Vivo ਦਾ 5,500mAh ਬੈਟਰੀ ਵਾਲਾ ਕਿਫ਼ਾਇਤੀ ਫੋਨ ਲਾਂਚ, AI ਫੀਚਰਜ਼ ਦੇ ਨਾਲ ਮਿਲਟਰੀ-ਗ੍ਰੇਡ ਡਿਊਰੇਬਿਲਟੀ ਵੀ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਵੀਵੋ ਨੇ ਭਾਰਤ 'ਚ ਆਪਣਾ ਇਕ ਹੋਰ ਨਵਾਂ ਬਜਟ ਫੋਨ ਲਾਂਚ ਕਰ ਦਿੱਤਾ ਹੈ ਜਿਸ ਨੂੰ ਕੰਪਨੀ ਨੇ ਆਪਣੀ T-ਸੀਰੀਜ਼ ਤਹਿਤ ਪੇਸ਼ ਕੀਤਾ ਹੈ। ਕੰਪਨੀ ਨੇ ਇਸ ਨਵੇਂ ਡਿਵਾਈਸ ਨੂੰ Vivo T5e ਦੇ ਨਾਂ ਨਾਲ ਪੇਸ਼ ਕੀਤਾ ਹੈ। ਇਸ ਡਿਵਾਈਸ ਦਾ ਮਕਸਦ ਜ਼ਿਆਦਾ ਪੈਸੇ ਖ਼ਰਚ ਕੀਤੇ ਬਿਨਾਂ ਚੰਗਾ ਬੈਟਰੀ ਬੈਕਅੱਪ, ਮਜ਼ਬੂਤ ਡਿਜ਼ਾਈਨ ਅਤੇ AI-ਪਾਵਰਡ ਸਾਫ਼ਟਵੇਅਰ ਐਕਸਪੀਰੀਅੰਸ ਦੇਣਾ ਹੈ।

ਇਸ ਫੋਨ 'ਚ 5,500mAh ਦੀ ਬੈਟਰੀ, Android 16 'ਤੇ ਬੇਸਡ OriginOS 6, IP64 ਡਸਟ ਅਤੇ ਸਪਲੈਸ਼ ਰੈਜ਼ਿਸਟੈਂਸ ਤੇ ਮਿਲਟਰੀ-ਗ੍ਰੇਡ ਡਿਊਰੇਬਿਲਟੀ ਮਿਲ ਰਹੀ ਹੈ। ਨਾਲ ਹੀ ਫੋਨ 'ਚ AI ਕ੍ਰਿਏਸ਼ਨ, AI ਕੱਟਆਊਟ ਅਤੇ Vivo DocMaster ਵਰਗੇ ਕਈ AI ਫੀਚਰ ਵੀ ਮਿਲ ਰਹੇ ਹਨ।

ਡਿਵਾਈਸ ਇਹ ਸ਼ੈਡੋ ਗ੍ਰੇਅ ਤੇ ਏਅਰੋ ਬਲੂ ਕਲਰ ਆਪਸ਼ਨ 'ਚ ਪੇਸ਼ ਕੀਤਾ ਗਿਆ ਹੈ। ਫੋਨ ਨੂੰ ਤੁਸੀਂ Vivo ਦੀ ਅਧਿਕਾਰਤ ਵੈੱਬਸਾਈਟ, Flipkart ਤੇ ਦੇਸ਼ ਭਰ ਦੇ ਆਫ਼ਲਾਈਨ ਰੀਟੇਲ ਆਊਟਲੇਟਾਂ ਤੋਂ ਖ਼ਰੀਦ ਸਕਦੇ ਹੋ। ਚਲੋ ਪਹਿਲਾਂ ਡਿਵਾਈਸ ਦੀ ਕੀਮਤ ਜਾਣ ਲੈਂਦੇ ਹਾਂ...

Vivo T5e ਦੀ ਕੀਮਤ ਤੇ ਆਫ਼ਰ

ਕੀਮਤ ਦੀ ਗੱਲ ਕਰੀਏ ਤਾਂ Vivo T5e ਦੇ 4GB + 64GB ਸਟੋਰੇਜ ਵੇਰੀਐਂਟ ਦੀ ਕੀਮਤ 13,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਸਮਾਰਟਫੋਨ ਪਹਿਲਾਂ ਤੋਂ ਹੀ Vivo ਦੇ ਅਧਿਕਾਰਤ ਆਨਲਾਈਨ ਸਟੋਰ, Flipkart ਅਤੇ ਆਫ਼ਲਾਈਨ ਰੀਟੇਲ ਆਊਟਲੇਟਸ 'ਤੇ ਖ਼ਰੀਦਣ ਲਈ ਉਪਲਬਧ ਹੈ।

Vivo T5e ਦੇ ਸਪੈਸੀਫਿਕੇਸ਼ਨਜ਼

ਸਪੈਸੀਫਿਕੇਸ਼ਨਜ਼ ਦੀ ਗੱਲ ਕਰੀਏ ਤਾਂ ਵੀਵੋ ਦੇ ਇਸ ਨਵੇਂ ਫੋਨ 'ਚ 90Hz ਰਿਫ਼੍ਰੈਸ਼ ਰੇਟ ਵਾਲਾ 6.74-ਇੰਚ ਦਾ HD+ LCD ਡਿਸਪਲੇਅ ਮਿਲ ਰਿਹਾ ਹੈ। ਫੋਨ ਨੂੰ ਪਾਵਰ ਦੇਣ ਲਈ ਇਸ ਵਿਚ UNISOC T7225 ਆਕਟਾ-ਕੋਰ ਪ੍ਰੋਸੈਸਰ ਮਿਲ ਰਿਹਾ ਹੈ। ਨਾਲ ਹੀ ਫੋਨ 'ਚ 4GB ਤਕ RAM ਤੇ 4GB ਤਕ ਐਕਸਟੈਂਡਡ RAM ਦਾ ਸਪੋਰਟ ਵੀ ਮਿਲ ਰਿਹਾ ਹੈ, ਯਾਨੀ ਫੋਨ 'ਚ ਤੁਹਾਨੂੰ 8GB ਤੱਕ RAM ਵੀ ਮਿਲ ਜਾਵੇਗੀ।

Presenting the all-new T5e, with Military grade durability, longgg battery and a super smooth display, made for your #TurboLife.#vivoT5e #GetSetTurbo pic.twitter.com/nlmxJvYmlp

— vivo India (@Vivo_India) July 27, 2026

Vivo T5e ਦੇ ਕੈਮਰਾ ਸਪੈਕਸ

ਫ਼ੋਟੋਗ੍ਰਾਫ਼ੀ ਲਈ ਫੋਨ 'ਚ 8MP ਦਾ ਰੀਅਰ ਕੈਮਰਾ ਮਿਲ ਰਿਹਾ ਹੈ ਜਦਕਿ ਸਾਹਮਣੇ ਦੀ ਤਰਫ਼ ਸੈਲਫ਼ੀ ਲਈ 5MP ਦਾ ਫ਼ਰੰਟ-ਫੇਸਿੰਗ ਕੈਮਰਾ ਮਿਲ ਰਿਹਾ ਹੈ। ਡਿਵਾਈਸ Android 16 'ਤੇ ਬੇਸਡ OriginOS 6 ਨਾਲ ਲੈਸ ਹੈ ਅਤੇ ਇਸ ਵਿਚ ਟੈਕਸਟ ਜਨਰੇਸ਼ਨ ਲਈ AI ਕ੍ਰਿਏਸ਼ਨ, ਡਾਕੂਮੈਂਟ ਮੈਨੇਜਮੈਂਟ ਲਈ Vivo DocMaster ਤੇ ਇਮੇਜ ਐਡੀਟਿੰਗ ਲਈ AI ਕੱਟਆਊਟ ਵਰਗੇ AI-ਪਾਵਰਡ ਫੀਚਰ ਵੀ ਮਿਲ ਰਹੇ ਹਨ।

ਇਸ ਫੋਨ ਦੀ ਇਕ ਖ਼ਾਸੀਅਤ ਇਸ ਦੀ 5,500mAh ਦੀ ਬੈਟਰੀ ਹੈ, ਜੋ 15W ਫਾਸਟ ਚਾਰਜਿੰਗ, ਰਿਵਰਸ ਵਾਇਰਡ ਚਾਰਜਿੰਗ ਤੇ ਬੈਟਰੀ ਹੈਲਥ ਪ੍ਰੋਟੈਕਸ਼ਨ ਸਪੋਰਟ ਦੇ ਨਾਲ ਆਉਂਦੀ ਹੈ। Vivo ਦਾ ਦਾਅਵਾ ਹੈ ਕਿ ਇਹ ਫੋਨ ਚਾਰ ਸਾਲ ਤਕ ਪਰਫ਼ਾਰਮੈਂਸ ਬਣਾਏ ਰੱਖ ਸਕਦਾ ਹੈ।

ਇਸ ਤੋਂ ਇਲਾਵਾ ਡਿਵਾਈਸ 'ਚ IP64-ਰੇਟਿਡ ਡਸਟ ਅਤੇ ਸਪਲੈਸ਼ ਰੈਜ਼ਿਸਟੈਂਸ, ਮਿਲਟਰੀ-ਗ੍ਰੇਡ ਡਿਊਰੇਬਿਲਟੀ, ਵੈੱਟ-ਹੈਂਡ ਟਚ ਸਪੋਰਟ, ਸਾਈਡ-ਮਾਊਂਟਿਡ ਫਿੰਗਰਪ੍ਰਿੰਟ ਸਕੈਨਰ ਅਤੇ 3.5mm ਹੈੱਡਫ਼ੋਨ ਜੈਕ ਵੀ ਮਿਲ ਰਿਹਾ ਹੈ।