਲਾਅ 'ਚ ਦਿੱਕਤ ਆ ਸਕਦੀ ਹੈ। ਇਸ ਦਾ ਅਸਰ ਖਾਸ ਤੌਰ 'ਤੇ ਉਨ੍ਹਾਂ ਕਮਰਿਆਂ 'ਚ ਦਿਖਾਈ ਦੇ ਸਕਦਾ ਹੈ ਜੋ ਰਾਊਟਰ ਤੋਂ ਥੋੜ੍ਹੇ ਦੂਰ ਹਨ।
ਕਿੱਥੇ ਰੱਖਣਾ ਚਾਹੀਦਾ ਹੈ ਰਾਊਟਰ?
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ Wi-Fi ਦੀ ਬਿਹਤਰ ਕਵਰੇਜ ਮਿਲੇ ਤਾਂ ਇਸ ਲਈ ਰਾਊਟਰ ਨੂੰ ਖੁੱਲ੍ਹੀ ਅਤੇ ਥੋੜ੍ਹੀ ਉੱਚੀ ਜਗ੍ਹਾ 'ਤੇ ਰੱਖੋ। ਕੋਸ਼ਿਸ਼ ਕਰੋ ਕਿ ਇਹ ਘਰ ਦੇ ਵਿਚਕਾਰ ਵਾਲੇ ਹਿੱਸੇ 'ਚ ਰੱਖਿਆ ਹੋਵੇ, ਤਾਂ ਜੋ ਸਿਗਨਲ ਵੱਖ-ਵੱਖ ਕਮਰਿਆਂ ਤੱਕ ਆਸਾਨੀ ਨਾਲ ਪਹੁੰਚ ਸਕਣ।
ਰਾਊਟਰ ਨੂੰ ਕਦੇ ਵੀ TV ਯੂਨਿਟ ਦੇ ਅੰਦਰ, ਬੰਦ ਅਲਮਾਰੀ, ਫਰਸ਼ 'ਤੇ ਜਾਂ ਕਿਸੇ ਵੱਡੇ ਇਲੈਕਟ੍ਰਾਨਿਕ ਡਿਵਾਈਸ ਦੇ ਬਿਲਕੁਲ ਪਿੱਛੇ ਜਾਂ ਕੋਲ ਨਾ ਰੱਖੋ। ਨਾਲ ਹੀ ਰਾਊਟਰ ਨੂੰ ਮਾਈਕ੍ਰੋਵੇਵ ਵਰਗੇ ਐਪਲਾਇੰਸ ਅਤੇ ਵੱਡੇ ਮੈਟਲ ਦੇ ਸਮਾਨ ਤੋਂ ਵੀ ਕੁਝ ਦੂਰੀ 'ਤੇ ਰੱਖੋ।