ਵੈੱਬਸਾਈਟਾਂ ਦੇ ਵਾਰ-ਵਾਰ ਨੋਟੀਫਿਕੇਸ਼ਨ ਪੌਪ-ਅੱਪ ਤੋਂ ਮਿਲੇਗੀ ਰਾਹਤ ! Google Chrome 'ਚ ਆ ਰਿਹਾ ਹੈ ਨਵਾਂ UI ਅੱਪਡੇਟ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : Google ਐਂਡਰਾਇਡ 'ਤੇ ਕਰੋਮ ਯੂਜ਼ਰਜ਼ ਦੇ ਐਕਸਪੀਰੀਅੰਸ ਨੂੰ ਬਿਹਤਰ ਬਣਾਉਣ ਦੀ ਦਿਸ਼ਾ ਵਿਚ ਕੰਮ ਕਰਦਾ ਦਿਖ ਰਿਹਾ ਹੈ। ਕੰਪਨੀ ਨੇ ਕਨਫਰਮ ਕੀਤਾ ਹੈ ਕਿ ਉਹ ਇਕ ਨਵਾਂ ਰੀਡਿਜ਼ਾਈਨਡ ਨੋਟੀਫਿਕੇਸ਼ਨ ਪਰਮਿਸ਼ਨ ਇੰਟਰਫੇਸ ਲਿਆ ਰਹੀ ਹੈ। ਇਹ ਬਦਲਾਅ Chrome 155 ਵਰਜ਼ਨ ਤੋਂ ਰੋਲਆਊਟ ਹੋਣਾ ਸ਼ੁਰੂ ਹੋਵੇਗਾ। ਗੂਗਲ ਨੇ ਇਹ ਵੀ ਦਿਖਾਇਆ ਹੈ ਕਿ ਯੂਜ਼ਰਜ਼ ਲਈ ਇਹ ਅੱਪਡੇਟ ਕੈਹਾ ਦਿਸੇਗਾ। ਗੂਗਲ ਦੀ ਸਲਾਹ ਹੈ ਕਿ ਵੈੱਬਪੇਜ ਲੋਡ ਹੁੰਦੇ ਹੀ ਪਰਮਿਸ਼ਨ ਰਿਕਵੈਸਟ ਦਿਖਾਉਣ ਦੀ ਬਜਾਏ ਇਸ ਪ੍ਰੌਮਪਟ ਨੂੰ ਕਿਸੇ ਰੈਲੇਵੈਂਟ ਐਕਸ਼ਨ ਜਾਂ ਕਾਂਟੈਕਸਟ ਨਾਲ ਜੋੜਿਆ ਜਾਵੇ।

Android ਲਈ Chrome 155 ਨੂੰ ਮਿਲਿਆ ਨਵਾਂ ਨੋਟੀਫਿਕੇਸ਼ਨ ਪਰਮਿਸ਼ਨ UI

Chrome for Developers ਦੇ ਇੱਕ ਬਲੌਗ ਪੋਸਟ ਵਿੱਚ, ਗੂਗਲ ਨੇ ਐਲਾਨ ਕੀਤਾ ਕਿ ਉਹ ਵੈੱਬ ਬ੍ਰਾਊਜ਼ਿੰਗ ਦੌਰਾਨ ਵਾਰ-ਵਾਰ ਆਉਣ ਵਾਲੇ ਨੋਟੀਫਿਕੇਸ਼ਨ ਪ੍ਰੌਮਪਟ ਤੋਂ ਹੋਣ ਵਾਲੀ ਖਿਝ (ਝੁੰਝਲਾਹਟ) ਨੂੰ ਦੂਰ ਕਰਨ ਲਈ ਬਦਲਾਅ ਕਰ ਰਿਹਾ ਹੈ। ਐਂਡਰਾਇਡ 'ਤੇ ਕਰੋਮ 155 ਵਰਜਨ ਦੇ ਨਾਲ ਨਵਾਂ ਨੋਟੀਫਿਕੇਸ਼ਨ ਯੂਜ਼ਰ ਐਕਸਪੀਰੀਅੰਸ ਮਿਲਣਾ ਸ਼ੁਰੂ ਹੋਵੇਗਾ। ਫਿਲਹਾਲ Play Store 'ਤੇ Android ਲਈ Google Chrome 150 ਉਪਲਬਧ ਹੈ।

ਗੂਗਲ ਦਾ ਕਹਿਣਾ ਹੈ ਕਿ ਐਂਡਰਾਇਡ 'ਤੇ ਕਰੋਮ ਲਈ ਰੀਡਿਜ਼ਾਈਨ ਕੀਤੇ ਗਏ ਨੋਟੀਫਿਕੇਸ਼ਨ ਪਰਮਿਸ਼ਨ ਇੰਟਰਫੇਸ 'ਚ 'ਘੱਟ ਦਖਲ ਦੇਣ ਵਾਲਾ UI ਦਿੱਤਾ ਗਿਆ ਹੈ, ਜੋ ਪੁਰਾਣੇ ਵਰਜਨ ਦੀ ਤਰ੍ਹਾਂ ਹੀ ਆਸਾਨ ਹੈ ਪਰ ਯੂਜ਼ਰ ਫ੍ਰਿਕਸ਼ਨ ਨੂੰ ਕਾਫੀ ਘੱਟ ਕਰਦਾ ਹੈ।' ਕੰਪਨੀ ਨੋਟ ਕਰਦੀ ਹੈ ਕਿ ਇਹ ਬਦਲਾਅ ਯੂਜ਼ਰਜ਼ ਨੂੰ ਬਿਨਾਂ ਕੰਮ ਰੋਕੇ ਕਿਸੇ ਵੀ ਸਾਈਟ ਦੇ ਨੋਟੀਫਿਕੇਸ਼ਨ ਸਬਸਕ੍ਰਾਈਬ ਕਰਨ ਬਾਰੇ ਸਹੀ ਫੈਸਲਾ ਲੈਣ 'ਚ ਮਦਦ ਕਰਦਾ ਹੈ।

ਇਸ ਦੇ ਲਈ ਗੂਗਲ ਨੇ ਕਰੋਮ ਦੇ Site Controls ਮੈਨਿਊ ਦੇ ਅੰਦਰ ਇਕ ਨਵਾਂ ਡੈਡੀਕੇਟਿਡ ਨੋਟੀਫਿਕੇਸ਼ਨ ਸਬਸਕ੍ਰਿਪਸ਼ਨ ਆਪਸ਼ਨ ਜੋੜਿਆ ਹੈ। ਬਲੌਗ ਪੋਸਟ 'ਚ ਇਕ ਸਕ੍ਰੀਨਸ਼ਾਟ ਸ਼ਾਮਲ ਹੈ ਜੋ ਇਸ ਆਪਸ਼ਨ ਨੂੰ ਦਿਖਾਉਂਦਾ ਹੈ। ਇਸ ਅੱਪਡੇਟ ਦੇ ਨਾਲ, ਜੋ ਯੂਜ਼ਰਜ਼ ਕਿਸੇ ਵੈੱਬਸਾਈਟ ਵੱਲੋਂ ਪਹਿਲੀ ਵਾਰ ਪ੍ਰੌਮਪਟ ਦਿਖਾਏ ਜਾਣ 'ਤੇ ਤੁਰੰਤ ਜਵਾਬ ਨਹੀਂ ਦੇਣਾ ਚਾਹੁੰਦੇ, ਉਹ ਬਾਅਦ 'ਚ Site Controls ਇੰਟਰਫੇਸ 'ਚ ਜਾ ਕੇ ਸਬਸਕ੍ਰਾਈਬ ਕਰ ਸਕਦੇ ਹਨ। ਇਸ ਨਾਲ ਯੂਜ਼ਰਜ਼ ਨੂੰ ਬ੍ਰਾਊਜ਼ਿੰਗ 'ਚ ਜ਼ਿਆਦਾ ਫਲੈਕਸੀਬਿਲਟੀ ਮਿਲਣ ਦੀ ਉਮੀਦ ਹੈ।

ਗੂਗਲ ਨੇ ਇਹ ਵੀ ਨੋਟ ਕੀਤਾ ਕਿ ਜੇਕਰ ਯੂਜ਼ਰਜ਼ ਕੋਈ ਰਿਸਪੌਂਸ ਨਹੀਂ ਦਿੰਦੇ ਹਨ, ਤਾਂ ਨਵਾਂ ਨਾਨ-ਬਲਾਕਿੰਗ ਨੋਟੀਫਿਕੇਸ਼ਨ ਪ੍ਰੌਮਪਟ ਆਪਣੇ ਆਪ ਐਕਸਪਾਇਰ ਹੋ ਜਾਵੇਗਾ। ਇਸ ਦੇ ਚਲਦੇ ਡਿਵੈਲਪਰਸ ਨੂੰ ਉਸ ਕੋਡ ਵਿੱਚ ਬਦਲਾਅ ਕਰਨਾ ਪੈ ਸਕਦਾ ਹੈ ਜੋ ਪਰਮਿਸ਼ਨ ਮਿਲਣ ਦੀ ਜਾਂਚ ਕਰਦਾ ਹੈ।

ਗੂਗਲ ਨੇ ਡਿਵੈਲਪਰਜ਼ ਤੋਂ ਯੂਜ਼ਰ ਐਂਗੇਜਮੈਂਟ ਵਧਾਉਣ ਲਈ ਪ੍ਰੌਮਪਟਸ ਨੂੰ ਸਹੀ ਕਾਂਟੈਕਸਟ ਨਾਲ ਜੋੜਨ ਦੀ ਰਿਕਵੈਸਟ ਕੀਤੀ ਹੈ। ਟੈੱਕ ਦਿੱਗਜ ਨੇ ਡਿਵੈਲਪਰਸ ਲਈ ਕੁਝ ਉਦਾਹਰਨਾਂ ਵੀ ਦਿੱਤੀਆਂ ਹਨ। ਜਿਵੇਂ ਕਿ ਕੋਈ ਈ-ਕਾਮਰਸ ਸਾਈਟ ਆਰਡਰ ਦੇਣ ਦੇ ਤੁਰੰਤ ਬਾਅਦ ਡਿਲਿਵਰੀ ਅੱਪਡੇਟ ਲਈ ਨੋਟੀਫਿਕੇਸ਼ਨ ਪਰਮਿਸ਼ਨ ਮੰਗ ਸਕਦੀ ਹੈ। ਇਸੇ ਤਰ੍ਹਾਂ, ਕੋਈ ਨਿਊਜ਼ ਵੈੱਬਸਾਈਟ ਯੂਜ਼ਰਜ਼ ਦੁਆਰਾ ਕਈ ਖਬਰਾਂ ਪੜ੍ਹਨ ਤੋਂ ਬਾਅਦ ਟੌਪਿਕ ਅਲਰਟ ਦਾ ਸੁਝਾਅ ਦੇ ਸਕਦੀ ਹੈ ਜਾਂ ਟ੍ਰੈਵਲ ਸਾਈਟਾਂ ਕਿਸੇ ਖਾਸ ਫਲਾਈਟ ਨੂੰ ਸਰਚ ਕਰਨ ਤੋਂ ਬਾਅਦ ਫੇਅਰ ਅਲਰਟ ਲਈ ਪ੍ਰੌਮਪਟ ਦਿਖਾ ਸਕਦੀਆਂ ਹਨ।