1 ਅਪ੍ਰੈਲ ਤੋਂ ਸਿਰਫ਼ ਆਧਾਰ ਨਾਲ ਨਹੀਂ ਬਣੇਗਾ PAN ਕਾਰਡ, ਹੁਣੇ ਜਾਣ ਲਓ ਆਸਾਨ ਤਰੀਕਾ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਵੀ ਆਪਣਾ ਨਵਾਂ ਪੈਨ ਕਾਰਡ ਬਣਵਾਉਣ ਬਾਰੇ ਸੋਚ ਰਹੇ ਹੋ? ਜੇਕਰ ਹਾਂ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਕਾਫ਼ੀ ਫਾਇਦੇਮੰਦ ਸਾਬਤ ਹੋ ਸਕਦੀ ਹੈ। ਅਗਲੇ ਮਹੀਨੇ ਯਾਨੀ 1 ਅਪ੍ਰੈਲ 2026 ਤੋਂ ਪੈਨ ਕਾਰਡ ਬਣਵਾਉਣ ਦੇ ਨਿਯਮਾਂ ਵਿੱਚ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਹੁਣ ਤੱਕ ਤੁਸੀਂ ਸਿਰਫ਼ ਆਧਾਰ ਕਾਰਡ ਦੇ ਜ਼ਰੀਏ ਆਸਾਨੀ ਨਾਲ ਪੈਨ ਕਾਰਡ ਬਣਵਾ ਸਕਦੇ ਸੀ, ਪਰ ਨਵੇਂ ਨਿਯਮ ਲਾਗੂ ਹੋਣ ਤੋਂ ਬਾਅਦ ਇਹ ਪ੍ਰਕਿਰਿਆ ਥੋੜ੍ਹੀ ਸਖ਼ਤ ਹੋ ਜਾਵੇਗੀ।

ਦਰਅਸਲ, 31 ਮਾਰਚ 2026 ਤੋਂ ਬਾਅਦ ਪੈਨ ਕਾਰਡ ਲਈ ਅਪਲਾਈ ਕਰਦੇ ਸਮੇਂ ਸਿਰਫ਼ ਆਧਾਰ ਕਾਰਡ ਹੀ ਕਾਫ਼ੀ ਨਹੀਂ ਹੋਵੇਗਾ। 1 ਅਪ੍ਰੈਲ ਤੋਂ ਬਿਨੈਕਾਰਾਂ ਨੂੰ ਆਪਣੀ ਜਨਮ ਮਿਤੀ (Date of Birth) ਨਾਲ ਜੜੇ ਵਾਧੂ ਦਸਤਾਵੇਜ਼ ਵੀ ਦੇਣੇ ਪੈਣਗੇ। ਇਹ ਬਦਲਾਅ ਸਰਕਾਰ ਵੱਲੋਂ ਦਸਤਾਵੇਜ਼ਾਂ ਦੀ ਪੜਤਾਲ (Verification) ਨੂੰ ਹੋਰ ਮਜ਼ਬੂਤ ਕਰਨ ਲਈ ਕੀਤਾ ਗਿਆ ਹੈ।

ਕਿਹੜੇ ਦਸਤਾਵੇਜ਼ਾਂ ਦੀ ਪਵੇਗੀ ਲੋੜ?

1 ਅਪ੍ਰੈਲ ਤੋਂ ਪੈਨ ਕਾਰਡ ਲਈ ਅਪਲਾਈ ਕਰਦੇ ਸਮੇਂ ਆਧਾਰ ਕਾਰਡ ਦੇ ਨਾਲ-ਨਾਲ ਹੇਠਾਂ ਦਿੱਤੇ ਕੁਝ ਹੋਰ ਦਸਤਾਵੇਜ਼ਾਂ ਦੀ ਵੀ ਲੋੜ ਹੋਵੇਗੀ:

• ਜਨਮ ਸਰਟੀਫਿਕੇਟ (Birth Certificate)
• ਵੋਟਰ ਆਈ.ਡੀ. ਕਾਰਡ (Voter ID Card)
• 10ਵੀਂ ਦੀ ਮਾਰਕਸ਼ੀਟ ਜਾਂ ਪਾਸਿੰਗ ਸਰਟੀਫਿਕੇਟ
• ਡਰਾਈਵਿੰਗ ਲਾਇਸੈਂਸ
• ਪਾਸਪੋਰਟ
• ਮੈਜਿਸਟ੍ਰੇਟ ਵੱਲੋਂ ਤਸਦੀਕਸ਼ੁਦਾ ਹਲਫ਼ਨਾਮਾ (Affidavit)

ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਵਾਧੂ ਦਸਤਾਵੇਜ਼ਾਂ ਤੋਂ ਬਿਨਾਂ ਪੈਨ ਕਾਰਡ ਬਣਵਾਉਣਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਕੋਲ 31 ਮਾਰਚ 2026 ਤੱਕ ਦਾ ਸਮਾਂ ਹੈ।

PAN ਕਾਰਡ ਲਈ ਹੁਣੇ ਇਸ ਤਰ੍ਹਾਂ ਕਰੋ ਅਪਲਾਈ:

1. ਸਭ ਤੋਂ ਪਹਿਲਾਂ NSDL ਦੀ ਵੈੱਬਸਾਈਟ 'ਤੇ ਜਾਓ।
2. ਇਸ ਤੋਂ ਬਾਅਦ Apply Online ਸੈਕਸ਼ਨ 'ਚ ਜਾਓ।
3. ਇੱਥੋਂ Form 49A (Indian Citizen) ਦੀ ਚੋਣ ਕਰੋ।
4. ਇਸ ਤੋਂ ਬਾਅਦ ਆਪਣੀ ਕੈਟੇਗਰੀ ਵਿੱਚ ‘Individual’ ਨੂੰ ਚੁਣੋ।
5. ਹੁਣ ਆਪਣਾ ਨਾਮ, ਜਨਮ ਮਿਤੀ, ਮੋਬਾਈਲ ਨੰਬਰ ਅਤੇ ਈਮੇਲ ਆਈਡੀ ਵਰਗੀ ਜਾਣਕਾਰੀ ਦਰਜ ਕਰੋ।
6. ਕੈਪਚਾ ਕੋਡ ਭਰ ਕੇ ਫਾਰਮ ਸਬਮਿਟ ਕਰੋ ਅਤੇ ਟੋਕਨ ਨੰਬਰ ਕਿਤੇ ਨੋਟ ਕਰ ਲਓ।
7. ਇਸ ਤੋਂ ਬਾਅਦ ਆਧਾਰ OTP ਰਾਹੀਂ ਵੈਰੀਫਿਕੇਸ਼ਨ ਮੁਕੰਮਲ ਕਰੋ।
8. ਪਤਾ (Address) ਅਤੇ ਹੋਰ ਜ਼ਰੂਰੀ ਜਾਣਕਾਰੀ ਦਰਜ ਕਰੋ।
9. ਆਨਲਾਈਨ ਫੀਸ ਦਾ ਭੁਗਤਾਨ ਕਰੋ।
10. ਅਖ਼ੀਰ ਵਿੱਚ OTP ਰਾਹੀਂ ਆਧਾਰ ਆਥੈਂਟੀਕੇਸ਼ਨ ਕਰ ਕੇ ਫਾਰਮ ਸਬਮਿਟ ਕਰ ਦਿਓ।