TATA ਦੀਆਂ ਗੱਡੀਆਂ ਹੋਈਆਂ ਮਹਿੰਗੀਆਂ, ਪਰ ਇਸ ਕਾਰ ਦੇ ਦਾਮ ਘਟ ਕੇ ਹੋਏ ਘੱਟ; ਜਾਣੋ ਇਸਦੀ ਨਵੀਂ ਕੀਮਤ

ਆਟੋ ਡੈਸਕ, ਨਵੀਂ ਦਿੱਲੀ: TATA ਕੰਪਨੀ ਨੇ ਆਪਣੀਆਂ ਗੱਡੀਆਂ ਦੀਆਂ ਕੀਮਤਾਂ 'ਚ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਨਵੀਆਂ ਕੀਮਤਾਂ 1 ਅਪ੍ਰੈਲ 2026 ਤੋਂ ਲਾਗੂ ਹੋ ਗਈਆਂ ਹਨ। ਇਸਦਾ ਮਤਲਬ ਹੈ ਕਿ ਹੁਣ ਟਾਟਾ ਦੀ ਕਾਰ ਖਰੀਦਣਾ ਪਹਿਲਾਂ ਨਾਲੋਂ ਥੋੜ੍ਹਾ ਮਹਿੰਗਾ ਹੋ ਗਿਆ ਹੈ। ਇਸਦੇ ਪਿੱਛੇ ਕੰਪਨੀ ਨੇ ਕੋਈ ਖਾਸ ਕਾਰਨ ਨਹੀਂ ਦੱਸਿਆ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਗੱਡੀਆਂ ਨੂੰ ਬਣਾਉਣ ਦੀ ਲਾਗਤ ਵਧਣ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।

ਕਿਹੜੀਆਂ ਗੱਡੀਆਂ ਦੀ ਵਧੀ ਕੀਮਤ ?

TATA ਨੇ ਆਪਣੀਆਂ ਕੁਝ ਮਸ਼ਹੂਰ ਕਾਰਾਂ ਦੇ ਬੇਸ ਵੇਰੀਐਂਟ ਮਹਿੰਗੇ ਕਰ ਦਿੱਤੇ ਹਨ। ਸਭ ਤੋਂ ਜ਼ਿਆਦਾ ਵਾਧਾ Safari Diesel ਦੀ ਕੀਮਤ 'ਚ ਹੋਇਆ ਹੈ, ਜੋ ਹੁਣ 8,700 ਰੁਪਏ ਮਹਿੰਗੀ ਹੋ ਗਈ ਹੈ। ਇਸਦੀ ਐਕਸ-ਸ਼ੋਅਰੂਮ ਕੀਮਤ ਹੁਣ 14.74 ਲੱਖ ਰੁਪਏ ਤੋਂ ਸ਼ੁਰੂ ਹੋਵੇਗੀ। ਉੱਥੇ ਹੀ, TATA Punch ਦੀ ਕੀਮਤ 'ਚ 5,000 ਰੁਪਏ ਦਾ ਵਾਧਾ ਹੋਇਆ ਹੈ। ਹੁਣ ਤੁਹਾਨੂੰ ਪੰਚ ਖਰੀਦਣ ਲਈ ਘੱਟੋ-ਘੱਟ 5,64,990 ਰੁਪਏ ਖਰਚਣੇ ਪੈਣਗੇ।

ਮਹਿੰਗੀਆਂ ਹੋਣ ਵਾਲੀਆਂ ਗੱਡੀਆਂ:

Nexon: ਕੀਮਤ 5,100 ਰੁਪਏ ਵਧੀ, ਹੁਣ 7,36,990 ਰੁਪਏ (ਐਕਸ-ਸ਼ੋਅਰੂਮ) ਤੋਂ ਸ਼ੁਰੂ।

TATA Tigor: 6,000 ਰੁਪਏ ਮਹਿੰਗੀ ਹੋਈ, ਸ਼ੁਰੂਆਤੀ ਕੀਮਤ 5,54,990 ਰੁਪਏ।

Tiago: ਕੀਮਤ 'ਚ 2,500 ਰੁਪਏ ਦਾ ਵਾਧਾ।

Curvv SUV: ਕੀਮਤ 'ਚ 4,300 ਰੁਪਏ ਦਾ ਵਾਧਾ।

ਕੁਝ ਗੱਡੀਆਂ ਦੀਆਂ ਕੀਮਤਾਂ 'ਚ ਨਹੀਂ ਹੋਇਆ ਬਦਲਾਅ

TATA ਦੀਆਂ ਕੁਝ ਗੱਡੀਆਂ ਦੀ ਕੀਮਤ 'ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਸ ਵਿੱਚ Harrier (ਪੈਟਰੋਲ-ਡੀਜ਼ਲ), Safari (ਪੈਟਰੋਲ) ਅਤੇ Sierra (ਪੈਟਰੋਲ-ਡੀਜ਼ਲ) ਸ਼ਾਮਲ ਹਨ। ਇਨ੍ਹਾਂ ਕਾਰਾਂ ਦੇ ਦਾਮ ਨਹੀਂ ਵਧੇ ਹਨ ਅਤੇ ਇਹ ਹੁਣ ਵੀ ਪੁਰਾਣੀ ਕੀਮਤ 'ਤੇ ਹੀ ਮਿਲਣਗੀਆਂ।

ਸਸਤੀ ਹੋਈ TATA ਦੀ ਇਹ ਕਾਰ

ਤੁਸੀਂ ਉਨ੍ਹਾਂ ਕਾਰਾਂ ਬਾਰੇ ਤਾਂ ਜਾਣ ਲਿਆ ਜਿਨ੍ਹਾਂ ਦੇ ਦਾਮ ਵਧੇ ਹਨ, ਹੁਣ ਜਾਣੋ ਉਸ ਕਾਰ ਬਾਰੇ ਜੋ ਪਹਿਲਾਂ ਨਾਲੋਂ ਸਸਤੀ ਹੋ ਗਈ ਹੈ। ਇਸ ਕਾਰ ਦਾ ਨਾਂ Altroz ਹੈ। ਕੰਪਨੀ ਨੇ ਇਸਦੇ ਦਾਮ ਵਿੱਚ 400 ਰੁਪਏ ਦੀ ਮਾਮੂਲੀ ਕਟੌਤੀ ਕੀਤੀ ਹੈ। ਹੁਣ ਇਸਦੀ ਸ਼ੁਰੂਆਤੀ ਕੀਮਤ 6,29,990 ਰੁਪਏ (ਐਕਸ-ਸ਼ੋਅਰੂਮ) ਹੋ ਗਈ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਵਿਕਰੀ ਘੱਟ ਹੋਣ ਕਾਰਨ ਕੰਪਨੀ ਨੇ ਇਸਦੀ ਕੀਮਤ ਘਟਾਏ ਹਨ।