8000mAh ਬੈਟਰੀ ਵਾਲਾ ਨਵਾਂ 5G ਫੋਨ ਲਿਆਉਣ ਦੀ ਤਿਆਰੀ ’ਚ Honor, 200MP ਕੈਮਰਾ ਤੇ Snapdragon ਪ੍ਰੋਸੈਸਰ ਵੀ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਪਿਛਲੇ ਕੁਝ ਸਮੇਂ ਤੋਂ ਸਮਾਰਟਫੋਨ ਬਾਜ਼ਾਰ ’ਚ ਕੰਪਨੀਆਂ ਵੱਡੀ ਬੈਟਰੀ ਅਤੇ ਨਵੇਂ ਡਿਜ਼ਾਈਨ ਵਾਲੇ ਫੋਨ ਲਿਆਉਣ ਲਈ ਕੁਝ ਵੱਖਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਇਸੇ ਕੜੀ ’ਚ Honor ਆਪਣਾ ਪਹਿਲਾ ਵਾਈਡ-ਸਕ੍ਰੀਨ ਸਮਾਰਟਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਹਾਲੀਆ ਰਿਪੋਰਟਾਂ ਅਨੁਸਾਰ, ਇਸ ਆਉਣ ਵਾਲੇ ਫੋਨ ’ਚ 8,000mAh ਜਾਂ ਇਸ ਤੋਂ ਵੀ ਵੱਡੀ ਬੈਟਰੀ ਮਿਲ ਸਕਦੀ ਹੈ। ਟਿਪਸਟਰ Digital Chat Station ਨੇ ਇਸ ਫੋਨ ਨਾਲ ਜੁੜੇ ਕੁਝ ਵੇਰਵੇ ਸਾਂਝੇ ਕੀਤੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਆਪਣੇ ਸੈਗਮੈਂਟ ’ਚ ਸਭ ਤੋਂ ਵੱਡੀ ਬੈਟਰੀ ਵਾਲਾ ਫੋਨ ਹੋ ਸਕਦਾ ਹੈ। ਆਓ, ਇਸ ਦੇ ਸੰਭਾਵੀ ਫੀਚਰਜ਼ ’ਤੇ ਨਜ਼ਰ ਮਾਰਦੇ ਹਾਂ।

Honor Wide-Screen ਫੋਨ ਦੇ ਸੰਭਾਵੀ ਫੀਚਰਜ਼

ਸਪੈਸੀਫਿਕੇਸ਼ਨ ਦੀ ਗੱਲ ਕਰੀਏ ਤਾਂ Honor ਦੇ ਇਸ ਫੋਨ ’ਚ 6.39 ਇੰਚ ਦੀ OLED ਡਿਸਪਲੇਅ ਮਿਲ ਸਕਦੀ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਦੀ ਸਕ੍ਰੀਨ ਦਾ ਆਕਾਰ Huawei Pura X View ਵਰਗਾ ਦੱਸਿਆ ਜਾ ਰਿਹਾ ਹੈ। ਫੋਨ ’ਚ 16:9.5 ਆਸਪੈਕਟ ਰੇਸ਼ੋ ਵਾਲੀ ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ।

ਇਸ ਫੋਨ ’ਚ 8,000mAh ਦੀ ਬੈਟਰੀ ਵੀ ਮਿਲਣ ਦੀ ਉਮੀਦ ਹੈ। ਹਾਲਾਂਕਿ, ਵੱਡੀ ਬੈਟਰੀ ਕਾਰਨ ਫੋਨ ਦੀ ਮੋਟਾਈ ਅਤੇ ਭਾਰ ਵਧ ਸਕਦਾ ਹੈ।

Honor Wide-Screen ਫੋਨ ਦੇ ਕੈਮਰਾ ਫੀਚਰਜ਼

ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ ਡਿਵਾਈਸ ’ਚ 200MP ਦਾ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅੱਪ ਮਿਲ ਸਕਦਾ ਹੈ। ਇਸ ਦੇ ਨਾਲ ਵੱਡਾ ਕੈਮਰਾ ਸੈਂਸਰ ਅਤੇ ਪੈਰੀਸਕੋਪ ਟੈਲੀਫੋਟੋ ਲੈਂਸ ਵੀ ਦਿੱਤਾ ਜਾ ਸਕਦਾ ਹੈ।

ਹਾਲਾਂਕਿ, ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ 200MP ਸੈਂਸਰ ਪ੍ਰਾਇਮਰੀ ਕੈਮਰੇ ਵਜੋਂ ਵਰਤਿਆ ਜਾਵੇਗਾ ਜਾਂ ਟੈਲੀਫੋਟੋ ਕੈਮਰੇ ਦੇ ਤੌਰ ’ਤੇ ਇਸ ਦੀ ਵਰਤੋਂ ਹੋਵੇਗੀ। ਇਸ ਤੋਂ ਇਲਾਵਾ, ਡਿਵਾਈਸ ਦੇ ਸ਼ੁਰੂਆਤੀ ਇੰਜੀਨੀਅਰਿੰਗ ਸੈਂਪਲ ’ਚ Snapdragon ਪ੍ਰੋਸੈਸਰ ਦੀ ਜਾਂਚ ਕੀਤੇ ਜਾਣ ਦੀ ਗੱਲ ਸਾਹਮਣੇ ਆਈ ਹੈ। ਹਾਲਾਂਕਿ, ਚਿੱਪਸੈੱਟ ਦਾ ਨਾਂ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ।

Oppo ਵੀ ਲਿਆ ਸਕਦਾ ਹੈ ਵਾਈਡ-ਸਕ੍ਰੀਨ ਫੋਨ

ਹਾਲੀਆ ਰਿਪੋਰਟਾਂ ’ਚ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ Huawei ਤੋਂ ਬਾਅਦ Oppo ਅਤੇ Honor ਵੀ ਐਂਡਰਾਇਡ ਸੈਗਮੈਂਟ ’ਚ ਵਾਈਡ-ਸਕ੍ਰੀਨ ਕੈਂਡੀਬਾਰ ਸਮਾਰਟਫੋਨ ਪੇਸ਼ ਕਰ ਸਕਦੇ ਹਨ।

ਇਸ ਤੋਂ ਪਹਿਲਾਂ Honor 700 ਸੀਰੀਜ਼ ਨਾਲ ਜੁੜੇ ਵੇਰਵੇ ਵੀ ਸਾਹਮਣੇ ਆਏ ਸਨ। ਦਾਅਵਾ ਕੀਤਾ ਗਿਆ ਸੀ ਕਿ ਇਸ ਸੀਰੀਜ਼ ’ਚ 9,000mAh ਦੀ ਬੈਟਰੀ ਅਤੇ 200MP ਦਾ ਮੁੱਖ ਕੈਮਰਾ ਮਿਲ ਸਕਦਾ ਹੈ। ਫਿਲਹਾਲ Honor ਨੇ ਆਪਣੇ ਇਸ ਨਵੇਂ ਸਮਾਰਟਫੋਨ ਦੀ ਲਾਂਚਿੰਗ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਹੈ।