- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੁਣ ਸਾਮਾਨ ਗੁਆਚਣ ਦੀ ਨਹੀਂ ਹੋਵੇਗੀ ਟੈਂਸ਼ਨ! JioTag 2 ਭਾਰਤ 'ਚ ਲਾਂਚ, 120dB ਬਜ਼ਰ ਦੇ ਨਾਲ
ਜੀਓ ਦਾ ਇਹ ਨਵਾਂ JioTag 2 ਚਾਬੀ, ਬੈਗ, ਵਾਲੇਟ, ਲਗੇਜ ਜਾਂ ਹੋਰ ਜ਼ਰੂਰੀ ਸਾਮਾਨ ਨਾਲ ਅਟੈਚ ਕੀਤਾ ਜਾ ਸਕਦਾ ਹੈ। ਤੁਸੀਂ ਇਸਨੂੰ ਨਾ ਸਿਰਫ਼ Android ਸਗੋਂ iPhone ਨਾਲ ਵੀ Apple Find My ਐਪ ਰਾਹੀਂ ਮੈਨੇਜ ਕਰ ਸਕਦੇ ਹੋ। ਇਸ ਨਾਲ ਕਿਸੇ ਵੀ ਟੈਗ ਕੀਤੇ ਸਾਮਾਨ ਦੀ ਲੋਕੇਸ਼ਨ ਆਸਾਨੀ ਨਾਲ ਪਤਾ ਚੱਲ ਜਾਵੇਗੀ।
Posted By Seema Anand
Publish Date: Mon, 03 Aug 2026 01:00 PM (IST)
Updated Date: Mon, 03 Aug 2026 01:07 PM (IST)
ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : Reliance Jio ਨੇ ਇੰਡੀਅਨ ਮਾਰਕੀਟ 'ਚ ਆਪਣਾ ਨਵਾਂ JioTag 2 ਲਾਂਚ ਕਰ ਦਿੱਤਾ ਹੈ। ਕੰਪਨੀ ਦਾ ਇਹ ਨਵਾਂ ਸਮਾਰਟ ਟਰੈਕਰ Android ਤੇ iOS ਦੋਵਾਂ ਡਿਵਾਈਸਾਂ ਨਾਲ ਕੰਮ ਕਰਦਾ ਹੈ। ਯੂਜ਼ਰਜ਼ ਇਸਨੂੰ Google Find Hub ਤੇ Apple Find My ਨੈੱਟਵਰਕ ਰਾਹੀਂ ਆਪਣੇ ਕੀਮਤੀ ਸਾਮਾਨ ਨੂੰ ਆਸਾਨੀ ਨਾਲ ਟਰੈਕ ਕਰ ਸਕਦੇ ਹਨ। ਇਹ 2023 'ਚ ਲਾਂਚ ਹੋਏ ਪਹਿਲੇ JioTag ਦਾ ਅੱਪਗ੍ਰੇਡਿਡ ਡਿਵਾਈਸ ਹੈ। ਨਾਲ ਹੀ ਇਸ ਵਿਚ ਕਰਾਸ-ਪਲੇਟਫਾਰਮ ਸਪੋਰਟ, Bluetooth Low Energy (BLE) ਕਨੈਕਟੀਵਿਟੀ ਤੇ ਕਮਿਊਨਿਟੀ-ਬੇਸਡ ਲੋਕੇਸ਼ਨ ਟਰੈਕਿੰਗ ਵਰਗੇ ਫੀਚਰਜ਼ ਵੀ ਮਿਲ ਰਹੇ ਹਨ।
JioTag 2 ਦੀ ਕੀਮਤ ਤੇ ਉਪਲਬਧਤਾ
ਕੀਮਤ ਦੀ ਗੱਲ ਕਰੀਏ ਤਾਂ JioTag 2 ਦੀ ਕੀਮਤ 1,249 ਰੁਪਏ ਹੈ। ਟੈਗ ਨੂੰ ਤੁਸੀਂ ਬਲੈਕ, ਗ੍ਰੀਨ ਅਤੇ ਰੈੱਡ ਤਿੰਨ ਕਲਰ ਆਪਸ਼ਨਜ਼ 'ਚ ਖਰੀਦ ਸਕਦੇ ਹੋ। ਤੁਸੀਂ ਇਸਨੂੰ Amazon India ਤੋਂ ਆਰਡਰ ਕਰ ਸਕਦੇ ਹੋ।
Android ਤੇ iPhone ਦੋਵਾਂ ਨਾਲ ਕੰਮ ਕਰੇਗਾ
ਜੀਓ ਦਾ ਇਹ ਨਵਾਂ JioTag 2 ਚਾਬੀ, ਬੈਗ, ਵਾਲੇਟ, ਲਗੇਜ ਜਾਂ ਹੋਰ ਜ਼ਰੂਰੀ ਸਾਮਾਨ ਨਾਲ ਅਟੈਚ ਕੀਤਾ ਜਾ ਸਕਦਾ ਹੈ। ਤੁਸੀਂ ਇਸਨੂੰ ਨਾ ਸਿਰਫ਼ Android ਸਗੋਂ iPhone ਨਾਲ ਵੀ Apple Find My ਐਪ ਰਾਹੀਂ ਮੈਨੇਜ ਕਰ ਸਕਦੇ ਹੋ। ਇਸ ਨਾਲ ਕਿਸੇ ਵੀ ਟੈਗ ਕੀਤੇ ਸਾਮਾਨ ਦੀ ਲੋਕੇਸ਼ਨ ਆਸਾਨੀ ਨਾਲ ਪਤਾ ਚੱਲ ਜਾਵੇਗੀ।
ਟੈਗ 'ਚ 120dB ਦਾ ਤੇਜ਼ ਬਜ਼ਰ
ਇਸ ਟਰੈਕਰ 'ਚ ਬਲੂਟੁੱਥ ਲੋਅ ਐਨਰਜੀ ਕਨੈਕਟੀਵਿਟੀ ਮਿਲ ਰਹੀ ਹੈ। ਜੇਕਰ ਟੈਗ ਕੀਤਾ ਸਾਮਾਨ ਬਲੂਟੁੱਥ ਰੇਂਜ ਦੇ ਅੰਦਰ ਹੈ, ਤਾਂ ਯੂਜ਼ਰ ਐਪ ਰਾਹੀਂ ਇਸ ਵਿਚ ਮੌਜੂਦ 120dB ਦਾ ਇਨਬਿਲਟ ਬਜ਼ਰ ਵਜਾ ਕੇ ਉਸਨੂੰ ਆਸਾਨੀ ਨਾਲ ਲੱਭ ਸਕਦੇ ਹਨ।
ਉੱਥੇ ਹੀ, ਜੇਕਰ ਸਾਮਾਨ ਬਲੂਟੁੱਥ ਰੇਂਜ ਤੋਂ ਬਾਹਰ ਹੈ ਤਾਂ ਆਸ-ਪਾਸ ਮੌਜੂਦ Android ਅਤੇ iPhone ਡਿਵਾਈਸਾਂ ਗੁਮਨਾਮ ਤਰੀਕੇ ਨਾਲ ਉਸਦੀ ਲੋਕੇਸ਼ਨ ਅੱਪਡੇਟ ਕਰਨ 'ਚ ਮਦਦ ਕਰਨਗੀਆਂ। ਇਸ ਤੋਂ ਇਲਾਵਾ ਇਸ ਵਿਚ Lost Mode ਵੀ ਮਿਲਦਾ ਹੈ, ਜੋ ਗੁਆਚੇ ਹੋਏ ਸਾਮਾਨ ਨੂੰ ਵਾਪਸ ਪਾਉਣ 'ਚ ਕਾਫ਼ੀ ਮਦਦਗਾਰ ਸਾਬਤ ਹੋ ਸਕਦਾ ਹੈ।
ਨਾ SIM ਦੀ ਲੋੜ, ਨਾ ਚਾਰਜਿੰਗ ਦੀ
ਖ਼ਾਸ ਗੱਲ ਇਹ ਹੈ ਕਿ ਇਸ JioTag 2 ਨੂੰ ਵਰਤਣ ਲਈ ਨਾ ਤਾਂ SIM ਕਾਰਡ ਦੀ ਲੋੜ ਹੈ ਅਤੇ ਨਾ ਹੀ ਇਸ ਵਿਚ ਸੈਲੂਲਰ ਨੈੱਟਵਰਕ ਜਾਂ ਕਿਸੇ ਡੇਟਾ ਪਲਾਨ ਦੀ ਲੋੜ ਹੈ। ਕੰਪਨੀ ਮੁਤਾਬਕ ਇਹ Google Find Hub ਅਤੇ Apple Find My ਨੈੱਟਵਰਕ ਰਾਹੀਂ ਸੈਮੀ-ਰੀਅਲ-ਟਾਈਮ ਲੋਕੇਸ਼ਨ ਅੱਪਡੇਟ ਉਪਲਬਧ ਕਰਵਾਉਂਦਾ ਹੈ।
ਬੈਟਰੀ ਤੇ ਹੋਰ ਫੀਚਰਜ਼
JioTag 2 'ਚ ਰਿਪਲੇਸੇਬਲ ਬੈਟਰੀ ਮਿਲਦੀ ਹੈ, ਜਿਸਦੀ ਲਾਈਫ਼ ਇਕ ਸਾਲ ਤਕ ਦੱਸੀ ਜਾ ਰਹੀ ਹੈ। ਕੰਪਨੀ ਬਾਕਸ 'ਚ ਇਕ ਐਕਸਟ੍ਰਾ ਬੈਟਰੀ ਵੀ ਆਫ਼ਰ ਕਰ ਰਹੀ ਹੈ, ਇਸ ਲਈ ਇਸਨੂੰ ਵਾਰ-ਵਾਰ ਚਾਰਜ ਕਰਨ ਦੀ ਲੋੜ ਨਹੀਂ ਹੈ। ਇਸ ਤੋਂ ਇਲਾਵਾ ਡਿਵਾਈਸ ਨੂੰ IP64 ਰੇਟਿੰਗ ਮਿਲੀ ਹੈ ਜੋ ਇਸਨੂੰ ਧੂੜ ਅਤੇ ਪਾਣੀ ਦੇ ਛਿੱਟਿਆਂ ਤੋਂ ਸੁਰੱਖਿਅਤ ਬਣਾਉਂਦੀ ਹੈ।