ਬੈਕ ਪੈਨਲ ’ਤੇ ਚਮਕੇਗੀ ਬਿੱਲੀ! Oppo Reno 17 ਦੇ ਯੂਨੀਕ ਡਿਜ਼ਾਈਨ ਦੀ ਝਲਕ, 9 ਨਵੰਬਰ ਨੂੰ ਹੋਵੇਗਾ ਲਾਂਚ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Oppo ਆਪਣੀ ਨਵੀਂ Reno 17 ਸੀਰੀਜ਼ ਨੂੰ ਅਗਲੇ ਹਫ਼ਤੇ ਚੀਨ ਵਿੱਚ ਲਾਂਚ ਕਰਨ ਜਾ ਰਹੀ ਹੈ। ਇਸ ਸੀਰੀਜ਼ ਤਹਿਤ Oppo Reno 17 ਦੇ ਨਾਲ ਹਾਈ-ਐਂਡ Oppo Reno 17 Pro ਵੀ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਹੁਣ Reno 17 ਦੇ ਡਿਜ਼ਾਈਨ ਦੀ ਪਹਿਲੀ ਝਲਕ ਦਿਖਾਈ ਹੈ। ਫੋਨ ਦੇ ਬੈਕ ਪੈਨਲ ’ਤੇ ਚਮਕਦੀ ਬਿੱਲੀ ਵਰਗਾ ਯੂਨੀਕ ਡਿਜ਼ਾਈਨ ਐਲੀਮੈਂਟ ਦੇਖਣ ਨੂੰ ਮਿਲੇਗਾ।

ਚਮਕਦੀ ਬਿੱਲੀ ਬਣੇਗੀ ਖ਼ਾਸ ਖਿੱਚ

ਕੰਪਨੀ ਨੇ Weibo ’ਤੇ ਇਕ ਵੀਡੀਓ ਸਾਂਝੀ ਕਰ ਕੇ Oppo Reno 17 ਦਾ ਡਿਜ਼ਾਈਨ ਟੀਜ਼ ਕੀਤਾ ਹੈ। ਫੋਨ ਵਿੱਚ ਫਲੈਟ ਰੀਅਰ ਪੈਨਲ ਅਤੇ ਉੱਪਰ ਖੱਬੇ ਪਾਸੇ ਵਰਗਾਕਾਰ ਕੈਮਰਾ ਮੋਡਿਊਲ ਦਿੱਤਾ ਗਿਆ ਹੈ। ਇਸ ਕੈਮਰਾ ਮੋਡਿਊਲ ਵਿੱਚ ਤਿੰਨ ਕੈਮਰੇ, LED ਫਲੈਸ਼ ਅਤੇ Reno ਦੀ ਬ੍ਰਾਂਡਿੰਗ ਦਿਖਾਈ ਦਿੰਦੀ ਹੈ।

ਫੋਨ ਦੇ ਪਿਛਲੇ ਪਾਸੇ ਬਿੱਲੀ ਵਰਗੀ ਇਕ ਚਮਕਦੀ ਹੋਈ ਫਿਗਰ ਵੀ ਨਜ਼ਰ ਆ ਰਹੀ ਹੈ। ਕੰਪਨੀ ਦੇ ਹੋਰ ਮਾਰਕੀਟਿੰਗ ਮਟੀਰੀਅਲ ਵਿੱਚ ਵੀ ਇਹ ਡਿਜ਼ਾਈਨ ਐਲੀਮੈਂਟ ਦਿਖਾਇਆ ਗਿਆ ਹੈ। ਹਾਲਾਂਕਿ, ਅਜੇ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਕਿ ਇਹ ਫੀਚਰ Reno 17 ਅਤੇ Reno 17 Pro ਦੋਵਾਂ ਮਾਡਲਾਂ ਵਿੱਚ ਮਿਲੇਗਾ ਜਾਂ ਨਹੀਂ।

ਟੀਜ਼ਰ ਵਿੱਚ ਫੋਨ ਨੂੰ ਸਫ਼ੈਦ ਰੰਗ ਵਿੱਚ ਦਿਖਾਇਆ ਗਿਆ ਹੈ। ਇਸ ਵਿੱਚ ਸਿਲਵਰ ਸ਼ੇਡ ਵਾਲਾ ਫਲੈਟ ਮੈਟਲ ਮਿਡ-ਫ੍ਰੇਮ ਵੀ ਮਿਲੇਗਾ। ਪਾਵਰ ਬਟਨ ਅਤੇ ਵਾਲਿਊਮ ਕੰਟਰੋਲ ਫੋਨ ਦੇ ਸੱਜੇ ਪਾਸੇ ਦਿੱਤੇ ਜਾਣਗੇ।

9 ਨਵੰਬਰ ਨੂੰ ਹੋਵੇਗਾ ਲਾਂਚ

Oppo Reno 17 ਸੀਰੀਜ਼ ਚੀਨ ਵਿੱਚ 9 ਨਵੰਬਰ ਨੂੰ Oppo Pad Air 6 ਅਤੇ Oppo Watch 5 ਦੇ ਨਾਲ ਲਾਂਚ ਹੋਵੇਗੀ। ਲੀਕ ਹੋਈ ਜਾਣਕਾਰੀ ਮੁਤਾਬਕ, Reno 17 ਵਿੱਚ 6.5 ਇੰਚ ਦੀ ਡਿਸਪਲੇਅ ਮਿਲ ਸਕਦੀ ਹੈ, ਜਦਕਿ Pro ਮਾਡਲ ਵਿੱਚ 6.3 ਇੰਚ ਦੀ ਟੱਚਸਕ੍ਰੀਨ ਦਿੱਤੇ ਜਾਣ ਦੀ ਸੰਭਾਵਨਾ ਹੈ।

ਸਟੈਂਡਰਡ ਮਾਡਲ ਵਿੱਚ ਆਕਟਾ-ਕੋਰ Snapdragon 7 Gen 4 ਚਿੱਪਸੈੱਟ ਮਿਲ ਸਕਦਾ ਹੈ। ਉੱਥੇ ਹੀ Reno 17 Pro ਵਿੱਚ MediaTek Dimensity 8550 ਪ੍ਰੋਸੈਸਰ ਦਿੱਤੇ ਜਾਣ ਦੀ ਚਰਚਾ ਹੈ।

ਤਿੰਨ ਰੈਮ ਅਤੇ ਸਟੋਰੇਜ ਬਦਲਾਂ ’ਚ ਆ ਸਕਦੇ ਹਨ ਫੋਨ

ਲੀਕ ਮੁਤਾਬਕ, ਦੋਵੇਂ ਫੋਨ ਤਿੰਨ ਰੈਮ ਅਤੇ ਸਟੋਰੇਜ ਵਿਕਲਪਾਂ ਵਿੱਚ ਆ ਸਕਦੇ ਹਨ। ਇਨ੍ਹਾਂ ਵਿੱਚ 8GB + 256GB, 12GB + 256GB ਅਤੇ 12GB + 512GB ਦੇ ਵਿਕਲਪ ਸ਼ਾਮਲ ਹੋ ਸਕਦੇ ਹਨ।

ਇਸ ਤੋਂ ਇਲਾਵਾ, ਫੋਨ ਪੰਜ ਰੰਗਾਂ—ਕੋਕੋ ਬ੍ਰਾਊਨ, ਐਨਕਾਊਂਟਰ ਕੈਟ, ਆਈਸ ਮੂਨ ਵ੍ਹਾਈਟ, ਸਨੋ ਵ੍ਹਾਈਟ ਅਤੇ ਸਟਾਰਲਾਈਟ ਪਿੰਕ ਵਿੱਚ ਉਪਲਬਧ ਹੋ ਸਕਦੇ ਹਨ।