Jio ਦਾ ਫੈਮਿਲੀ ਪਲਾਨ: ਇੱਕੋ ਸਮੇਂ ਕੰਮ ਕਰਦੇ ਹਨ 4 ਸਿਮ, ਅਸੀਮਤ ਕਾਲਿੰਗ; ਨਾਲ ਹੀ 75GB ਡਾਟਾ ਤੇ ਮੁਫ਼ਤ OTT ਸਬਸਕ੍ਰਿਪਸ਼ਨ
ਜੀਓ ਦੇ ਇਸ ਜ਼ਬਰਦਸਤ ਪਲਾਨ ਵਿੱਚ ਤੁਹਾਨੂੰ ਕੁੱਲ 75GB ਹਾਈ-ਸਪੀਡ ਡੇਟਾ ਮਿਲ ਰਿਹਾ ਹੈ। ਹਾਲਾਂਕਿ ਇਸ ਤੈਅ ਲਿਮਿਟ ਤੋਂ ਬਾਅਦ ਵਾਧੂ ਡੇਟਾ ਲਈ ਤੁਹਾਨੂੰ 10 ਰੁਪਏ ਪ੍ਰਤੀ GB ਦੇ ਹਿਸਾਬ ਨਾਲ ਚਾਰਜ ਦੇਣਾ ਪਵੇਗਾ। ਪਲਾਨ ਵਿੱਚ ਅਨਲਿਮਿਟਡ ਵੌਇਸ ਕਾਲਿੰਗ ਅਤੇ ਹਰ ਰੋਜ਼ 100 SMS ਦੀ ਸਹੂਲਤ ਵੀ ਮਿਲ ਰਹੀ ਹੈ।
Posted By Sandip Kaur
Publish Date: Wed, 25 Mar 2026 11:53 AM (IST)
Updated Date: Wed, 25 Mar 2026 11:55 AM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਕੀ ਤੁਸੀਂ ਵੀ ਆਪਣੇ ਪਰਿਵਾਰ ਲਈ ਇੱਕ ਆਕਰਸ਼ਕ ਪੋਸਟਪੇਡ ਫੈਮਿਲੀ ਪਲਾਨ ਲੱਭ ਰਹੇ ਹੋ, ਤਾਂ ਜੀਓ (Jio) ਦਾ ₹449 ਦੀ ਸ਼ੁਰੂਆਤੀ ਕੀਮਤ ਵਾਲਾ ਪੋਸਟਪੇਡ ਪਲਾਨ ਤੁਹਾਡੇ ਲਈ ਬੈਸਟ ਆਪਸ਼ਨ ਹੋ ਸਕਦਾ ਹੈ, ਜੋ ਇੱਕ ਹੀ ਰੀਚਾਰਜ ਵਿੱਚ ਪੂਰੇ ਪਰਿਵਾਰ ਲਈ ਕਨੈਕਟੀਵਿਟੀ, ਡੇਟਾ ਅਤੇ ਐਂਟਰਟੇਨਮੈਂਟ ਦਾ ਫਾਇਦਾ ਦੇ ਰਿਹਾ ਹੈ।
ਇਹ ਜ਼ਬਰਦਸਤ ਪਲਾਨ ਇੱਕੋ ਸਮੇਂ ਚਾਰ ਸਿਮ ਚਲਾਉਣ ਦੀ ਸਹੂਲਤ ਦਿੰਦਾ ਹੈ, ਜਿਸ ਨਾਲ ਇਹ ਬਜਟ-ਫ੍ਰੈਂਡਲੀ ਫੈਮਿਲੀ ਆਪਸ਼ਨ ਬਣ ਜਾਂਦਾ ਹੈ। ਚਲੋ ਇਸ ਸ਼ਾਨਦਾਰ ਪਲਾਨ ਬਾਰੇ ਵਿਸਥਾਰ ਵਿੱਚ ਜਾਣਦੇ ਹਾਂ...
Jio ਦਾ ₹449 ਵਾਲਾ ਪੋਸਟਪੇਡ ਫੈਮਿਲੀ ਪਲਾਨ
ਜੀਓ ਦੇ ਇਸ ਜ਼ਬਰਦਸਤ ਪਲਾਨ ਵਿੱਚ ਤੁਹਾਨੂੰ ਕੁੱਲ 75GB ਹਾਈ-ਸਪੀਡ ਡੇਟਾ ਮਿਲ ਰਿਹਾ ਹੈ। ਹਾਲਾਂਕਿ ਇਸ ਤੈਅ ਲਿਮਿਟ ਤੋਂ ਬਾਅਦ ਵਾਧੂ ਡੇਟਾ ਲਈ ਤੁਹਾਨੂੰ 10 ਰੁਪਏ ਪ੍ਰਤੀ GB ਦੇ ਹਿਸਾਬ ਨਾਲ ਚਾਰਜ ਦੇਣਾ ਪਵੇਗਾ। ਪਲਾਨ ਵਿੱਚ ਅਨਲਿਮਿਟਡ ਵੌਇਸ ਕਾਲਿੰਗ ਅਤੇ ਹਰ ਰੋਜ਼ 100 SMS ਦੀ ਸਹੂਲਤ ਵੀ ਮਿਲ ਰਹੀ ਹੈ।
ਹਾਲਾਂਕਿ ਇਸ ਪਲਾਨ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਵਿੱਚ ਮਿਲਣ ਵਾਲਾ 'ਫੈਮਿਲੀ ਐਡ-ਆਨ' (Family Add-on) ਫੀਚਰ ਹੈ। ਦਰਅਸਲ ਇਸ ਨਾਲ ਯੂਜ਼ਰ ਆਪਣੇ ਅਕਾਊਂਟ ਵਿੱਚ 3 ਵਾਧੂ ਸਿਮ ਐਡ ਕਰ ਸਕਦਾ ਹੈ, ਯਾਨੀ ਕੁੱਲ ਮਿਲਾ ਕੇ ਤੁਹਾਨੂੰ 4 ਸਿਮ ਇੱਕੋ ਪਲਾਨ ਵਿੱਚ ਵਰਤਣ ਦੀ ਸਹੂਲਤ ਮਿਲੇਗੀ ਪਰ ਹਰ ਵਾਧੂ ਸਿਮ ਲਈ ਤੁਹਾਨੂੰ 150 ਰੁਪਏ ਪ੍ਰਤੀ ਮਹੀਨਾ ਦੀ ਫੀਸ ਵੀ ਦੇਣੀ ਪਵੇਗੀ, ਜਿਸ ਦੇ ਨਾਲ 5GB ਵਾਧੂ ਡੇਟਾ ਮਿਲੇਗਾ।
ਨਾਲ ਹੀ OTT ਫਾਇਦੇ ਵੀ
ਜੀਓ ਦਾ ਇਹ ਪਲਾਨ ਸਿਰਫ਼ ਕਾਲਿੰਗ ਅਤੇ ਡੇਟਾ ਤੱਕ ਸੀਮਤ ਨਹੀਂ ਹੈ ਸਗੋਂ ਇਸ ਵਿੱਚ ਤੁਹਾਡੇ ਮਨੋਰੰਜਨ ਦਾ ਵੀ ਖ਼ਾਸ ਖ਼ਿਆਲ ਰੱਖਿਆ ਗਿਆ ਹੈ। ਪਲਾਨ ਦੇ ਨਾਲ ਤੁਹਾਨੂੰ JioHotstar ਦਾ 3 ਮਹੀਨੇ ਦਾ ਫ੍ਰੀ ਸਬਸਕ੍ਰਿਪਸ਼ਨ ਵੀ ਮਿਲ ਰਿਹਾ ਹੈ, ਜਿਸ ਨਾਲ ਯੂਜ਼ਰਸ ਫ਼ਿਲਮਾਂ, ਵੈੱਬ ਸੀਰੀਜ਼ ਅਤੇ ਲਾਈਵ ਕੰਟੈਂਟ ਦਾ ਪੂਰਾ ਆਨੰਦ ਲੈ ਸਕਦੇ ਹਨ।
Google Gemini ਦਾ ਫਾਇਦਾ ਵੀ ਮਿਲੇਗਾ
ਇੰਨਾ ਹੀ ਨਹੀਂ, ਇਸ ਪਲਾਨ ਵਿੱਚ ਤੁਹਾਨੂੰ Google Gemini ਦਾ 18 ਮਹੀਨੇ ਦਾ Pro ਪਲਾਨ ਫ੍ਰੀ ਵਿੱਚ ਮਿਲੇਗਾ, ਜਿਸ ਦੀ ਕੀਮਤ ਕਰੀਬ ₹35,100 ਹੈ। ਨਾਲ ਹੀ ਪਲਾਨ ਵਿੱਚ 2000GB ਤੱਕ ਕਲਾਊਡ ਸਟੋਰੇਜ ਵੀ ਫ੍ਰੀ ਵਿੱਚ ਮਿਲੇਗੀ।