Nokia ਦੇ ਨਵੇਂ ਫੀਚਰ ਫੋਨਾਂ ਦੀ ਮਾਰਕੀਟ 'ਚ ਐਂਟਰੀ, AI ਬਟਨ ਤੇ 13 ਦਿਨਾਂ ਦੇ ਜ਼ਬਰਦਸਤ ਬੈਕਅਪ ਨਾਲ ਹੈ ਲੈਸ; ਦੇਖੋ ਫੀਚਰਜ਼

ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Nokia 235 4G (2026), Nokia 215 4G (2026), Nokia 210 4G ਤੇ Nokia 200 4G ਫੀਚਰ ਫੋਨ ਚੋਣਵੇਂ ਗਲੋਬਲ ਮਾਰਕੀਟ 'ਚ ਲਾਂਚ ਕੀਤੇ ਗਏ ਹਨ। ਇਨ੍ਹਾਂ ਸਾਰੇ ਨਵੇਂ ਫੋਨਾਂ 'ਚ 4G ਕੁਨੈਕਟੀਵਿਟੀ ਹੈ ਤੇ ਇਹ S30+ ਆਪਰੇਟਿੰਗ ਸਿਸਟਮ 'ਤੇ ਚੱਲਦੇ ਹਨ। ਇਨ੍ਹਾਂ ਸਾਰੇ ਮਾਡਲਾਂ 'ਚ 1,450mAh ਦੀ ਬੈਟਰੀ ਤੇ 32GB ਤਕ ਫੈਲਾਉਣ ਯੋਗ ਸਟੋਰੇਜ ਸਪੋਰਟ ਹੈ। ਇਸ ਤੋਂ ਇਲਾਵਾ, ਇਹ ਫ਼ੋਨ ਐਫਐਮ ਰੇਡੀਓ ਨਾਲ ਲੈਸ ਹਨ ਜੋ ਵਾਇਰਡ ਤੇ ਵਾਇਰਲੈੱਸ ਮੋਡ 'ਚ ਕੰਮ ਕਰਦੇ ਹਨ। ਇਨ੍ਹਾਂ ਨਵੇਂ ਫੀਚਰ ਫੋਨਾਂ 'ਚ ਵੌਇਸ ਕਮਾਂਡ ਰਾਹੀਂ ਵੱਖ-ਵੱਖ ਫੀਚਰਜ਼ ਨੂੰ ਐਕਸੈਸ ਕਰਨ ਲਈ AI ਅਸਿਸਟੈਂਟ ਬਟਨ ਦਿੱਤਾ ਗਿਆ ਹੈ। ਡਿਸਪਲੇ ਦੀ ਗੱਲ ਕਰੀਏ ਤਾਂ ਨੋਕੀਆ 210 4ਜੀ ਅਤੇ ਨੋਕੀਆ 200 4ਜੀ 'ਚ 2.4-ਇੰਚ ਦੀ QVGA ਡਿਸਪਲੇ ਹੈ, ਜਦੋਂਕਿ ਨੋਕੀਆ 235 4G (2026) ਅਤੇ ਨੋਕੀਆ 215 4G (2026) 'ਚ ਇੱਕ ਵੱਡੀ 2.8-ਇੰਚ ਦੀ IPS ਡਿਸਪਲੇ ਹੈ।

ਇਨ੍ਹਾਂ ਚਾਰ ਨਵੇਂ ਨੋਕੀਆ ਫੋਨਾਂ ਦੀ ਕੀਮਤ ਤੇ ਉਪਲਬਧਤਾ ਦੇ ਵੇਰਵੇ ਅਜੇ ਸਾਹਮਣੇ ਨਹੀਂ ਆਏ ਹਨ। ਫਿਲਹਾਲ ਇਹ ਸਾਰੇ ਹੈਂਡਸੈੱਟ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਲਿਸਟ ਕੀਤੇ ਗਏ ਹਨ।

ਨੋਕੀਆ 235 4G (2026) ਦੀਆਂ ਵਿਸ਼ੇਸ਼ਤਾਵਾਂ

ਨੋਕੀਆ 235 4G (2026) 'ਚ QVGA ਰੈਜ਼ੋਲਿਊਸ਼ਨ ਵਾਲੀ 2.8-ਇੰਚ ਦੀ IPS ਡਿਸਪਲੇ ਹੈ। ਫੋਨ ਦੇ ਬੈਕ ਪੈਨਲ 'ਤੇ LED ਫਲੈਸ਼ ਦੇ ਨਾਲ 2 ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਸੈਲਫੀ ਲਈ ਇਸ 'ਚ VGA ਫਰੰਟ ਕੈਮਰਾ ਵੀ ਦਿੱਤਾ ਗਿਆ ਹੈ। ਇਹ ਫੋਨ S30+ ਆਪਰੇਟਿੰਗ ਸਿਸਟਮ 'ਤੇ ਕੰਮ ਕਰਦਾ ਹੈ ਅਤੇ ਇਸ 'ਚ 64MB ਰੈਮ ਅਤੇ 128MB ਇੰਟਰਨਲ ਸਟੋਰੇਜ ਹੈ, ਜਿਸ ਨੂੰ ਮਾਈਕ੍ਰੋਐੱਸਡੀ ਕਾਰਡ ਰਾਹੀਂ 32GB ਤਕ ਵਧਾਇਆ ਜਾ ਸਕਦਾ ਹੈ।

ਨੋਕੀਆ 215 4G (2026) ਦੀਆਂ ਸਪੈਸੀਫਿਕੇਸ਼ਨਜ਼

ਨੋਕੀਆ 215 4G (2026) ਵੀ ਨੋਕੀਆ 235 ਵਰਗਾ ਹੀ ਹੈ। ਇਸ ਵਿਚ QVGA ਰੈਜ਼ੋਲਿਊਸ਼ਨ, 1,450mAh ਰਿਮੂਵੇਬਲ ਬੈਟਰੀ ਅਤੇ S30+ ਆਪਰੇਟਿੰਗ ਸਿਸਟਮ ਨਾਲ 2.8-ਇੰਚ ਦੀ IPS ਡਿਸਪਲੇਅ ਵੀ ਹੈ। ਸੈਲਫੀ ਲਈ ਇਸ ਵਿਚ ਇਕ VGA ਫਰੰਟ ਕੈਮਰਾ ਵੀ ਹੈ। ਫੋਨ 'ਚ 64MB ਰੈਮ ਅਤੇ 128MB ਇੰਟਰਨਲ ਸਟੋਰੇਜ ਹੈ, ਜਿਸ ਨੂੰ ਮਾਈਕ੍ਰੋਐੱਸਡੀ ਕਾਰਡ ਨਾਲ 32GB ਤੱਕ ਵਧਾਇਆ ਜਾ ਸਕਦਾ ਹੈ। ਇਸ ਦੇ ਬਾਕੀ ਕਨੈਕਟੀਵਿਟੀ ਵਿਕਲਪ ਵੀ Nokia 235 4G (2026) ਦੇ ਸਮਾਨ ਹਨ।

ਇਹ ਮਾਡਲ ਵਾਇਰਡ ਤੇ ਵਾਇਰਲੈੱਸ ਮੋਡਜ਼ 'ਚ ਐਫਐਮ ਰੇਡੀਓ ਨੂੰ ਵੀ ਸਪੋਰਟ ਕਰਦਾ ਹੈ। ਇਸ ਵਿਚ ਮਲਟੀਪਲ GSM, WCDMA ਅਤੇ LTE ਬੈਂਡ ਦੇ ਨਾਲ 4G ਕੁਨੈਕਟੀਵਿਟੀ ਹੈ। ਇਸਦਾ ਆਕਾਰ 128.8 x 55 x 12.8mm ਅਤੇ ਭਾਰ 104 ਗ੍ਰਾਮ ਹੈ।

Nokia 210 4G ਤੇ Nokia 200 4G ਦੀਆਂ ਸਪੈਸੀਫਿਕੇਸ਼ਨਜ਼

ਨੋਕੀਆ 210 4G 'ਚ 2.4 ਇੰਚ ਦੀ QVGA ਡਿਸਪਲੇ ਹੈ। ਇਸ ਦੇ ਪਿਛਲੇ ਪੈਨਲ 'ਤੇ LED ਫਲੈਸ਼ ਦੇ ਨਾਲ VGA ਰੀਅਰ ਕੈਮਰਾ ਤੇ ਫਰੰਟ 'ਤੇ VGA ਸੈਲਫੀ ਕੈਮਰਾ ਹੈ। ਇਸ ਮਾਡਲ 'ਚ 64MB RAM ਅਤੇ 128MB ਅੰਦਰੂਨੀ ਸਟੋਰੇਜ ਵੀ ਹੈ, ਨਾਲ ਹੀ 32GB ਤਕ ਮਾਈਕ੍ਰੋਐੱਸਡੀ ਕਾਰਡ ਲਈ ਸਪੋਰਟ ਹੈ।

ਦੂਜੇ ਪਾਸੇ, ਨੋਕੀਆ 200 4G ਵੀ 2.4-ਇੰਚ ਦੀ QVGA ਡਿਸਪਲੇ ਤੇ ਇਕ VGA ਫਰੰਟ ਕੈਮਰਾ ਨਾਲ ਆਉਂਦਾ ਹੈ। ਇਹ ਫੋਨ S30+ ਆਪਰੇਟਿੰਗ ਸਿਸਟਮ 'ਤੇ ਚੱਲਦਾ ਹੈ ਤੇ ਇਸ ਵਿਚ 32GB ਤਕ ਦਾ ਮਾਈਕ੍ਰੋਐੱਸਡੀ ਕਾਰਡ ਲਗਾਇਆ ਜਾ ਸਕਦਾ ਹੈ।

ਨੋਕੀਆ 210 4ਜੀ ਅਤੇ ਨੋਕੀਆ 200 4ਜੀ ਦੋਵੇਂ ਸਮਾਨ 1,450mAh ਬੈਟਰੀ ਨਾਲ ਲੈਸ ਹਨ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਇਕ ਵਾਰ ਚਾਰਜ ਕਰਨ 'ਤੇ 9 ਘੰਟੇ ਤੱਕ ਦਾ ਟਾਕਟਾਈਮ ਅਤੇ 13 ਦਿਨਾਂ ਤੱਕ ਸਟੈਂਡਬਾਏ ਟਾਈਮ ਪ੍ਰਦਾਨ ਕਰ ਸਕਦਾ ਹੈ। ਕੁਨੈਕਟੀਵਿਟੀ ਲਈ ਇਨ੍ਹਾਂ ਵਿਚ Bluetooth 5.0, 3.5mm ਹੈੱਡਫੋਨ ਜੈਕ ਤੇ ਇਕ ਟਾਈਪ-ਸੀ ਪੋਰਟ ਦਿੱਤਾ ਗਿਆ ਹੈ। ਇਹ ਦੋਵੇਂ ਹੀ ਫ਼ੋਨ ਮਲਟੀਪਲ GSM, WCDMA ਤੇ LTE ਬੈਂਡਜ਼ 'ਤੇ 4G ਨੈੱਟਵਰਕ ਨੂੰ ਸਪੋਰਟ ਕਰਦੇ ਹਨ। ਇਨ੍ਹਾਂ ਵਿਚ ਵੀ, FM ਰੇਡੀਓ ਵਾਇਰਡ ਤੇ ਵਾਇਰਲੈੱਸ ਮੋਡਜ਼ 'ਚ ਸਪੋਰਟ ਦਿੱਤਾ ਗਿਆ ਹੈ।

ਸਾਈਜ਼ ਦੀ ਗੱਲ ਕਰੀਏ ਤਾਂ ਨੋਕੀਆ 210 4G ਦਾ ਡਾਇਮੈਂਸ਼ਨ 126.07 x 50.5 x 13.95mm ਤੇ ਭਾਰ 92.7 ਗ੍ਰਾਮ ਹੈ। ਇਸ ਦੇ ਨਾਲ ਹੀ, ਨੋਕੀਆ 200 4G ਇਕ ਸੰਖੇਪ ਡਿਜ਼ਾਈਨ 'ਚ ਆਉਂਦਾ ਹੈ ਜਿਸਦਾ ਆਕਾਰ 126.07 x 50.5 x 13.95mm ਅਤੇ ਭਾਰ 92.3 ਗ੍ਰਾਮ ਹੈ।

ਇਨ੍ਹਾਂ ਫੋਨਾਂ ਦਾ AI ਅਸਿਸਟੈਂਟ ਬਟਨ ਕਿਵੇਂ ਕਰਦਾ ਹੈ ਕੰਮ ?

ਨੋਕੀਆ 235 4ਜੀ (2026), ਨੋਕੀਆ 215 4ਜੀ (2026), ਨੋਕੀਆ 210 4ਜੀ ਅਤੇ ਨੋਕੀਆ 200 4ਜੀ ਵਿਚ ਇਕ ਸਮਰਪਿਤ AI ਅਸਿਸਟੈਂਟ ਬਟਨ ਦਿੱਤਾ ਗਿਆ ਹੈ। ਇਸ ਬਟਨ ਦੀ ਵਰਤੋਂ ਕਰਦੇ ਹੋਏ ਯੂਜ਼ਰ ਫੋਨ ਦੀ ਫਲੈਸ਼ਲਾਈਟ ਨੂੰ ਚਾਲੂ ਕਰ ਸਕਦੇ ਹਨ, ਰੀਮਾਈਂਡਰ ਤੇ ਅਲਾਰਮ ਕਲਾਕ ਸੈੱਟ ਕਰ ਸਕਦੇ ਹਨ, ਜਾਂ ਸਿਰਫ਼ ਉਨ੍ਹਾਂ ਦੇ ਵੌਇਸ ਕਮਾਂਡਾਂ ਦੀ ਵਰਤੋਂ ਕਰ ਕੇ ਉਨ੍ਹਾਂ ਦੀ ਕੰਟੈਕਟ ਲਿਸਟ 'ਚ ਕਿਸੇ ਨੂੰ ਵੀ ਕਾਲ ਕਰ ਸਕਦੇ ਹਨ।