12GB ਰੈਮ ਨਾਲ ਲਾਂਚ ਹੋਵੇਗਾ Samsung Galaxy S27, ਮਿਲ ਸਕਦੈ 50MP ਕੈਮਰਾ ਤੇ 25W ਫਾਸਟ ਚਾਰਜਿੰਗ ਸਪੋਰਟ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Samsung ਦਾ ਆਉਣ ਵਾਲਾ Galaxy S27 ਸਮਾਰਟਫੋਨ ਭਾਰਤ ਦੀ ਸਰਟੀਫਿਕੇਸ਼ਨ ਏਜੰਸੀ ਬਿਊਰੋ ਆਫ ਇੰਡੀਅਨ ਸਟੈਂਡਰਡਜ਼ (BIS) ਦੀ ਵੈੱਬਸਾਈਟ ’ਤੇ ਦੇਖਿਆ ਗਿਆ ਹੈ। ਇਹ ਸੈਮਸੰਗ ਦੀ ਆਉਣ ਵਾਲੀ ਫਲੈਗਸ਼ਿਪ ਸਮਾਰਟਫੋਨ ਸੀਰੀਜ਼ ਦਾ ਹਿੱਸਾ ਹੋਵੇਗਾ। ਇਸ ਤੋਂ ਪਹਿਲਾਂ ਸੈਮਸੰਗ ਦਾ ਇਹ ਫੋਨ ਚੀਨ ਦੇ 3C ਸਰਟੀਫਿਕੇਸ਼ਨ ਪਲੇਟਫਾਰਮ ’ਤੇ ਵੀ ਸੂਚੀਬੱਧ ਹੋ ਚੁੱਕਾ ਹੈ। ਇਸ ਤੋਂ ਇਲਾਵਾ NBD ਲਿਸਟਿੰਗ ’ਚ ਵੀ ਇਸ ਫੋਨ ਦੇ ਕੁਝ ਸੰਭਾਵੀ ਫੀਚਰ ਸਾਹਮਣੇ ਆਏ ਹਨ।

Samsung Galaxy S27 ਦੇ ਭਾਰਤ ’ਚ ਲਾਂਚ ਹੋਣ ਦੀ ਜਾਣਕਾਰੀ

BIS ਡੇਟਾਬੇਸ ’ਚ ਸੈਮਸੰਗ ਦਾ ਇਹ ਸਮਾਰਟਫੋਨ ਮਾਡਲ ਨੰਬਰ SM-S952B/DS ਨਾਲ ਸੂਚੀਬੱਧ ਕੀਤਾ ਗਿਆ ਹੈ। ਸੰਭਾਵਨਾ ਹੈ ਕਿ ਇਹ Galaxy S27 ਸਮਾਰਟਫੋਨ ਹੋ ਸਕਦਾ ਹੈ। ਹਾਲਾਂਕਿ, BIS ਪਲੇਟਫਾਰਮ ’ਤੇ ਇਸ ਫੋਨ ਦੇ ਹਾਰਡਵੇਅਰ ਨਾਲ ਸਬੰਧਤ ਵੇਰਵੇ ਸਾਹਮਣੇ ਨਹੀਂ ਆਏ ਹਨ। ਸੈਮਸੰਗ ਆਮ ਤੌਰ ’ਤੇ ਆਪਣੀ Galaxy S ਸੀਰੀਜ਼ ਨੂੰ ਜਨਵਰੀ ਜਾਂ ਫਰਵਰੀ ਮਹੀਨੇ ’ਚ ਲਾਂਚ ਕਰਦਾ ਹੈ।

ਸੰਭਾਵਨਾ ਹੈ ਕਿ ਇਹ ਫੋਨ ਭਾਰਤ ’ਚ ਵੀ ਜਨਵਰੀ 2027 ’ਚ ਲਾਂਚ ਕੀਤਾ ਜਾ ਸਕਦਾ ਹੈ। Galaxy S27 ਦੇ ਨਾਲ ਕੰਪਨੀ ਭਾਰਤ ’ਚ Galaxy S27+, S27 Pro ਅਤੇ S27 Ultra ਮਾਡਲ ਵੀ ਲਾਂਚ ਕਰ ਸਕਦੀ ਹੈ। ਸੈਮਸੰਗ ਨੇ ਭਾਰਤ ’ਚ Galaxy S26 ਨੂੰ 12GB ਰੈਮ ਨਾਲ 87,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ’ਤੇ ਲਾਂਚ ਕੀਤਾ ਸੀ।

Samsung Galaxy S27 ਦੇ ਸੰਭਾਵੀ ਫੀਚਰ

NBD ਡੇਟਾਬੇਸ ਦੀ ਲਿਸਟਿੰਗ ਮੁਤਾਬਕ Galaxy S27 ਸਮਾਰਟਫੋਨ ’ਚ 6.3 ਇੰਚ ਦੀ AMOLED ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ। ਇਸ ਫੋਨ ’ਚ Exynos 2700 ਚਿਪਸੈੱਟ, 12GB ਰੈਮ ਅਤੇ 256GB ਸਟੋਰੇਜ ਮਿਲਣ ਦੀ ਸੰਭਾਵਨਾ ਹੈ।

ਇਸ ਫੋਨ ਨੂੰ ਚੀਨ ਦੇ 3C ਸਰਟੀਫਿਕੇਸ਼ਨ ਪਲੇਟਫਾਰਮ ’ਤੇ ਵੀ ਸੂਚੀਬੱਧ ਕੀਤਾ ਜਾ ਚੁੱਕਾ ਹੈ। ਇਸ ’ਚ 25W ਵਾਇਰਡ ਫਾਸਟ ਚਾਰਜਿੰਗ ਦਾ ਸਪੋਰਟ ਮਿਲ ਸਕਦਾ ਹੈ। ਫੋਨ ’ਚ Sony ਸੈਂਸਰ ਵਾਲਾ 50MP ਦਾ ਪ੍ਰਾਇਮਰੀ ਕੈਮਰਾ ਦਿੱਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ 12MP ਦਾ ਅਲਟਰਾ-ਵਾਈਡ ਅਤੇ 10MP ਦਾ ਟੈਲੀਫੋਟੋ ਕੈਮਰਾ ਮਿਲਣ ਦੀ ਉਮੀਦ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਇਸ ’ਚ 12MP ਦਾ ਫਰੰਟ ਕੈਮਰਾ ਦਿੱਤਾ ਜਾ ਸਕਦਾ ਹੈ।

Samsung Galaxy S26 ਦੇ ਫੀਚਰ ਵੀ ਜਾਣੋ

Galaxy S26 ਦੀ ਗੱਲ ਕਰੀਏ ਤਾਂ ਕੰਪਨੀ ਨੇ ਇਸ ’ਚ 6.3 ਇੰਚ ਦੀ 120Hz Dynamic AMOLED 2X ਡਿਸਪਲੇਅ ਦਿੱਤੀ ਹੈ। ਫੋਨ ’ਚ Exynos 2600 ਚਿਪਸੈੱਟ ਮਿਲਦਾ ਹੈ। ਇਸ ’ਚ OIS ਸਪੋਰਟ ਵਾਲਾ 50MP ਦਾ ਪ੍ਰਾਇਮਰੀ ਕੈਮਰਾ ਦਿੱਤਾ ਗਿਆ ਹੈ।

ਇਸ ਤੋਂ ਇਲਾਵਾ ਫੋਨ ’ਚ 12MP ਦਾ ਅਲਟਰਾ-ਵਾਈਡ ਅਤੇ 10MP ਦਾ ਟੈਲੀਫੋਟੋ ਕੈਮਰਾ ਮਿਲਦਾ ਹੈ, ਜੋ 3x ਆਪਟੀਕਲ ਜ਼ੂਮ ਨੂੰ ਸਪੋਰਟ ਕਰਦਾ ਹੈ।