Vivo ਦਾ 200MP ਕੈਮਰੇ ਵਾਲਾ ਨਵਾਂ ਫੋਲਡੇਬਲ ਫ਼ੋਨ, 7000mAh ਦੀ ਵੱਡੀ ਬੈਟਰੀ ਤੇ ਫਲੈਗਸ਼ਿਪ ਪ੍ਰੋਸੈਸਰ ਵੀ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਵੀ ਜਲਦੀ ਹੀ ਕੋਈ ਨਵਾਂ ਫੋਲਡ ਫ਼ੋਨ ਖਰੀਦਣ ਬਾਰੇ ਸੋਚ ਰਹੇ ਹੋ? ਜੇਕਰ ਹਾਂ, ਤਾਂ ਕੁਝ ਦਿਨ ਹੋਰ ਇੰਤਜ਼ਾਰ ਕਰ ਲਓ। ਕਈ ਰਿਪੋਰਟਾਂ ਵਿੱਚ ਅਜਿਹਾ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ Vivo ਇਸ ਮਹੀਨੇ ਚੀਨ ਵਿੱਚ Vivo X Fold 6 ਫੋਲਡੇਬਲ ਫ਼ੋਨ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ। ਇਸੇ ਦੌਰਾਨ ਟਿਪਸਟਰ Digital Chat Station ਨੇ Weibo 'ਤੇ ਇੱਕ ਨਵੀਂ ਪੋਸਟ ਸ਼ੇਅਰ ਕਰਦੇ ਹੋਏ ਇਸ ਅਪਕਮਿੰਗ ਡਿਵਾਈਸ ਦੇ ਕੁਝ ਖਾਸ ਫੀਚਰਸ ਦਾ ਖੁਲਾਸਾ ਕੀਤਾ ਹੈ। ਚਲੋ ਜਾਣਦੇ ਹਾਂ ਕਿ Vivo X Fold 6 ਵਿੱਚ ਕੀ ਕੁਝ ਖਾਸ ਦੇਖਣ ਨੂੰ ਮਿਲ ਸਕਦਾ ਹੈ।

Vivo X Fold 6 ਦੇ ਸੰਭਾਵਿਤ ਸਪੈਸੀਫਿਕੇਸ਼ਨਜ਼

ਰਿਪੋਰਟਾਂ ਮੁਤਾਬਕ Vivo X Fold 6 ਇਸ ਮਹੀਨੇ ਦੇ ਅਖੀਰ 'ਚ ਲਾਂਚ ਹੋ ਸਕਦਾ ਹੈ। ਡਿਵਾਈਸ 'ਚ MediaTek Dimensity 9500 ਫਲੈਗਸ਼ਿਪ ਚਿੱਪਸੈੱਟ ਮਿਲ ਸਕਦਾ ਹੈ। ਨਾਲ ਹੀ ਇਸ ਫੋਲਡੇਬਲ ਫ਼ੋਨ 'ਚ 7,000mAh ਦੀ ਵੱਡੀ ਬੈਟਰੀ ਮਿਲ ਸਕਦੀ ਹੈ।

ਇੰਨੀ ਵੱਡੀ ਬੈਟਰੀ ਦੇ ਨਾਲ ਇਹ ਫ਼ੋਨ ਫੋਲਡੇਬਲ ਸਮਾਰਟਫ਼ੋਨਸ 'ਚ ਹੁਣ ਤਕ ਦੀ ਸਭ ਤੋਂ ਵੱਡੀ ਬੈਟਰੀ ਵਾਲੀਆਂ ਡਿਵਾਈਸਾਂ 'ਚੋਂ ਇਕ ਹੋ ਸਕਦਾ ਹੈ। ਵੱਡੀ ਬੈਟਰੀ ਤੇ ਅਪਗ੍ਰੇਡਿਡ ਕੈਮਰਾ ਹਾਰਡਵੇਅਰ ਦੇ ਬਾਵਜੂਦ ਇਸ ਡਿਵਾਈਸ ਦਾ ਡਿਜ਼ਾਈਨ ਕਾਫੀ ਸਲਿਮ ਅਤੇ ਹਲਕਾ ਹੋ ਸਕਦਾ ਹੈ।

Vivo X Fold 6 ਦੇ ਸੰਭਾਵੀ ਕੈਮਰਾ ਸਪੈਕਸ

ਫੋਟੋਗ੍ਰਾਫੀ ਲਈ Vivo ਦੇ ਇਸ ਫੋਲਡੇਬਲ ਫ਼ੋਨ 'ਚ 200-ਮੈਗਾਪਿਕਸਲ ਦਾ ਵੱਡਾ ਪ੍ਰਾਇਮਰੀ ਕੈਮਰਾ ਮਿਲ ਸਕਦਾ ਹੈ ਜਿਸ ਦੇ ਨਾਲ 50-ਮੈਗਾਪਿਕਸਲ ਦਾ ਪੈਰੀਸਕੋਪ ਟੈਲੀਫੋਟੋ ਕੈਮਰਾ ਵੀ ਮਿਲਣ ਦੀ ਉਮੀਦ ਹੈ ਜਿਸ ਵਿਚ ਮੀਡੀਅਮ ਸਾਈਜ਼ ਦਾ ਸੈਂਸਰ ਲੱਗਿਆ ਹੋ ਸਕਦਾ ਹੈ।

ਪਿਛਲੀ ਰਿਪੋਰਟ 'ਚ ਟਿਪਸਟਰ ਨੇ ਇਹ ਵੀ ਦੱਸਿਆ ਸੀ ਕਿ ਇਸਦੇ ਰੀਅਰ ਕੈਮਰਾ ਸੈੱਟਅੱਪ 'ਚ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਲੈਨਜ਼ ਵੀ ਸ਼ਾਮਲ ਹੋ ਸਕਦਾ ਹੈ। ਸੁਰੱਖਿਆ ਲਈ ਫ਼ੋਨ 'ਚ ਸਾਈਡ-ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਮਿਲ ਸਕਦਾ ਹੈ। Vivo X Fold 6 ਬਾਰੇ ਬਾਕੀ ਡਿਟੇਲਸ ਅਜੇ ਸਾਹਮਣੇ ਨਹੀਂ ਆਈਆਂ ਹਨ।