Amazon ਦੀ ਗ੍ਰੇਟ ਇੰਡੀਅਨ ਫੈਸਟੀਵਲ ਸੇਲ ਇਸ ਦਿਨ ਤੋਂ ਹੋਵੇਗੀ ਸ਼ੁਰੂ, ਸਮਾਰਟਫੋਨ, ਟੀਵੀ ਸਮੇਤ ਕਈ ਉਤਪਾਦ ਮਿਲਣਗੇ ਸਸਤੇ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਜੇਕਰ ਤੁਸੀਂ ਵੀ ਤਿਉਹਾਰੀ ਸੀਜ਼ਨ ਦੌਰਾਨ ਆਨਲਾਈਨ ਸ਼ਾਪਿੰਗ ਕਰਨ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਦਰਅਸਲ, Amazon ਨੇ ਆਪਣੀ ਸਭ ਤੋਂ ਵੱਡੀ ਫੈਸਟੀਵ ਸੇਲ Amazon Great Indian Festival 2026 ਦੀ ਤਾਰੀਖ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਸੇਲ ਅਗਲੇ ਮਹੀਨੇ 8 ਅਕਤੂਬਰ 2026 ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਸੇਲ ਦੌਰਾਨ ਸਮਾਰਟਫੋਨ, ਇਲੈਕਟ੍ਰਾਨਿਕਸ, ਟੀਵੀ, ਘਰੇਲੂ ਉਪਕਰਨਾਂ, ਫੈਸ਼ਨ, ਬਿਊਟੀ, ਹੋਮ, ਕਿਚਨ ਅਤੇ ਰੋਜ਼ਾਨਾ ਦੀਆਂ ਜ਼ਰੂਰਤਾਂ ਨਾਲ ਜੁੜੇ ਉਤਪਾਦਾਂ ’ਤੇ ਕਈ ਤਰ੍ਹਾਂ ਦੇ ਸ਼ਾਨਦਾਰ ਆਫਰ ਦੇਖਣ ਨੂੰ ਮਿਲਣਗੇ।

SBI ਕਾਰਡ ’ਤੇ ਮਿਲੇਗਾ 10 ਫ਼ੀਸਦੀ ਤੱਕ ਡਿਸਕਾਊਂਟ

ਐਮਾਜ਼ਨ ਦੀ ਫੈਸਟੀਵ ਸੇਲ ਵਿੱਚ SBI ਗਾਹਕਾਂ ਲਈ ਵੀ ਖ਼ਾਸ ਆਫਰ ਉਪਲਬਧ ਹੋਣਗੇ। ਗਾਹਕ SBI ਕ੍ਰੈਡਿਟ ਕਾਰਡ ਅਤੇ ਡੈਬਿਟ ਕਾਰਡ ਦੇ ਨਾਲ-ਨਾਲ EMI ਟ੍ਰਾਂਜ਼ੈਕਸ਼ਨ ’ਤੇ 10 ਫ਼ੀਸਦੀ ਤੱਕ ਦਾ ਇੰਸਟੈਂਟ ਡਿਸਕਾਊਂਟ ਲੈ ਸਕਣਗੇ। ਇਸ ਤੋਂ ਇਲਾਵਾ ਕੁਝ ਕੈਟੇਗਰੀਜ਼ ਵਿੱਚ ਨੋ-ਕੌਸਟ EMI ਅਤੇ ਐਕਸਚੇਂਜ ਆਫਰ ਵੀ ਮਿਲਣਗੇ। ਇਸ ਨਾਲ ਮਹਿੰਗੇ ਉਤਪਾਦ ਖਰੀਦਣ ’ਤੇ ਵੀ ਖ਼ਰਚ ਘਟਾਇਆ ਜਾ ਸਕੇਗਾ।

ਟਾਪ ਡੀਲਜ਼ ਦੇ ਨਾਲ ਮਿਲਣਗੇ ਕਈ ਵਾਧੂ ਆਫਰ

ਸੇਲ ਵਿੱਚ ਗਾਹਕਾਂ ਨੂੰ ਸਿਰਫ਼ ਫਲੈਟ ਡਿਸਕਾਊਂਟ ਹੀ ਨਹੀਂ ਮਿਲੇਗਾ, ਸਗੋਂ Top 100 Deals, Mega Deals ਅਤੇ 8 PM Deals ਵਰਗੀਆਂ ਖ਼ਾਸ ਡੀਲਜ਼ ਵੀ ਉਪਲਬਧ ਹੋਣਗੀਆਂ। ਇਸ ਤੋਂ ਇਲਾਵਾ Buy More Save More, Exchange Mela, Sample Mania ਅਤੇ Amazon Combo ਵਰਗੇ ਆਫਰ ਵੀ ਸੇਲ ਨੂੰ ਹੋਰ ਖ਼ਾਸ ਬਣਾਉਣਗੇ। ਕੰਪਨੀ ਦੇ ਮੁਤਾਬਕ, ਸੇਲ ਦੌਰਾਨ ਕਰੋੜਾਂ ਉਤਪਾਦਾਂ ’ਤੇ ਵੱਡੀ ਛੋਟ ਦੇਖਣ ਨੂੰ ਮਿਲੇਗੀ।

ਸਮਾਰਟਫੋਨ ਅਤੇ ਇਲੈਕਟ੍ਰਾਨਿਕਸ ਮਿਲਣਗੇ ਸਸਤੇ

ਇਸ ਵਾਰ ਵੀ ਫੈਸਟੀਵ ਸੇਲ ਵਿੱਚ ਸਮਾਰਟਫੋਨ ਅਤੇ ਇਲੈਕਟ੍ਰਾਨਿਕਸ ’ਤੇ ਸਭ ਤੋਂ ਵੱਡੇ ਆਫਰ ਮਿਲਣ ਦੀ ਉਮੀਦ ਹੈ। ਟੀਵੀ, ਘਰੇਲੂ ਉਪਕਰਨਾਂ, ਕਿਚਨ ਪ੍ਰੋਡਕਟਸ ਅਤੇ ਹੋਰ ਗੈਜੇਟਸ ’ਤੇ ਵੀ ਡਿਸਕਾਊਂਟ ਅਤੇ ਐਕਸਚੇਂਜ ਆਫਰ ਮਿਲ ਸਕਦੇ ਹਨ। ਇਸ ਦੇ ਨਾਲ ਹੀ ਕੁਝ ਨਵੇਂ ਉਤਪਾਦ ਸੇਲ ਦੌਰਾਨ ਲਾਂਚ ਵੀ ਕੀਤੇ ਜਾ ਸਕਦੇ ਹਨ।

ਸ਼ਾਪਿੰਗ ਵਿੱਚ AI ਕਰੇਗਾ ਮਦਦ

ਇਸ ਵਾਰ ਐਮਾਜ਼ਨ ਨੇ ਸ਼ਾਪਿੰਗ ਨੂੰ ਆਸਾਨ ਬਣਾਉਣ ਲਈ AI ਆਧਾਰਿਤ ਫੀਚਰ ਵੀ ਉਪਲਬਧ ਕਰਵਾਏ ਹਨ। ਇਨ੍ਹਾਂ ਦੀ ਮਦਦ ਨਾਲ ਗਾਹਕ ਉਤਪਾਦਾਂ ਦੀ ਤੁਲਨਾ ਕਰ ਸਕਣਗੇ, ਕੀਮਤਾਂ ਦੀ ਹਿਸਟਰੀ ਦੇਖ ਸਕਣਗੇ ਅਤੇ ਆਪਣੀਆਂ ਜ਼ਰੂਰਤਾਂ ਮੁਤਾਬਕ ਸੁਝਾਅ ਪ੍ਰਾਪਤ ਕਰਨ ਵਰਗੇ ਫੀਚਰਾਂ ਦੀ ਵਰਤੋਂ ਕਰ ਸਕਣਗੇ।

ਇਸ ਤੋਂ ਇਲਾਵਾ Amazon Now ਰਾਹੀਂ ਕੁਝ ਸ਼ਹਿਰਾਂ ਵਿੱਚ ਹਜ਼ਾਰਾਂ ਉਤਪਾਦਾਂ ਦੀ ਮਿੰਟਾਂ ਵਿੱਚ ਡਿਲਿਵਰੀ ਦਾ ਬਦਲ ਵੀ ਮਿਲੇਗਾ। ਕੰਪਨੀ ਦੇ ਮੁਤਾਬਕ, ਇਹ ਸਹੂਲਤ ਦੀਵਾਲੀ ਤੋਂ ਪਹਿਲਾਂ 100 ਸ਼ਹਿਰਾਂ ਤੱਕ ਪਹੁੰਚ ਸਕਦੀ ਹੈ।