Motorola ਦਾ ਨਵਾਂ ਫੋਲਡੇਬਲ 5G ਫ਼ੋਨ ਕਦੋਂ ਹੋਵੇਗਾ ਲਾਂਚ? 18GB ਤੱਕ RAM ਤੇ 50MP ਕੈਮਰਾ ਵੀ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਮੋਟੋਰੋਲਾ ਜਲਦੀ ਹੀ ਆਪਣਾ ਨਵਾਂ ਮੁੜਨ ਵਾਲਾ 5G ਫ਼ੋਨ ਲਾਂਚ ਕਰ ਸਕਦਾ ਹੈ ਜਿਸ ਨੂੰ ਕੰਪਨੀ Motorola Razr 70 ਦੇ ਨਾਮ ਨਾਲ ਪੇਸ਼ ਕਰ ਸਕਦੀ ਹੈ। ਇਸ ਫੋਲਡੇਬਲ ਸਮਾਰਟਫ਼ੋਨ ਨੂੰ 2026 ਦੀ ਦੂਜੀ ਤਿਮਾਹੀ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ।

ਕੁਝ ਰਿਪੋਰਟਾਂ ਵਿੱਚ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਇਹ ਡਿਵਾਈਸ ਅਪ੍ਰੈਲ ਜਾਂ ਮਈ ਵਿੱਚ ਲਾਂਚ ਹੋ ਸਕਦਾ ਹੈ। YtechB ਦੀ ਤਾਜ਼ਾ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਇਸ ਡਿਵਾਈਸ ਨੂੰ ਕੁਝ ਸਮਾਂ ਪਹਿਲਾਂ ਹੀ ਸਰਟੀਫਿਕੇਸ਼ਨ ਪਲੇਟਫਾਰਮ 'ਤੇ ਵੀ ਦੇਖਿਆ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਇਸ ਡਿਵਾਈਸ ਵਿੱਚ ਕੀ ਕੁਝ ਖ਼ਾਸ ਹੋਣ ਵਾਲਾ ਹੈ...

Motorola Razr 70 ਦਾ ਡਿਜ਼ਾਈਨ

ਰਿਪੋਰਟਾਂ ਵਿੱਚ ਕਿਹਾ ਜਾ ਰਿਹਾ ਹੈ ਕਿ Razr 70 ਸਲੀਕ ਫੋਲਡੇਬਲ ਡਿਜ਼ਾਈਨ ਵਿੱਚ ਆ ਸਕਦਾ ਹੈ, ਜਿਸ ਵਿੱਚ ਇੱਕ ਪਤਲੀ ਅਤੇ ਹਲਕੀ ਬਾਡੀ ਦੇਖਣ ਨੂੰ ਮਿਲੇਗੀ। ਡਿਵਾਈਸ ਤਿੰਨ ਅਨੋਖੇ ਫਿਨਿਸ਼ - ਅਫ਼ਰੀਕਨ ਵਾਇਲੇਟ (African Violet), ਕਾਰਬਨ ਫਾਈਬਰ ਟੈਕਸਚਰ ਵਾਲਾ ਸ਼ਾਈਨਿੰਗ ਗ੍ਰੀਨ (Shining Green) ਅਤੇ ਕੱਪੜੇ ਵਰਗੀ ਫਿਨਿਸ਼ ਵਾਲਾ ਆਇਰਨ ਬਲੈਕ (Iron Black) ਕਲਰ ਆਪਸ਼ਨ ਆਫ਼ਰ ਕਰ ਸਕਦਾ ਹੈ।

Motorola Razr 70 ਦੀ ਪਰਫਾਰਮੈਂਸ

ਫ਼ੋਨ ਦੇ ਅੰਦਰ 2.75GHz ਕਲਾਕ ਸਪੀਡ ਵਾਲਾ ਆਕਟਾ-ਕੋਰ ਪ੍ਰੋਸੈਸਰ ਮਿਲ ਸਕਦਾ ਹੈ, ਹਾਲਾਂਕਿ ਸਹੀ ਚਿੱਪਸੈੱਟ ਦੀ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਡਿਵਾਈਸ ਨੂੰ 8GB, 12GB ਅਤੇ 16GB RAM ਵੇਰੀਐਂਟ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ ਅਤੇ ਇਸ ਦਾ ਟਾਪ ਵੇਰੀਐਂਟ 18GB ਤੱਕ RAM ਆਫ਼ਰ ਕਰ ਸਕਦਾ ਹੈ। ਜਦਕਿ ਸਟੋਰੇਜ ਵਿੱਚ ਫ਼ੋਨ 256GB ਤੋਂ 1TB ਤੱਕ ਸਟੋਰੇਜ ਆਫ਼ਰ ਕਰ ਸਕਦਾ ਹੈ।

Motorola Razr 70 ਦਾ ਕੈਮਰਾ ਅਤੇ ਬੈਟਰੀ

ਮੋਟੋਰੋਲਾ ਦੇ ਇਸ ਨਵੇਂ ਡਿਵਾਈਸ ਵਿੱਚ ਡਿਊਲ 50MP ਰੀਅਰ ਕੈਮਰਾ ਮਿਲ ਸਕਦਾ ਹੈ। ਜਦਕਿ ਸਾਹਮਣੇ ਵਾਲੇ ਪਾਸੇ ਸੈਲਫੀ ਲਈ 32MP ਦਾ ਫਰੰਟ ਕੈਮਰਾ ਮਿਲ ਸਕਦਾ ਹੈ। ਡਿਵਾਈਸ ਵਿੱਚ 4500mAh ਦੀ ਡਿਊਲ ਸੈੱਲ ਬੈਟਰੀ ਵੀ ਮਿਲ ਸਕਦੀ ਹੈ, ਜੋ ਕਿ ਇੱਕ ਫੋਲਡੇਬਲ ਡਿਵਾਈਸ ਲਈ ਕਾਫ਼ੀ ਹੈ।