Royal Enfield Himalayan 750 ਜਲਦ ਹੋ ਸਕਦੀ ਹੈ ਲਾਂਚ, ਸਵਿੱਚਏਬਲ ABS ਦੇ ਨਾਲ ਮਿਲ ਸਕਦੈ 55hp ਵਾਲਾ ਇੰਜਣ

ਆਟੋ ਡੈਸਕ, ਨਵੀਂ ਦਿੱਲੀ : ਲੇਹ ਵਿਚ Royal Enfield Himalayan 440 ਦੇ ਲਾਂਚ ਇਵੈਂਟ ਦੌਰਾਨ ਹਾਲ ਹੀ ਵਿਚ Himalayan 750 ਨੂੰ ਵੀ ਦਿਖਾਇਆ ਗਿਆ ਸੀ। ਦੇਸ਼ ਅਤੇ ਵਿਦੇਸ਼ ਵਿਚ ਇਸ ਦੇ ਕਈ ਪ੍ਰੋਟੋਟਾਈਪ ਪਹਿਲਾਂ ਵੀ ਕਈ ਵਾਰ ਸਪਾਟ ਕੀਤੇ ਜਾ ਚੁੱਕੇ ਹਨ। ਲੱਦਾਖ ਵਿਚ ਦਿਖਾਈ ਗਈ Himalayan 750 ਕਈ ਆਧੁਨਿਕ ਫੀਚਰਜ਼ ਨਾਲ ਆਉਂਦੀ ਹੈ, ਜਿਸ ਵਿਚ ਕਰੂਜ਼ ਕੰਟਰੋਲ, ਟ੍ਰੈਕਸ਼ਨ ਕੰਟਰੋਲ ਅਤੇ ਐਡਜਸਟੇਬਲ ਫਰੰਟ ਤੇ ਰਿਅਰ ਸਸਪੈਂਸ਼ਨ ਸ਼ਾਮਲ ਹਨ।

ਇੰਜਣ ਅਤੇ ਪਾਵਰ

Royal Enfield Himalayan 750 ਵਿਚ 749cc ਇੰਜਣ ਮਿਲਣ ਦੀ ਉਮੀਦ ਹੈ। ਇਸ ਦਾ ਟਵਿਨ-ਸਿਲਿੰਡਰ ਇੰਜਣ ਕੰਪਨੀ ਦੇ 650cc ਪੈਰਲਲ-ਟਵਿਨ ਇੰਜਣ ’ਤੇ ਆਧਾਰਿਤ ਹੋਵੇਗਾ, ਜੋ 47.4hp ਦੀ ਪਾਵਰ ਅਤੇ 56.5Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਉਮੀਦ ਹੈ ਕਿ 749cc ਇੰਜਣ ਲਗਭਗ 55hp ਦੀ ਪਾਵਰ ਅਤੇ 58Nm ਦਾ ਟਾਰਕ ਜਨਰੇਟ ਕਰੇਗਾ। ਇਹ ਲਿਕਵਿਡ-ਕੂਲਡ ਇੰਜਣ ਹੋ ਸਕਦਾ ਹੈ, ਜਿਸ ਨੂੰ 6-ਸਪੀਡ ਗਿਅਰਬਾਕਸ ਦੇ ਨਾਲ ਦਿੱਤੇ ਜਾਣ ਦੀ ਉਮੀਦ ਹੈ।

ਦੱਸ ਦੇਈਏ ਕਿ Himalayan 750 ਵਿਚ ਕਵਿਕਸ਼ਿਫਟਰ ਮਿਲਣ ਦੀ ਉਮੀਦ ਬਹੁਤ ਘੱਟ ਹੈ। ਹਾਲਾਂਕਿ, ਇਸ ਵਿਚ ਸਲਿਪਰ ਅਤੇ ਅਸਿਸਟ ਕਲੱਚ ਮਿਲ ਸਕਦਾ ਹੈ।

ਕੀ-ਕੀ ਮਿਲ ਸਕਦੈ?

Himalayan 750 ਵਿਚ ਅੱਗੇ ਵੱਲ 19-ਇੰਚ ਅਲੌਏ ਵ੍ਹੀਲਜ਼ ਮਿਲ ਸਕਦੇ ਹਨ, ਜਦਕਿ Himalayan 450 ਵਿਚ 21-ਇੰਚ ਦਾ ਫਰੰਟ ਵ੍ਹੀਲ ਮਿਲਦਾ ਹੈ। Himalayan 750 ਦੇ ਫਰੰਟ ਵਿਚ Showa USD ਪ੍ਰੀਲੋਡ-ਐਡਜਸਟੇਬਲ ਫੋਰਕਸ ਅਤੇ ਰਿਅਰ ਵਿਚ ਲਿੰਕੇਜ ਪ੍ਰੀਲੋਡ-ਐਡਜਸਟੇਬਲ ਮੋਨੋਸ਼ਾਕ ਸਸਪੈਂਸ਼ਨ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ 2-ਇਨ-1 ਐਗਜ਼ਾਸਟ ਸਿਸਟਮ, ਲੰਬੀ ਵਿੰਡਸ਼ੀਲਡ ਅਤੇ ਸਪਲਿਟ ਸੀਟ ਵੀ ਮਿਲਣ ਦੀ ਉਮੀਦ ਹੈ।

ਕੀ ਮਿਲ ਸਕਦੇ ਹਨ ਫੀਚਰਜ਼?

Royal Enfield Himalayan 750 ਵਿਚ ਕਈ ਆਧੁਨਿਕ ਫੀਚਰਜ਼ ਮਿਲ ਸਕਦੇ ਹਨ। ਇਸ ਦੇ ਸਵਿੱਚਗਿਅਰ ਵਿਚ ਟ੍ਰੈਕਸ਼ਨ ਕੰਟਰੋਲ ਸੈਟਿੰਗ ਅਤੇ ਕਰੂਜ਼ ਕੰਟਰੋਲ ਲਈ ਵੱਖਰੇ ਸਵਿੱਚ ਦਿੱਤੇ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ ਨਵੀਂ LED ਹੈੱਡਲਾਈਟ, ਕਰੂਜ਼ ਕੰਟਰੋਲ, ਟ੍ਰੈਕਸ਼ਨ ਕੰਟਰੋਲ, ਕਲਰਡ TFT ਇੰਸਟਰੂਮੈਂਟ ਕਲੱਸਟਰ, ਸਵਿੱਚੇਬਲ ABS ਅਤੇ ਰਾਈਡਿੰਗ ਮੋਡਜ਼ ਵਰਗੇ ਫੀਚਰਜ਼ ਮਿਲਣ ਦੀ ਉਮੀਦ ਹੈ।