WhatsApp ਦਾ ਨਵਾਂ ਅਪਡੇਟ ਕਰੇਗਾ ਵੱਡਾ ਬਦਲਾਅ, ਚੈਟਿੰਗ ਦਾ ਪੂਰਾ ਲੁੱਕ ਬਦਲ ਜਾਵੇਗਾ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਵ੍ਹਟਸਐਪ ਵਰਤਣ ਵਾਲਿਆਂ ਲਈ ਚੰਗੀ ਖ਼ਬਰ ਹੈ। ਕੰਪਨੀ ਜਲਦ ਹੀ ਐਂਡਰਾਇਡ ਯੂਜ਼ਰਜ਼ ਲਈ ਚੈਟਿੰਗ ਐਕਸਪੀਰੀਅੰਸ ਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਸ਼ਾਨਦਾਰ ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ। ਜੀ ਹਾਂ, ਕੰਪਨੀ ਨਵੇਂ Chat Theme Categories 'ਤੇ ਕੰਮ ਕਰ ਰਹੀ ਹੈ, ਜਿਸ ਨਾਲ ਯੂਜ਼ਰਜ਼ ਆਪਣੀ ਪਸੰਦ ਦੇ ਹਿਸਾਬ ਨਾਲ ਚੈਟ ਦਾ ਲੁੱਕ ਬਦਲ ਸਕਣਗੇ।

ਖ਼ਾਸ ਗੱਲ ਇਹ ਹੈ ਕਿ ਇਸ ਅਪਡੇਟ ਵਿੱਚ ਪਹਿਲੀ ਵਾਰ Animated Wallpapers ਵੀ ਦੇਖਣ ਨੂੰ ਮਿਲਣਗੇ, ਜੋ ਚੈਟ ਬੈਕਗ੍ਰਾਊਂਡ ਵਿੱਚ ਹੌਲੀ-ਹੌਲੀ ਮੂਵ ਕਰਨਗੇ ਤੇ ਚੈਟਿੰਗ ਦੌਰਾਨ ਇੱਕ ਨਵਾਂ ਵਿਜ਼ੂਅਲ ਐਕਸਪੀਰੀਅੰਸ ਦੇਣਗੇ। ਇਹ ਫੀਚਰ ਫਿਲਹਾਲ WhatsApp Beta for Android 2.26.31.2 ਵਿੱਚ ਡਿਵੈਲਪਮੈਂਟ ਸਟੇਜ 'ਤੇ ਹੈ। ਚਲੋ ਇਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...

Chat Themes ਮਿਲਣਗੀਆਂ ਤਿੰਨ ਨਵੀਆਂ ਕੈਟਾਗਰੀਆਂ ਵਿੱਚ

Wabetainfo ਦੀ ਰਿਪੋਰਟ ਮੁਤਾਬਕ, ਵ੍ਹਟਸਐਪ ਇਸ ਅਪਡੇਟ ਵਿੱਚ Chat Themes ਨੂੰ ਤਿੰਨ ਵੱਖ-ਵੱਖ ਕੈਟਾਗਰੀਆਂ ਵਿੱਚ ਪੇਸ਼ ਕਰੇਗਾ, ਜਿਸ ਵਿੱਚ Featured, Doodle ਅਤੇ Minimal ਕੈਟਾਗਰੀ ਸ਼ਾਮਲ ਹੋਵੇਗੀ:

Featured ਕੈਟਾਗਰੀ: ਇਸ ਕੈਟਾਗਰੀ ਵਿੱਚ ਅਜਿਹੇ ਵਾਲਪੇਪਰ ਮਿਲਣਗੇ ਜਿਨ੍ਹਾਂ ਵਿੱਚ ਬੈਕਗ੍ਰਾਊਂਡ ਹੌਲੀ-ਹੌਲੀ ਐਨੀਮੇਟ ਹੋਵੇਗਾ। ਕੰਪਨੀ ਨੇ ਐਨੀਮੇਸ਼ਨ ਦੀ ਸਪੀਡ ਹੌਲੀ ਰੱਖੀ ਹੈ ਤਾਂ ਜੋ ਚੈਟ ਪੜ੍ਹਦੇ ਸਮੇਂ ਯੂਜ਼ਰਜ਼ ਦਾ ਧਿਆਨ ਨਾ ਭਟਕੇ ਅਤੇ ਪੜ੍ਹਨ ਵਿੱਚ ਆਸਾਨੀ ਬਣੀ ਰਹੇ।

Doodle ਕੈਟਾਗਰੀ: ਇਸ ਕੈਟਾਗਰੀ ਵਿੱਚ ਵ੍ਹਟਸਐਪ ਦੇ ਪੁਰਾਣੇ ਅਤੇ ਪਛਾਣ ਵਾਲੇ ਡੂਡਲ ਵਾਲਪੇਪਰ ਮਿਲਣਗੇ। ਲੰਬੇ ਸਮੇਂ ਤੋਂ ਐਪ ਵਰਤਣ ਵਾਲੇ ਯੂਜ਼ਰਜ਼ ਨੂੰ ਇਹ ਕਲਾਸਿਕ ਡਿਜ਼ਾਈਨ ਪਸੰਦ ਆ ਸਕਦਾ ਹੈ।

Minimal ਕੈਟਾਗਰੀ: ਜੇਕਰ ਤੁਸੀਂ ਬਿਲਕੁਲ ਸਾਫ਼-ਸੁਥਰਾ (Clean) ਇੰਟਰਫੇਸ ਪਸੰਦ ਕਰਦੇ ਹੋ ਤਾਂ Minimal ਕੈਟਾਗਰੀ ਤੁਹਾਡੇ ਲਈ ਬਿਹਤਰ ਹੋਵੇਗੀ। ਇਸ ਵਿੱਚ ਬਿਨਾਂ ਕਿਸੇ ਪੈਟਰਨ ਜਾਂ ਐਨੀਮੇਸ਼ਨ ਦੇ ਨਾਰਮਲ ਬੈਕਗ੍ਰਾਊਂਡ ਮਿਲੇਗਾ। ਲਾਈਟ ਮੋਡ ਵਿੱਚ ਚਿੱਟਾ (White) ਅਤੇ ਡਾਰਕ ਮੋਡ ਵਿੱਚ ਗੂੜ੍ਹਾ (Deep) ਰੰਗ ਦਾ ਬੈਕਗ੍ਰਾਊਂਡ ਮਿਲੇਗਾ, ਜਿਸ ਨਾਲ ਪੂਰਾ ਫੋਕਸ ਸਿਰਫ਼ ਚੈਟ 'ਤੇ ਹੀ ਬਣਿਆ ਰਹੇਗਾ।

Bubble Color ਵੀ ਬਦਲੇਗਾ

ਇੰਨਾ ਹੀ ਨਹੀਂ ਨਵੀਆਂ ਥੀਮਾਂ ਦੇ ਨਾਲ ਵ੍ਹਟਸਐਪ ਚੈਟ ਬਬਲ (Chat Bubble) ਦਾ ਰੰਗ ਵੀ ਆਪਣੇ ਆਪ ਸੈੱਟ ਹੋ ਜਾਵੇਗਾ। ਐਪ ਅਜਿਹਾ ਰੰਗ ਚੁਣੇਗਾ ਜੋ ਵਾਲਪੇਪਰ ਨਾਲ ਮੇਲ ਖਾਵੇ ਅਤੇ ਮੈਸੇਜ ਆਸਾਨੀ ਨਾਲ ਪੜ੍ਹੇ ਜਾ ਸਕਣ। ਇਸ ਦਾ ਉਦੇਸ਼ ਬਿਹਤਰ ਵਿਜ਼ੀਬਿਲਟੀ ਬਣਾਏ ਰੱਖਣਾ ਹੈ।

ਹਾਲਾਂਕਿ ਜੇਕਰ ਯੂਜ਼ਰ ਚਾਹੇ ਤਾਂ ਬਾਅਦ ਵਿੱਚ ਆਪਣੀ ਪਸੰਦ ਦਾ Bubble Color ਵੀ ਚੁਣ ਸਕੇਗਾ। ਅਜੇ ਇਸ ਦੀ ਟੈਸਟਿੰਗ ਚੱਲ ਰਹੀ ਹੈ ਅਤੇ ਉਮੀਦ ਹੈ ਕਿ ਆਉਣ ਵਾਲੇ ਬੀਟਾ ਅਪਡੇਟਸ ਤੋਂ ਬਾਅਦ ਇਹ ਫੀਚਰ ਸਾਰੇ ਐਂਡਰਾਇਡ ਯੂਜ਼ਰਜ਼ ਲਈ ਉਪਲਬਧ ਕਰਵਾ ਦਿੱਤਾ ਜਾਵੇਗਾ।