- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Maruti eVitara ਦੀ ਕੀਮਤ ’ਚ ਹੋਇਆ ਵਾਧਾ, ਕਿਹੜਾ ਵੇਰੀਐਂਟ ਖ਼ਰੀਦਣਾ ਕਿੰਨਾ ਮਹਿੰਗਾ ਹੋਇਆ
ਵਾਹਨ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਵੱਲੋਂ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਇਲੈਕਟ੍ਰਿਕ SUV ਵਜੋਂ 'Maruti eVitara' ਨੂੰ ਪੇਸ਼ ਕੀਤਾ ਜਾਂਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਇਸ SUV ਦੀ ਕੀਮਤ ਵਧਾ ਦਿੱਤੀ ਗਈ ਹੈ। ਇਸ ਦੀ ਕੀਮਤ ਵਿੱਚ ਕਿੰਨਾ ਵਾਧਾ ਹੋਇਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
Posted By Anuradha Bains
Publish Date: Mon, 22 Jun 2026 04:17 PM (IST)
Updated Date: Mon, 22 Jun 2026 04:20 PM (IST)
ਆਟੋ ਡੈਸਕ, ਨਵੀਂ ਦਿੱਲੀ। ਵਾਹਨ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਵੱਲੋਂ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਇਲੈਕਟ੍ਰਿਕ SUV ਵਜੋਂ 'Maruti eVitara' ਨੂੰ ਪੇਸ਼ ਕੀਤਾ ਜਾਂਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਇਸ SUV ਦੀ ਕੀਮਤ ਵਧਾ ਦਿੱਤੀ ਗਈ ਹੈ। ਇਸ ਦੀ ਕੀਮਤ ਵਿੱਚ ਕਿੰਨਾ ਵਾਧਾ ਹੋਇਆ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
ਮਹਿੰਗੀ ਹੋਈ Maruti eVitara
ਮਾਰੂਤੀ ਵੱਲੋਂ 'ਈ ਵਿਟਾਰਾ' ਨੂੰ ਭਾਰਤੀ ਬਾਜ਼ਾਰ ਵਿੱਚ ਮਿਡ-ਸਾਈਜ਼ ਇਲੈਕਟ੍ਰਿਕ SUV ਵਜੋਂ ਪੇਸ਼ ਕੀਤਾ ਜਾਂਦਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਇਸ SUV ਦੀ ਕੀਮਤ ਵਿੱਚ ਵਾਧਾ ਕਰ ਦਿੱਤਾ ਗਿਆ ਹੈ, ਪਰ ਇਸ ਦੀ ਰਸਮੀ ਜਾਣਕਾਰੀ ਅਜੇ ਨਿਰਮਾਤਾ ਵੱਲੋਂ ਨਹੀਂ ਦਿੱਤੀ ਗਈ ਹੈ।
ਕਿੰਨੀ ਵਧੀ ਕੀਮਤ?
ਜਾਣਕਾਰੀ ਮੁਤਾਬਕ, ਇਸ SUV ਦੀ ਕੀਮਤ ਵਿੱਚ 30 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਇਹ ਵਾਧਾ ਇਸ SUV ਦੇ ਵੱਖ-ਵੱਖ ਵੇਰੀਐਂਟਸ 'ਤੇ ਵੱਖ-ਵੱਖ ਹਿਸਾਬ ਨਾਲ ਕੀਤਾ ਗਿਆ ਹੈ।
ਬੇਸ ਵੇਰੀਐਂਟ ਦੀ ਕੀਮਤ ਕਿੰਨੀ ਵਧੀ?
ਨਿਰਮਾਤਾ ਵੱਲੋਂ ਇਸ SUV ਦੇ ਬੇਸ ਵੇਰੀਐਂਟ ਦੀ ਕੀਮਤ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ। ਇਸ ਤੋਂ ਬਾਅਦ ਪੇਸ਼ ਕੀਤੇ ਜਾਣ ਵਾਲੇ 'ਜ਼ੇਟਾ' ਵੇਰੀਐਂਟ ਦੀ ਕੀਮਤ ਵਿੱਚ ਸਭ ਤੋਂ ਵੱਧ 30 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
ਟੌਪ ਵੇਰੀਐਂਟ ਦੀ ਕੀਮਤ ਕਿੰਨੀ ਵਧੀ?
SUV ਦੇ ਟੌਪ ਵੇਰੀਐਂਟ 'ਅਲਫ਼ਾ' ਅਤੇ 'ਅਲਫ਼ਾ ਡਿਊਲ ਟੋਨ' ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ ਵਿੱਚ 20 ਹਜ਼ਾਰ ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
ਫੀਚਰਸ ਕਿਹੋ ਜਿਹੇ ਹਨ?
ਨਿਰਮਾਤਾ ਵੱਲੋਂ ਇਸ SUV ਵਿੱਚ ਕਈ ਸ਼ਾਨਦਾਰ ਫੀਚਰਸ ਦਿੱਤੇ ਗਏ ਹਨ। ਕੰਪਨੀ ਵੱਲੋਂ ਇਸ ਵਿੱਚ ਪੈਨੋਰਮਿਕ ਸਨਰੂਫ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ, ਵੈਂਟੀਲੇਟਿਡ ਫਰੰਟ ਸੀਟਾਂ, LED ਹੈੱਡਲਾਈਟਸ, LED ਟੇਲ ਲਾਈਟਸ, ਐਂਬੀਐਂਟ ਲਾਈਟ ਅਤੇ ਡਿਊਲ ਟੋਨ ਇੰਟੀਰੀਅਰ ਵਰਗੇ ਫੀਚਰਸ ਦਿੱਤੇ ਗਏ ਹਨ। ਸੁਰੱਖਿਆ ਲਈ ਇਸ SUV ਵਿੱਚ ਨਿਰਮਾਤਾ ਵੱਲੋਂ 7 ਏਅਰਬੈਗ, 360-ਡਿਗਰੀ ਕੈਮਰਾ, ਆਟੋ-ਹੋਲਡ ਦੇ ਨਾਲ ਇਲੈਕਟ੍ਰਾਨਿਕ ਪਾਰਕਿੰਗ ਬ੍ਰੇਕ ਅਤੇ ਲੈਵਲ 2 ADAS ਵਰਗੇ ਕਈ ਫੀਚਰਸ ਦਿੱਤੇ ਗਏ ਹਨ।
ਰੇਂਜ ਕਿੰਨੀ ਹੈ?
ਮਾਰੂਤੀ ਵੱਲੋਂ eVitara ਨੂੰ ਇੱਕ ਤੋਂ ਵੱਧ ਬੈਟਰੀ ਆਪਸ਼ਨਾਂ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਵਿੱਚ 49KWh ਅਤੇ 61 kWh ਦੀ ਸਮਰੱਥਾ ਵਾਲੇ ਬੈਟਰੀ ਪੈਕ ਦਿੱਤੇ ਗਏ ਹਨ, ਜਿਸ ਨਾਲ ਇਹ ਸਿੰਗਲ ਚਾਰਜ ਵਿੱਚ 543 ਕਿਲੋਮੀਟਰ ਤੋਂ ਵੱਧ ਦੀ ਰੇਂਜ ਦਿੰਦੀ ਹੈ। ਇਸ ਵਿੱਚ ਦਿੱਤੀ ਗਈ ਮੋਟਰ ਨਾਲ ਇਸ ਨੂੰ ਵੱਧ ਤੋਂ ਵੱਧ 128 ਕਿਲੋਵਾਟ ਦੀ ਪਾਵਰ ਅਤੇ 193 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ।
ਹੁਣ ਕਿੰਨੀ ਹੋਈ ਕੀਮਤ?
ਮਾਰੂਤੀ ਵੱਲੋਂ ਇਸ SUV ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 16 ਲੱਖ ਰੁਪਏ ਹੈ, ਜਦਕਿ ਇਸ ਦੇ ਟੌਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 20.21 ਲੱਖ ਰੁਪਏ ਹੈ।