- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੀ ਮੁੜ ਵਾਪਸੀ ਕਰ ਰਿਹਾ ਹੈ Orkut? ਫਾਊਂਡਰ ਨੇ ਯੂਜ਼ਰਜ਼ ਤੋਂ ਮੰਗਿਆ ਸਾਥ, ਕਿਹਾ- ਐਲਗੋਰਿਦਮ ਨਹੀਂ, ਅਸਲ ਦੋਸਤੀ ਹੋਵੇਗੀ ਤਰਜੀਹ
Büyükkökten ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਕ ਪੋਸਟ ਸਾਂਝੀ ਕਰਕੇ ਲੋਕਾਂ ਨੂੰ ਇਸ ਪਹਿਲ ਦਾ ਸਮਰਥਨ ਕਰਨ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਇੰਟਰਨੈੱਟ ਲੋਕਾਂ ਨੂੰ ਦੋਸਤ ਬਣਾਉਣ, ਭਾਈਚਾਰੇ ਨਾਲ ਜੁੜਨ ਅਤੇ ਆਪਣੇਪਣ ਦਾ ਅਹਿਸਾਸ ਕਰਨ 'ਚ ਮਦਦ ਕਰਨ ਵਾਲਾ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਯੂਜ਼ਰਜ਼ ਨੂੰ ਅਧਿਕਾਰਤ ਵੈੱਬਸਾਈਟ orkut.com 'ਤੇ ਆਪਣਾ ਨਾਂ ਦਰਜ ਕਰਨ ਅਤੇ ਆਪਣੇ ਸਪੋਰਟਰ ਕਾਰਡ ਦੋਸਤਾਂ ਨਾਲ ਸਾਂਝੇ ਕਰਨ ਦੀ ਅਪੀਲ ਕੀਤੀ।
Posted By Seema Anand
Publish Date: Sat, 10 Oct 2026 03:26 PM (IST)
Updated Date: Sat, 10 Oct 2026 03:29 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : 2000 ਦੇ ਦਹਾਕੇ ਦਾ ਬੇਹੱਦ ਮਸ਼ਹੂਰ ਸੋਸ਼ਲ ਨੈੱਟਵਰਕਿੰਗ ਪਲੇਟਫਾਰਮ Orkut ਇਕ ਵਾਰ ਫਿਰ ਵਾਪਸੀ ਕਰ ਸਕਦਾ ਹੈ। ਇਸ ਦੇ ਫਾਊਂਡਰ Orkut Büyükkökten ਨੇ ਇੰਟਰਨੈੱਟ ਯੂਜ਼ਰਜ਼ ਨੂੰ ਇਸ ਪਲੇਟਫਾਰਮ ਨੂੰ ਮੁੜ ਸ਼ੁਰੂ ਕਰਨ ਦੀ ਆਪਣੀ ਯੋਜਨਾ ਦਾ ਸਮਰਥਨ ਕਰਨ ਦੀ ਅਪੀਲ ਕੀਤੀ ਹੈ। ਇਸ ਨਵੇਂ ਉਪਰਾਲੇ ਦਾ ਮੁੱਖ ਉਦੇਸ਼ ਦੋਸਤੀ, ਭਾਈਚਾਰੇ ਅਤੇ ਅਸਲ ਮਨੁੱਖੀ ਸਬੰਧਾਂ ਨੂੰ ਉਤਸ਼ਾਹਿਤ ਕਰਨਾ ਹੋਵੇਗਾ। ਹਾਲਾਂਕਿ, ਫਿਲਹਾਲ ਇਸ ਦੀ ਵਾਪਸੀ ਲਈ ਕਿਸੇ ਲਾਂਚ ਤਰੀਕ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ।
ਵੀਰਵਾਰ ਨੂੰ Büyükkökten ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇਕ ਪੋਸਟ ਸਾਂਝੀ ਕਰਕੇ ਲੋਕਾਂ ਨੂੰ ਇਸ ਪਹਿਲ ਦਾ ਸਮਰਥਨ ਕਰਨ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਇੰਟਰਨੈੱਟ ਲੋਕਾਂ ਨੂੰ ਦੋਸਤ ਬਣਾਉਣ, ਭਾਈਚਾਰੇ ਨਾਲ ਜੁੜਨ ਅਤੇ ਆਪਣੇਪਣ ਦਾ ਅਹਿਸਾਸ ਕਰਨ 'ਚ ਮਦਦ ਕਰਨ ਵਾਲਾ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਯੂਜ਼ਰਜ਼ ਨੂੰ ਅਧਿਕਾਰਤ ਵੈੱਬਸਾਈਟ orkut.com 'ਤੇ ਆਪਣਾ ਨਾਂ ਦਰਜ ਕਰਨ ਅਤੇ ਆਪਣੇ ਸਪੋਰਟਰ ਕਾਰਡ ਦੋਸਤਾਂ ਨਾਲ ਸਾਂਝੇ ਕਰਨ ਦੀ ਅਪੀਲ ਕੀਤੀ।
Orkut ਇੰਟਰਨੈੱਟ ਦੇ ਸ਼ੁਰੂਆਤੀ ਦੌਰ ਦੀ ਇਕ ਸੋਸ਼ਲ ਨੈੱਟਵਰਕਿੰਗ ਸੇਵਾ ਸੀ, ਜਿਸ ਨੂੰ ਗੂਗਲ ਦੇ ਇੰਜੀਨੀਅਰ Orkut Büyükkökten ਨੇ ਬਣਾਇਆ ਸੀ ਅਤੇ ਗੂਗਲ ਵੱਲੋਂ ਚਲਾਇਆ ਜਾਂਦਾ ਸੀ। ਜਨਵਰੀ 2004 'ਚ ਸ਼ੁਰੂ ਹੋਣ ਤੋਂ ਬਾਅਦ ਇਹ ਭਾਰਤ ਅਤੇ ਬ੍ਰਾਜ਼ੀਲ ਵਰਗੇ ਦੇਸ਼ਾਂ 'ਚ ਕਾਫ਼ੀ ਮਸ਼ਹੂਰ ਹੋ ਗਿਆ ਸੀ।
ਯੂਜ਼ਰਜ਼ ਇੱਥੇ ਪ੍ਰੋਫਾਈਲਾਂ, ਕਮਿਊਨਿਟੀਆਂ, ਟੈਸਟੀਮੋਨੀਅਲਜ਼ ਅਤੇ ਦੋਸਤਾਂ ਦੇ ਨੈੱਟਵਰਕ ਰਾਹੀਂ ਇਕ-ਦੂਜੇ ਨਾਲ ਜੁੜਦੇ ਸਨ। ਹਾਲਾਂਕਿ, Facebook ਅਤੇ Instagram ਵਰਗੇ ਹੋਰ ਸੋਸ਼ਲ ਨੈੱਟਵਰਕਿੰਗ ਪਲੇਟਫਾਰਮਾਂ ਦੀ ਵਧਦੀ ਪ੍ਰਸਿੱਧੀ ਦੇ ਵਿਚਕਾਰ ਗੂਗਲ ਨੇ ਸਤੰਬਰ 2014 'ਚ Orkut ਨੂੰ ਬੰਦ ਕਰ ਦਿੱਤਾ ਸੀ।
ਵੈੱਬਸਾਈਟ 'ਤੇ ਲਿਖੇ ਇਕ ਖੁੱਲ੍ਹੇ ਪੱਤਰ 'ਚ Büyükkökten ਨੇ ਦੱਸਿਆ ਕਿ ਉਹ Orkut ਨੂੰ ਵਾਪਸ ਕਿਉਂ ਲਿਆਉਣਾ ਚਾਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਪਿਛਲੇ ਦੋ ਦਹਾਕਿਆਂ 'ਚ ਸੋਸ਼ਲ ਮੀਡੀਆ ਕਾਫ਼ੀ ਬਦਲ ਗਿਆ ਹੈ ਅਤੇ ਹੁਣ ਪਲੇਟਫਾਰਮ ਅਰਥਪੂਰਨ ਰਿਸ਼ਤੇ ਬਣਾਉਣ ਦੀ ਬਜਾਏ ਯੂਜ਼ਰਜ਼ ਦੀ ਸ਼ਮੂਲੀਅਤ ਵਧਾਉਣ ਨੂੰ ਤਰਜੀਹ ਦੇ ਰਹੇ ਹਨ।
Büyükkökten ਨੇ ਇੰਟਰਨੈੱਟ ਦੇ ਉਨ੍ਹਾਂ ਸ਼ੁਰੂਆਤੀ ਦਿਨਾਂ ਨੂੰ ਯਾਦ ਕੀਤਾ, ਜਦੋਂ ਦੁਨੀਆ ਦੇ ਵੱਖ-ਵੱਖ ਕੋਨਿਆਂ 'ਚ ਰਹਿਣ ਵਾਲੇ ਲੋਕਾਂ ਨਾਲ ਜੁੜਨਾ ਬੇਹੱਦ ਰੋਮਾਂਚਕ ਲੱਗਦਾ ਸੀ। ਉਨ੍ਹਾਂ ਕਿਹਾ ਕਿ ਕਿਸੇ ਹੋਰ ਦੇਸ਼ ਦੇ ਅਜਨਬੀ ਨਾਲ ਹੋਈ ਛੋਟੀ ਜਿਹੀ ਗੱਲਬਾਤ ਵੀ ਖ਼ਾਸ ਲੱਗਦੀ ਸੀ, ਕਿਉਂਕਿ ਉਸ 'ਚ ਜੁੜਾਅ ਦਾ ਅਹਿਸਾਸ ਸੱਚਾ ਅਤੇ ਅਸਲੀ ਹੁੰਦਾ ਸੀ।
ਉਨ੍ਹਾਂ ਨੇ ਮੌਜੂਦਾ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀਆਂ ਫੀਡਜ਼ ਲੋਕਾਂ ਨੂੰ ਅਸਲ ਰਿਸ਼ਤੇ ਬਣਾਉਣ 'ਚ ਮਦਦ ਕਰਨ ਦੀ ਬਜਾਏ ਸਿਰਫ਼ ਉਨ੍ਹਾਂ ਦਾ ਧਿਆਨ ਖਿੱਚਣ ਲਈ ਤਿਆਰ ਕੀਤੀਆਂ ਗਈਆਂ ਹਨ। Büyükkökten ਮੁਤਾਬਕ, ਇਸ ਬਦਲਾਅ ਨੇ ਨੌਜਵਾਨਾਂ 'ਚ ਇਕੱਲੇਪਣ ਦੀ ਭਾਵਨਾ ਵਧਾਉਣ 'ਚ ਭੂਮਿਕਾ ਨਿਭਾਈ ਹੈ।
ਫਾਊਂਡਰ ਨੇ ਆਨਲਾਈਨ ਗੱਲਬਾਤ 'ਚ ਆਰਟੀਫਿਸ਼ਲ ਇੰਟੈਲੀਜੈਂਸ (AI) ਦੀ ਵਧਦੀ ਭੂਮਿਕਾ ਬਾਰੇ ਵੀ ਚਿੰਤਾ ਜਤਾਈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਮਨੁੱਖੀ ਰਿਸ਼ਤੇ ਕਮਜ਼ੋਰ ਹੋ ਸਕਦੇ ਹਨ, ਜਦਕਿ ਇਹੀ ਰਿਸ਼ਤੇ ਸੋਸ਼ਲ ਨੈੱਟਵਰਕਿੰਗ ਨੂੰ ਅਰਥਪੂਰਨ ਬਣਾਉਂਦੇ ਹਨ। ਇਸ ਰੀਵਾਈਵਲ ਮੁਹਿੰਮ ਤਹਿਤ Büyükkökten ਨੇ ਯੂਜ਼ਰਜ਼ ਨੂੰ ਅਧਿਕਾਰਤ ਵੈੱਬਸਾਈਟ 'ਤੇ ਆਪਣਾ ਨਾਂ ਦਰਜ ਕਰਨ ਲਈ ਕਿਹਾ ਹੈ, ਤਾਂ ਜੋ ਉਹ ਅਸਲ ਲੋਕਾਂ ਅਤੇ ਸੱਚੇ ਰਿਸ਼ਤਿਆਂ 'ਤੇ ਆਧਾਰਿਤ ਸੋਸ਼ਲ ਨੈੱਟਵਰਕ ਲਈ ਆਪਣਾ ਸਮਰਥਨ ਦਿਖਾ ਸਕਣ।
The internet should help us find our people. Friendship. Community. A place to belong. Help me bring Orkut back in that spirit. Add your name at https://t.co/FO48fJMjEq and share your supporter card with someone you want to bring along. Love, Orkut https://t.co/zesE18Y3Fd
— Orkut Buyukkokten (@orkut) October 8, 2026
ਕਮਿਊਨਿਟੀ ਹੀ ਸੀ Orkut ਦੀ ਅਸਲ ਪਛਾਣ
ਆਪਣੇ ਖੁੱਲ੍ਹੇ ਪੱਤਰ 'ਚ ਉਨ੍ਹਾਂ ਲਿਖਿਆ, “ਜਦੋਂ ਲੋਕ ਮੈਨੂੰ ਦੱਸਦੇ ਹਨ ਕਿ ਉਹ orkut.com ਦੀ ਕਿਹੜੀ ਚੀਜ਼ ਨੂੰ ਸਭ ਤੋਂ ਵੱਧ ਯਾਦ ਕਰਦੇ ਹਨ, ਤਾਂ ਉਹ ਹਮੇਸ਼ਾ ਕਮਿਊਨਿਟੀਆਂ ਦਾ ਜ਼ਿਕਰ ਕਰਦੇ ਹਨ। ਉਹ ਲੋਕ ਜੋ ਇਕੋ ਤਰ੍ਹਾਂ ਦੇ ਮੋਟਰਸਾਈਕਲਾਂ ਦੀ ਮੁਰੰਮਤ ਕਰਦੇ ਸਨ। ਉਹ ਲੋਕ ਜੋ ਇਕੋ ਬੱਸ ਰੂਟ 'ਤੇ ਸਫ਼ਰ ਕਰਦੇ ਸਨ। ਉਹ ਲੋਕ ਜੋ ਸੋਮਵਾਰ ਨੂੰ ਨਫ਼ਰਤ ਕਰਦੇ ਸਨ। ਫੀਡ 'ਚ ਤੁਸੀਂ ਸਿਰਫ਼ ਇਕ ਦਰਸ਼ਕ ਬਣ ਕੇ ਰਹਿ ਜਾਂਦੇ ਹੋ, ਜਦਕਿ ਕਿਸੇ ਕਮਿਊਨਿਟੀ 'ਚ ਤੁਸੀਂ ਉਸ ਦੇ ਮੈਂਬਰ ਹੁੰਦੇ ਹੋ। ਇਹੀ ਇਸ ਦਾ ਅਸਲ ਮਕਸਦ ਸੀ।”
ਉਨ੍ਹਾਂ ਅੱਗੇ ਲਿਖਿਆ, “ਮੈਂ ਇੰਟਰਨੈੱਟ ਦਾ ਇਕ ਵੱਖਰਾ ਭਵਿੱਖ ਦੇਖਦਾ ਹਾਂ, ਜੋ ਅਸਲ ਲੋਕਾਂ ਦੇ ਆਲੇ-ਦੁਆਲੇ ਬਣਿਆ ਹੋਵੇ ਅਤੇ ਜਿੱਥੇ ਹਰ ਸੁਨੇਹੇ ਦੇ ਦੂਜੇ ਪਾਸੇ ਇਕ ਇਨਸਾਨ ਮੌਜੂਦ ਹੋਵੇ। ਅਜਿਹਾ ਭਵਿੱਖ ਜੋ ਐਲਗੋਰਿਦਮ, ਵਿਊਜ਼ ਅਤੇ ਵੱਧ ਤੋਂ ਵੱਧ ਸਮਾਂ ਵੈੱਬਸਾਈਟ 'ਤੇ ਬਿਤਾਉਣ ਦੇ ਫਾਰਮੂਲੇ 'ਤੇ ਆਧਾਰਿਤ ਨਾ ਹੋਵੇ। ਅਗਲੀ ਪੀੜ੍ਹੀ ਇਕ ਬਿਹਤਰ ਦੁਨੀਆ ਦੀ ਹੱਕਦਾਰ ਹੈ, ਜਿੱਥੇ ਕਮਿਊਨਿਟੀਆਂ ਚੰਗਿਆਈ, ਉਤਸੁਕਤਾ, ਦੋਸਤੀ, ਭਰੋਸੇ ਅਤੇ ਆਪਸੀ ਜੁੜਾਅ ਨੂੰ ਉਤਸ਼ਾਹਿਤ ਕਰਨ।”
ਉਨ੍ਹਾਂ ਨੇ ਸਮਰਥਕਾਂ ਨੂੰ ਆਪਣੇ ਦੋਸਤਾਂ ਨੂੰ ਸੱਦਾ ਦੇਣ ਅਤੇ ਸਪੋਰਟਰ ਕਾਰਡ ਸਾਂਝੇ ਕਰਨ ਲਈ ਵੀ ਕਿਹਾ, ਤਾਂ ਜੋ ਪ੍ਰਸਤਾਵਿਤ ਪਲੇਟਫਾਰਮ ਦੇ ਆਲੇ-ਦੁਆਲੇ ਇਕ ਮਜ਼ਬੂਤ ਭਾਈਚਾਰਾ ਬਣਾਇਆ ਜਾ ਸਕੇ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਉਨ੍ਹਾਂ ਵਿਅਕਤੀਆਂ ਤੱਕ ਪਹੁੰਚਣ, ਜਿਨ੍ਹਾਂ ਨੂੰ ਇਸ ਮੁਹਿੰਮ ਨਾਲ ਜੋੜਨਾ ਚਾਹੁੰਦੇ ਹਨ, ਅਤੇ ਉਨ੍ਹਾਂ ਨੂੰ ਦੱਸਣ ਕਿ ਉਹ ਉਨ੍ਹਾਂ ਲਈ ਕਿਉਂ ਖ਼ਾਸ ਹਨ। Büyükkökten ਨੇ ਕਿਹਾ ਕਿ ਦੋਸਤੀ ਅਤੇ ਭਾਈਚਾਰਾ ਹੀ ਜ਼ਿੰਦਗੀ ਨੂੰ ਅਰਥ ਦਿੰਦੇ ਹਨ। ਇਸ ਲਈ ਇੰਟਰਨੈੱਟ ਦਾ ਧਿਆਨ ਲੋਕਾਂ ਦਾ ਧਿਆਨ ਖਿੱਚਣ ਦੀ ਬਜਾਏ ਇਨਸਾਨਾਂ ਅਤੇ ਉਨ੍ਹਾਂ ਦੇ ਰਿਸ਼ਤਿਆਂ 'ਤੇ ਹੋਣਾ ਚਾਹੀਦਾ ਹੈ।