ਹੁਣ UK ਦੀਆਂ ਸੜਕਾਂ 'ਤੇ ਦੌੜਨਗੀਆਂ ਭਾਰਤ 'ਚ ਬਣੀਆਂ ਇਹ 3 ਇਲੈਕਟ੍ਰਿਕ SUV, 656 ਕਿਲੋਮੀਟਰ ਦੀ ਰੇਂਜ ਤੇ ਪ੍ਰੀਮੀਅਮ ਫੀਚਰਜ਼ ਨਾਲ ਲੈਸ

ਆਟੋ ਡੈਸਕ, ਨਵੀਂ ਦਿੱਲੀ। ਮਹਿੰਦਰਾ (Mahindra) ਬ੍ਰਿਟੇਨ ਦੇ ਪੈਸੰਜਰ ਕਾਰ ਬਾਜ਼ਾਰ ਵਿੱਚ ਆਪਣੀਆਂ ਤਿੰਨ ਇਲੈਕਟ੍ਰਿਕ SUV—BE 6, XEV 9e ਅਤੇ ਆਉਣ ਵਾਲੀ BE 07—ਦੇ ਨਾਲ ਐਂਟਰੀ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਸੇ ਤਹਿਤ ਕੰਪਨੀ ਉੱਥੋਂ ਦੇ ਗਾਹਕਾਂ ਦਾ ਰੁਝਾਨ ਜਾਣਨ ਲਈ ਪਹਿਲਾਂ ਹੀ ਕਸਟਮਰ ਕਲੀਨਿਕ (Customer Clinics) ਕਰਵਾ ਚੁੱਕੀ ਹੈ। ਇਸ ਲਾਈਨਅੱਪ ਵਿੱਚ ਸਭ ਤੋਂ ਪਹਿਲਾਂ BE 6 ਦੇ ਲਾਂਚ ਹੋਣ ਦੀ ਉਮੀਦ ਹੈ। ਹਾਲਾਂਕਿ, ਮਹਿੰਦਰਾ ਨੇ ਅਜੇ ਤੱਕ ਬ੍ਰਿਟੇਨ ਵਿੱਚ ਇਨ੍ਹਾਂ ਦੀਆਂ ਕੀਮਤਾਂ, ਡੀਲਰਸ਼ਿਪ ਦੀਆਂ ਲੋਕੇਸ਼ਨਾਂ ਜਾਂ ਲਾਂਚ ਦੀ ਤਾਰੀਖ ਬਾਰੇ ਕੋਈ ਐਲਾਨ ਨਹੀਂ ਕੀਤਾ ਹੈ।

ਇੰਗਲੈਂਡ ਵਿੱਚ ਹੋਇਆ ਸੀ ਡਿਜ਼ਾਈਨ

ਭਾਵੇਂ ਮਹਿੰਦਰਾ ਦੀਆਂ BE 6 ਅਤੇ XEV 9e ਇਲੈਕਟ੍ਰਿਕ SUV ਭਾਰਤ ਵਿੱਚ ਬਣਾਈਆਂ ਜਾਂਦੀਆਂ ਹਨ, ਪਰ ਇਨ੍ਹਾਂ ਨੂੰ ਇੰਗਲੈਂਡ ਵਿੱਚ ਤਿਆਰ ਅਤੇ ਡਿਜ਼ਾਈਨ ਕੀਤਾ ਗਿਆ ਸੀ। ਸਾਲ 2027 ਦੇ ਨੇੜੇ ਆਉਂਦਿਆਂ ਮਹਿੰਦਰਾ ਹੁਣ ਗਲੋਬਲ ਬਾਜ਼ਾਰ ਵਿੱਚ ਆਪਣੀ ਪਕੜ ਮਜ਼ਬੂਤ ਕਰਨ ਵੱਲ ਕਦਮ ਵਧਾ ਰਹੀ ਹੈ।

ਮੀਡੀਆ ਰਿਪੋਰਟਾਂ ਮੁਤਾਬਕ, ਮਹਿੰਦਰਾ ਦੀਆਂ ਤਿੰਨ ਇਲੈਕਟ੍ਰਿਕ SUV, ਜਿਨ੍ਹਾਂ ਵਿੱਚੋਂ ਦੋ ਪਹਿਲਾਂ ਹੀ ਭਾਰਤ ਵਿੱਚ ਲਾਂਚ ਹੋ ਚੁੱਕੀਆਂ ਹਨ, ਬ੍ਰਿਟੇਨ ਵਿੱਚ ਐਂਟਰੀ ਕਰ ਸਕਦੀਆਂ ਹਨ।

ਕਦੋਂ ਤੱਕ ਹੋ ਸਕਦੀਆਂ ਹਨ ਲਾਂਚ?

ਮੀਡੀਆ ਰਿਪੋਰਟਾਂ ਮੁਤਾਬਕ, ਮਹਿੰਦਰਾ BE 6 ਅਤੇ XEV 9e ਨੂੰ ਬ੍ਰਿਟੇਨ ਵਿੱਚ ਸਾਲ 2027 ਦੌਰਾਨ ਲਾਂਚ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ, ਉੱਥੋਂ ਦੇ ਨਿਯਮਾਂ ਅਤੇ ਸਰਟੀਫਿਕੇਸ਼ਨ ਦੀਆਂ ਲੋੜਾਂ ਨੂੰ ਦੇਖਦੇ ਹੋਏ ਇਨ੍ਹਾਂ ਦੀ ਲਾਂਚਿੰਗ 2028 ਤੱਕ ਵੀ ਟਲ ਸਕਦੀ ਹੈ।

ਉੱਥੇ ਹੀ BE 07 ਨੂੰ ਬਾਅਦ ਵਿੱਚ ਲਾਂਚ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ, ਬ੍ਰਿਟੇਨ ਅਤੇ ਯੂਰਪੀ ਸੰਘ (EU) ਵਿੱਚ XEV 9S ਦੇ ਆਉਣ ਦੀ ਉਮੀਦ ਘੱਟ ਹੈ, ਕਿਉਂਕਿ ਉੱਥੇ ਤਿੰਨ ਕਤਾਰਾਂ ਵਾਲੀਆਂ ਸੀਟਾਂ (Three-Row Seating) ਵਾਲੀਆਂ ਗੱਡੀਆਂ ਦੀ ਮੰਗ ਮੁਕਾਬਲਤਨ ਘੱਟ ਦੱਸੀ ਜਾਂਦੀ ਹੈ।

ਕਿੰਨੀਆਂ ਹੋ ਸਕਦੀਆਂ ਹਨ ਕੀਮਤਾਂ?

• Mahindra BE 6: ਇਸ ਇਲੈਕਟ੍ਰਿਕ SUV ਦੀ ਬ੍ਰਿਟੇਨ ਵਿੱਚ ਕੀਮਤ ਲਗਭਗ 41,000 ਬ੍ਰਿਟਿਸ਼ ਪੌਂਡ (ਕਰੀਬ 51 ਲੱਖ ਰੁਪਏ) ਹੋ ਸਕਦੀ ਹੈ।

• Mahindra XEV 9e: ਇਸ ਇਲੈਕਟ੍ਰਿਕ SUV ਦੀ ਕੀਮਤ ਲਗਭਗ 48,000 ਬ੍ਰਿਟਿਸ਼ ਪੌਂਡ (ਕਰੀਬ 60 ਲੱਖ ਰੁਪਏ) ਹੋ ਸਕਦੀ ਹੈ।

• Mahindra BE 07: ਇਸ ਲਿਸਟ ਵਿੱਚ ਤੀਜੀ ਗੱਡੀ BE 07 ਹੈ, ਜਿਸ ਦੀ ਕੀਮਤ ਲਗਭਗ 52,000 ਬ੍ਰਿਟਿਸ਼ ਪੌਂਡ (ਕਰੀਬ 65 ਲੱਖ ਰੁਪਏ) ਹੋਣ ਦਾ ਅਨੁਮਾਨ ਹੈ।

ਇਹ ਸਾਰੀਆਂ ਕੀਮਤਾਂ ਸ਼ੁਰੂਆਤੀ ਅਨੁਮਾਨ ਹਨ। ਵੱਖ-ਵੱਖ ਵੈਰੀਐਂਟ ਅਤੇ ਫੀਚਰਜ਼ ਬਾਰੇ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਇਸ ਸਬੰਧੀ ਹੋਰ ਜਾਣਕਾਰੀ ਲਾਂਚ ਦੇ ਸਮੇਂ ਮਿਲਣ ਦੀ ਉਮੀਦ ਹੈ।

ਗੱਡੀਆਂ ਦੀ ਬੈਟਰੀ ਅਤੇ ਰੇਂਜ

Mahindra BE 6: ਇਸ ਇਲੈਕਟ੍ਰਿਕ SUV ਵਿੱਚ ਵੈਰੀਐਂਟ ਦੇ ਹਿਸਾਬ ਨਾਲ 59 kWh, 70 kWh ਅਤੇ 79 kWh ਦੇ ਬੈਟਰੀ ਪੈਕ ਦੇ ਵਿਕਲਪ ਮਿਲਦੇ ਹਨ। ਕੰਪਨੀ ਮੁਤਾਬਕ, ਇਸ ਦੇ 79 kWh ਵਾਲੇ BE 6 SPORTEQ ਵੈਰੀਐਂਟ ਦੀ MIDC ਸਰਟੀਫਾਈਡ ਰੇਂਜ 708 ਕਿਲੋਮੀਟਰ ਤੱਕ ਹੈ।

Mahindra XEV 9e: ਇਸ SUV ਵਿੱਚ 59 kWh ਅਤੇ 79 kWh ਦੇ ਬੈਟਰੀ ਪੈਕ ਦੇ ਵਿਕਲਪ ਦਿੱਤੇ ਗਏ ਹਨ। ਕੰਪਨੀ ਵੱਲੋਂ ਦੱਸੀ ਗਈ ਇਸ ਦੀ ਕਲੇਮਡ ਰੇਂਜ 656 ਕਿਲੋਮੀਟਰ ਤੱਕ ਹੈ।

ਧਿਆਨ ਦੇਣ ਵਾਲੀ ਗੱਲ ਹੈ ਕਿ ਇਹ ਰੇਂਜ ਦੇ ਅੰਕੜੇ ਭਾਰਤ ਦੀ ਘਰੇਲੂ MIDC ਟੈਸਟ ਸਾਈਕਲ 'ਤੇ ਆਧਾਰਿਤ ਹਨ, ਨਾ ਕਿ ਬ੍ਰਿਟੇਨ ਦੀ WLTP ਟੈਸਟਿੰਗ ਰੇਟਿੰਗ 'ਤੇ। ਇਸ ਲਈ ਬ੍ਰਿਟੇਨ ਵਿੱਚ ਲਾਂਚ ਹੋਣ ਵਾਲੀਆਂ ਗੱਡੀਆਂ ਦੇ ਫੀਚਰਜ਼, ਸਰਟੀਫਿਕੇਸ਼ਨ ਅਤੇ ਰੇਂਜ ਦੇ ਅੰਕੜਿਆਂ ਵਿੱਚ ਫਰਕ ਹੋ ਸਕਦਾ ਹੈ।

ਕਦੋਂ ਲਾਂਚ ਹੋਵੇਗੀ Mahindra BE 07?

ਤੀਜਾ ਮਾਡਲ BE 07 ਹੈ, ਜਿਸ ਨੂੰ ਅਜੇ ਭਾਰਤ ਵਿੱਚ ਵੀ ਲਾਂਚ ਨਹੀਂ ਕੀਤਾ ਗਿਆ ਹੈ। ਮਹਿੰਦਰਾ ਇਸ ਨੂੰ ਸਾਲ 2027 ਵਿੱਚ ਲਾਂਚ ਕਰ ਸਕਦੀ ਹੈ।

ਇਸ ਇਲੈਕਟ੍ਰਿਕ SUV ਦੇ ਫਾਈਨਲ ਡਿਜ਼ਾਈਨ, ਬੈਟਰੀ ਸੈੱਟਅੱਪ, ਕੀਮਤ ਅਤੇ ਹੋਰ ਤਕਨੀਕੀ ਵਿਸ਼ੇਸ਼ਤਾਵਾਂ ਬਾਰੇ ਕੰਪਨੀ ਵੱਲੋਂ ਅਜੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।

ਭਾਰਤ ਵਿੱਚ ਕਿੰਨੀ ਹੈ ਕੀਮਤ?

ਹੇਠਾਂ ਦਿੱਤੀ ਸਾਰਣੀ ਵਿੱਚ ਮਹਿੰਦਰਾ BE 6 ਅਤੇ XEV 9e ਦੇ ਵੱਖ-ਵੱਖ ਵੈਰੀਐਂਟਾਂ ਦੀਆਂ ਲਗਭਗ ਐਕਸ-ਸ਼ੋਰੂਮ ਕੀਮਤਾਂ ਦਿੱਤੀਆਂ ਗਈਆਂ ਹਨ।

Mahindra BE 6

Mahindra XEV 9e