7,040mAh ਬੈਟਰੀ ਤੇ 11 ਇੰਚ ਡਿਸਪਲੇਅ ਵਾਲਾ ਸੈਮਸੰਗ ਦਾ ਟੈਬਲੇਟ ਹੋਇਆ ਮਹਿੰਗਾ, ਕੰਪਨੀ ਨੇ 3,000 ਰੁਪਏ ਵਧਾਈ ਕੀਮਤ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਗਲੋਬਲ ਮੈਮੋਰੀ ਚਿਪ ਦੀਆਂ ਵਧਦੀਆਂ ਕੀਮਤਾਂ ਦਾ ਅਸਰ ਭਾਰਤੀ ਇਲੈਕਟ੍ਰੋਨਿਕਸ ਉਤਪਾਦਾਂ ਦੀਆਂ ਕੀਮਤਾਂ ’ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਸੈਮਸੰਗ ਨੇ ਆਪਣੇ ਇਕ ਹੋਰ ਟੈਬਲੇਟ ਦੀ ਕੀਮਤ ਵਧਾ ਦਿੱਤੀ ਹੈ। ਕੰਪਨੀ ਨੇ Galaxy Tab A11+ ਦੀ ਕੀਮਤ ਵਿਚ ਦੂਜੀ ਵਾਰ ਵਾਧਾ ਕੀਤਾ ਹੈ। ਇਸ ਤੋਂ ਪਹਿਲਾਂ ਨਵੰਬਰ ਵਿਚ ਵੀ ਸੈਮਸੰਗ ਨੇ ਇਸ ਟੈਬਲੇਟ ਦੀ ਕੀਮਤ 3,000 ਰੁਪਏ ਵਧਾਈ ਸੀ। ਹੁਣ ਕੰਪਨੀ ਨੇ ਇਕ ਵਾਰ ਫਿਰ ਇਸ ਦੀ ਕੀਮਤ ਵਿਚ ਇਜ਼ਾਫ਼ਾ ਕਰ ਦਿੱਤਾ ਹੈ।

Samsung Galaxy Tab A11+ ਦੀ ਕੀਮਤ

360Gadgets ਨੇ ਟਿਪਸਟਰ ਸੰਜੂ ਚੌਧਰੀ ਦੇ ਹਵਾਲੇ ਨਾਲ ਦੱਸਿਆ ਹੈ ਕਿ ਸੈਮਸੰਗ ਨੇ Galaxy Tab A11+ ਦੀ ਕੀਮਤ ਵਿਚ ਮੁੜ 3,000 ਰੁਪਏ ਦਾ ਵਾਧਾ ਕੀਤਾ ਹੈ। ਕੰਪਨੀ ਨੇ ਇਸ ਟੈਬਲੇਟ ਦੇ ਚਾਰੇ ਵੇਰੀਐਂਟਸ ਦੀਆਂ ਕੀਮਤਾਂ ਵਧਾਈਆਂ ਹਨ, ਜਿਨ੍ਹਾਂ ਵਿਚ Wi-Fi ਅਤੇ 5G ਮਾਡਲ ਵੀ ਸ਼ਾਮਲ ਹਨ। ਨਵੀਆਂ ਕੀਮਤਾਂ ਸੈਮਸੰਗ ਦੀ ਵੈੱਬਸਾਈਟ ਅਤੇ ਹੋਰ ਰਿਟੇਲਰਾਂ ਦੀਆਂ ਵੈੱਬਸਾਈਟਾਂ ’ਤੇ ਲਾਗੂ ਹੋ ਗਈਆਂ ਹਨ।

ਹੁਣ Samsung Galaxy Tab A11+ ਨੂੰ 33,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ’ਤੇ ਖਰੀਦਿਆ ਜਾ ਸਕਦਾ ਹੈ। ਬਾਜ਼ਾਰ ਵਿਚ ਇਸ ਟੈਬਲੇਟ ਦਾ ਸਿੱਧਾ ਮੁਕਾਬਲਾ Xiaomi Pad 7 ਅਤੇ OnePlus Pad Go 2 ਨਾਲ ਹੋਵੇਗਾ। ਇਸ ਕੀਮਤ ਰੇਂਜ ਵਿਚ ਸ਼ਾਓਮੀ ਦਾ ਟੈਬਲੇਟ ਹਾਈ ਰੈਜ਼ੋਲਿਊਸ਼ਨ ਡਿਸਪਲੇਅ ਅਤੇ ਦਮਦਾਰ ਪਰਫਾਰਮੈਂਸ ਕਾਰਨ ਵਧੀਆ ਵਿਕਲਪ ਹੋ ਸਕਦਾ ਹੈ। ਜੇਕਰ ਤੁਸੀਂ ਵੱਡੀ ਡਿਸਪਲੇਅ ਵਾਲਾ ਟੈਬਲੇਟ ਲੱਭ ਰਹੇ ਹੋ ਤਾਂ ਵਨਪਲੱਸ ਵੀ ਇਕ ਵਿਕਲਪ ਹੈ।

Samsung Galaxy Tab A11+ ਦੇ ਸਪੈਸੀਫਿਕੇਸ਼ਨਜ਼

Samsung Galaxy Tab A11+ ਵਿਚ 11 ਇੰਚ ਦੀ TFT LCD ਡਿਸਪਲੇਅ ਦਿੱਤੀ ਗਈ ਹੈ, ਜਿਸ ਦੀ ਰਿਫ੍ਰੈਸ਼ ਰੇਟ 90Hz ਹੈ। ਇਹ ਟੈਬਲੇਟ MediaTek Dimensity 7300 ਚਿਪਸੈੱਟ ਨਾਲ ਲੈਸ ਹੈ। ਇਸ ਵਿਚ 8GB ਰੈਮ ਅਤੇ 256GB ਸਟੋਰੇਜ ਮਿਲਦੀ ਹੈ।

ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ ਦੇ ਪਿਛਲੇ ਪਾਸੇ 8 ਮੈਗਾਪਿਕਸਲ ਦਾ ਕੈਮਰਾ ਅਤੇ ਫਰੰਟ ’ਤੇ 5 ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਗਿਆ ਹੈ। ਟੈਬਲੇਟ ਵਿਚ ਕਵਾਡ ਸਪੀਕਰ ਸੈੱਟਅੱਪ ਹੈ, ਜੋ Dolby Atmos ਨੂੰ ਸਪੋਰਟ ਕਰਦਾ ਹੈ।

ਇਸ ਤੋਂ ਇਲਾਵਾ ਟੈਬਲੇਟ ਵਿਚ 7,040mAh ਦੀ ਬੈਟਰੀ ਦਿੱਤੀ ਗਈ ਹੈ, ਜੋ 25W ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਇਹ ਡਿਵਾਈਸ IP52 ਰੇਟਿੰਗ ਨਾਲ ਆਉਂਦਾ ਹੈ।