ਇਲੈਕਟ੍ਰਿਕ ਸਕੂਟਰ ਲਵਰਜ਼ ਲਈ ਖ਼ੁਸ਼ਖ਼ਬਰੀ: TVS iQube ਦਾ ਨਵਾਂ ਐਡੀਸ਼ਨ ਲਾਂਚ, ਜਾਣੋ ਕੀਮਤ ਤੇ ਸਟੋਰੇਜ ਬੈਨੀਫ਼ਿਟਸ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਵਿੱਚ ਲਗਾਤਾਰ ਵਾਧਾ ਹੋ ਰਹਾ ਹੈ। ਜਿਸ ਨੂੰ ਦੇਖਦੇ ਹੋਏ ਨਿਰਮਾਤਾਵਾਂ ਵੱਲੋਂ ਨਵੇਂ ਆਪਸ਼ਨ ਆਫ਼ਰ ਕੀਤੇ ਜਾ ਰਹੇ ਹਨ। TVS ਵੱਲੋਂ ਹਾਲ ਹੀ ਵਿੱਚ iQube ਦੇ MillionR ਐਡੀਸ਼ਨ ਨੂੰ ਲਾਂਚ ਕਰ ਦਿੱਤਾ ਗਿਆ ਹੈ। ਇਸ ਵਿੱਚ ਕਿਸ ਤਰ੍ਹਾਂ ਦੀ ਖ਼ਾਸੀਅਤ ਦਿੱਤੀ ਗਈ ਹੈ, ਕਿੰਨੀ ਰੇਂਜ ਦਿੱਤੀ ਗਈ ਹੈ ਅਤੇ ਕਿਸ ਕੀਮਤ 'ਤੇ ਇਸ ਨੂੰ ਲਾਂਚ ਕੀਤਾ ਗਿਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਲਾਂਚ ਹੋਇਆ TVS iQube MillionR ਐਡੀਸ਼ਨ

ਟੀ.ਵੀ.ਐੱਸ. ਵੱਲੋਂ ਆਫ਼ਰ ਕੀਤੇ ਜਾਣ ਵਾਲੇ ਇਲੈਕਟ੍ਰਿਕ ਸਕੂਟਰ ਆਈ.ਕਿਊਬ ਦੇ ਮਿਲੀਅਨ ਆਰ ਐਡੀਸ਼ਨ ਨੂੰ ਰਸਮੀ ਤੌਰ 'ਤੇ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕਰ ਦਿੱਤਾ ਗਿਆ ਹੈ।

ਕੀ ਹੈ ਖ਼ਾਸੀਅਤ

ਨਿਰਮਾਤਾ ਵੱਲੋਂ ਨਵੇਂ ਐਡੀਸ਼ਨ ਵਿੱਚ ਔਰੋਰਾ ਗ੍ਰੀਨ (Aurora Green) ਰੰਗ ਆਫ਼ਰ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਸ ਸਕੂਟਰ ਵਿੱਚ ਪ੍ਰੀਮੀਅਮ ਸੀਟ, ਮਿਲੀਅਨ ਆਰ ਦੀ ਬੈਜਿੰਗ ਅਤੇ ਨਵੇਂ ਗ੍ਰਾਫ਼ਿਕਸ ਦਿੱਤੇ ਗਏ ਹਨ।

ਕਿੰਨੀ ਹੈ ਰੇਂਜ

ਟੀ.ਵੀ.ਐੱਸ. ਵੱਲੋਂ ਇਸ ਐਡੀਸ਼ਨ ਨੂੰ 3.5 kWh ਦੀ ਸਮਰੱਥਾ ਵਾਲੀ ਬੈਟਰੀ ਨਾਲ ਆਫ਼ਰ ਕੀਤਾ ਗਿਆ ਹੈ। ਇਸ ਨਾਲ ਸਕੂਟਰ ਨੂੰ 145 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਸਕਦੀ ਹੈ।

ਕਿਵੇਂ ਹਨ ਫ਼ੀਚਰਜ਼

ਨਿਰਮਾਤਾ ਨੇ ਇਸ ਐਡੀਸ਼ਨ ਵਿੱਚ ਟਾਈਪ-ਸੀ (Type-C) ਚਾਰਜਿੰਗ ਪੋਰਟ ਅਤੇ ਫ਼ਰੰਟ ਵਿੱਚ ਨਵਾਂ ਸਟੋਰੇਜ ਦਿੱਤਾ ਹੈ। ਜਿਸ ਨਾਲ ਇਸ ਸਕੂਟਰ ਵਿੱਚ ਹੁਣ 32 ਲੀਟਰ ਦੀ ਜਗ੍ਹਾ ਸਮਾਨ ਰੱਖਣ ਲਈ 35.5 ਲੀਟਰ ਦੀ ਜਗ੍ਹਾ ਮਿਲ ਰਹੀ ਹੈ। ਨਾਲ ਹੀ ਇਸ ਸਕੂਟਰ ਵਿੱਚ 118 ਤੋਂ ਵੱਧ ਕਨੈਕਟਡ ਫ਼ੀਚਰਜ਼ ਵੀ ਦਿੱਤੇ ਗਏ ਹਨ।

ਕਿੰਨੀ ਹੈ ਕੀਮਤ

ਟੀ.ਵੀ.ਐੱਸ. ਵੱਲੋਂ ਆਈ.ਕਿਊਬ ਦੇ ਮਿਲੀਅਨ ਆਰ ਐਡੀਸ਼ਨ ਦੀ ਐਕਸ-ਸ਼ੋਅਰੂਮ ਕੀਮਤ ₹1.40 ਲੱਖ ਰੱਖੀ ਗਈ ਹੈ।

ਕਿਨ੍ਹਾਂ ਨਾਲ ਹੈ ਮੁਕਾਬਲਾ

ਭਾਰਤੀ ਬਾਜ਼ਾਰ ਵਿੱਚ ਟੀ.ਵੀ.ਐੱਸ. ਵੱਲੋਂ ਆਈ.ਕਿਊਬ ਨੂੰ ਇਲੈਕਟ੍ਰਿਕ ਸਕੂਟਰ ਸੈਗਮੈਂਟ ਵਿੱਚ ਆਫ਼ਰ ਕੀਤਾ ਜਾਂਦਾ ਹੈ। ਇਸ ਸੈਗਮੈਂਟ ਵਿੱਚ ਇਸ ਦਾ ਸਿੱਧਾ ਮੁਕਾਬਲਾ Hero Vida VX, Ola S1, Bajaj Chetak ਵਰਗੇ ਇਲੈਕਟ੍ਰਿਕ ਸਕੂਟਰਾਂ ਨਾਲ ਹੁੰਦਾ ਹੈ।