ਨਵਾਂ AC ਖ਼ਰੀਦਣ ’ਤੇ ਮਿਲ ਰਿਹਾ ਖ਼ਾਸ ਐਕਸਚੇਂਜ ਆਫ਼ਰ, ਪੁਰਾਣੇ ਟੀਵੀ, ਫਰਿੱਜ ਤੇ ਕੂਲਰ ਦੇ ਬਦਲੇ ਮਿਲਣਗੇ ਪੈਸੇ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਜੇਕਰ ਤੁਸੀਂ ਦੀਵਾਲੀ ਦੇ ਮੌਕੇ ’ਤੇ ਨਵਾਂ AC ਖ਼ਰੀਦਣ ਜਾਂ ਘਰ ਦੇ ਪੁਰਾਣੇ ਇਲੈਕਟ੍ਰਾਨਿਕ ਉਪਕਰਨਾਂ ਨੂੰ ਅਪਗ੍ਰੇਡ ਕਰਨ ਦੀ ਯੋਜਨਾ ਬਣਾ ਰਹੇ ਹੋ ਤਾਂ Attero ਦਾ ਕੰਜ਼ਿਊਮਰ ਟੈਕ-ਬੈਕ ਪਲੇਟਫਾਰਮ Selsmart ਤੁਹਾਡੇ ਲਈ ਖ਼ਾਸ ਆਫ਼ਰ ਲੈ ਕੇ ਆਇਆ ਹੈ।

Selsmart ਨੇ ਏਅਰ ਕੰਡੀਸ਼ਨਰ ਬ੍ਰਾਂਡ Helium ਨਾਲ ਸਾਂਝੇਦਾਰੀ ਕੀਤੀ ਹੈ। ਇਸ ਤਹਿਤ Helium ਦੀ ਵੈੱਬਸਾਈਟ ਤੋਂ ਨਵਾਂ AC ਖ਼ਰੀਦਣ ਵਾਲੇ ਗਾਹਕਾਂ ਨੂੰ ਆਪਣੇ ਪੁਰਾਣੇ ਘਰੇਲੂ ਉਪਕਰਨ ਐਕਸਚੇਂਜ ਕਰਨ ਦਾ ਬਦਲ ਮਿਲੇਗਾ।

ਜੇਕਰ ਤੁਸੀਂ ਘਰ ਦੇ ਪੁਰਾਣੇ ਉਪਕਰਨਾਂ ਨੂੰ ਅਪਗ੍ਰੇਡ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਸਟੋਰ ’ਤੇ ਜਾਣ ਦੀ ਲੋੜ ਨਹੀਂ ਪਵੇਗੀ। Selsmart ਵੱਲੋਂ ਇਹ ਸਹੂਲਤ ਆਨਲਾਈਨ ਦਿੱਤੀ ਜਾ ਰਹੀ ਹੈ।

ਪੁਰਾਣੇ ਉਪਕਰਨਾਂ ਦੀ ਕੀਮਤ ਆਨਲਾਈਨ ਕਰੋ ਚੈੱਕ

ਇਸ ਆਫ਼ਰ ਦਾ ਲਾਭ ਲੈਣ ਲਈ ਯੂਜ਼ਰਾਂ ਨੂੰ Helium ਦੀ ਵੈੱਬਸਾਈਟ ’ਤੇ ਨਵਾਂ AC ਖ਼ਰੀਦਦੇ ਸਮੇਂ Selsmart ਦੇ ਐਕਸਚੇਂਜ ਆਫ਼ਰ ਦੀ ਵਰਤੋਂ ਕਰਨੀ ਪਵੇਗੀ।

Selsmart ਦੇ ਐਕਸਚੇਂਜ ਕੈਲਕੁਲੇਟਰ ਰਾਹੀਂ ਤੁਸੀਂ ਆਪਣੇ ਪੁਰਾਣੇ AC, ਫਰਿੱਜ, ਵਾਸ਼ਿੰਗ ਮਸ਼ੀਨ ਜਾਂ ਕੂਲਰ ਦੀ ਐਕਸਚੇਂਜ ਕੀਮਤ ਚੈੱਕ ਕਰ ਸਕਦੇ ਹੋ।

ਐਕਸਚੇਂਜ ਦੀ ਕੀਮਤ ਅਤੇ ਬੇਨਤੀ ਦੀ ਪੁਸ਼ਟੀ ਹੋਣ ਤੋਂ ਬਾਅਦ Selsmart ਦੀ ਟੀਮ ਯੂਜ਼ਰ ਦੇ ਘਰੋਂ ਪੁਰਾਣੇ ਉਪਕਰਨ ਲੈ ਜਾਵੇਗੀ। ਉਪਕਰਨ ਚੁੱਕਣ ਤੋਂ ਬਾਅਦ ਤੁਹਾਨੂੰ ਤੈਅ ਕੀਤੀ ਗਈ ਐਕਸਚੇਂਜ ਕੀਮਤ ਦੇ ਹਿਸਾਬ ਨਾਲ ਡਿਜੀਟਲ ਭੁਗਤਾਨ ਕਰ ਦਿੱਤਾ ਜਾਵੇਗਾ।

ਕੰਪਨੀ ਦਾ ਕਹਿਣਾ ਹੈ ਕਿ ਆਨਲਾਈਨ ਤੈਅ ਕੀਤੀ ਗਈ ਐਕਸਚੇਂਜ ਕੀਮਤ ਵਿੱਚ ਪਿਕਅੱਪ ਸਮੇਂ ਕੋਈ ਬਦਲਾਅ ਨਹੀਂ ਕੀਤਾ ਜਾਵੇਗਾ।

ਪੁਰਾਣੇ ਇਲੈਕਟ੍ਰਾਨਿਕ ਉਪਕਰਨਾਂ ਦਾ ਕੀ ਹੋਵੇਗਾ?

ਪੁਰਾਣੇ ਉਪਕਰਨਾਂ ਨੂੰ ਘਰੋਂ ਚੁੱਕਣ ਤੋਂ ਬਾਅਦ Attero ਵੱਲੋਂ ਉਨ੍ਹਾਂ ਨੂੰ ਰੁੜਕੀ ਸਥਿਤ CPCB ਤੋਂ ਅਧਿਕਾਰਤ ਰੀਸਾਈਕਲਿੰਗ ਸਹੂਲਤ ਵਿੱਚ ਭੇਜਿਆ ਜਾਵੇਗਾ। ਇੱਥੇ ਪੁਰਾਣੇ ਇਲੈਕਟ੍ਰਾਨਿਕ ਉਪਕਰਨਾਂ ਨੂੰ ਵਿਵਸਥਿਤ ਤਰੀਕੇ ਨਾਲ ਰੀਸਾਈਕਲ ਕੀਤਾ ਜਾਵੇਗਾ।

ਫਿਲਹਾਲ Selsmart ਦੀ ਸੇਵਾ 25 ਤੋਂ ਵੱਧ ਸ਼ਹਿਰਾਂ ਵਿੱਚ ਉਪਲਬਧ ਹੈ। ਇਸ ਐਕਸਚੇਂਜ ਆਫ਼ਰ ਦਾ ਲਾਭ ਸਿਰਫ਼ Helium ਦਾ ਨਵਾਂ AC ਖ਼ਰੀਦਣ ’ਤੇ ਹੀ ਮਿਲੇਗਾ।