ਚਾਰਜਿੰਗ ਦੀ ਚਿੰਤਾ ਖ਼ਤਮ: 9,000mAh ਬੈਟਰੀ ਤੇ 100W ਫਾਸਟ ਚਾਰਜਿੰਗ ਨਾਲ ਆਵੇਗਾ ਇਹ 5G ਫੋਨ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ। iQOO ਜਲਦ ਹੀ ਆਪਣਾ ਇੱਕ ਹੋਰ ਨਵਾਂ 5G ਫ਼ੋਨ ਲਾਂਚ ਕਰ ਸਕਦਾ ਹੈ ਜਿਸ ਨੂੰ ਕੰਪਨੀ iQOO Neo11S ਦੇ ਨਾਂ ਨਾਲ ਪੇਸ਼ ਕਰ ਸਕਦੀ ਹੈ। ਇਹ ਇੱਕ ਪਰਫ਼ਾਰਮੈਂਸ-ਫੋਕਸਡ ਸਮਾਰਟਫ਼ੋਨ ਹੋਣ ਵਾਲਾ ਹੈ ਜਿਸ ਨੂੰ ਲੈ ਕੇ ਕਈ ਜਾਣਕਾਰੀਆਂ ਆਨਲਾਈਨ ਸਾਹਮਣੇ ਆ ਗਈਆਂ ਹਨ। ਲੇਟੈਸਟ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਇਸ ਵਿੱਚ ਖ਼ਾਸ ਹਾਰਡਵੇਅਰ ਅਪਗ੍ਰੇਡ ਹੋਣਗੇ।

ਇਹ ਫ਼ੋਨ ਆਪਣੇ ਸੈਗਮੈਂਟ ਦੇ ਦੂਜੇ ਡਿਵਾਈਸਾਂ ਤੋਂ ਕਾਫ਼ੀ ਅੱਗ ਹੋਵੇਗਾ, ਖ਼ਾਸ ਕਰਕੇ ਡਿਸਪਲੇਅ, ਚਿੱਪਸੈੱਟ ਅਤੇ ਬੈਟਰੀ ਕੈਪੈਸਿਟੀ ਦੇ ਮਾਮਲੇ ਵਿੱਚ ਤਾਂ ਵੱਡੇ ਅੱਪਗ੍ਰੇਡ ਮਿਲ ਸਕਦੇ ਹਨ। ਆਓ ਇਸ ਅਪਕਮਿੰਗ ਡਿਵਾਈਸ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...

iQOO Neo 11S ਦੇ ਸੰਭਾਵਿਤ ਸਪੈਸੀਫ਼ਿਕੇਸ਼ਨਜ਼

ਟਿੱਪਸਟਰ ਡਿਜੀਟਲ ਚੈਟ ਸਟੇਸ਼ਨ ਨੇ ਆਪਣੀ ਇੱਕ ਪੋਸਟ ਵਿੱਚ ਦੱਸਿਆ ਹੈ ਕਿ iQOO Neo11S ਮੀਡੀਆਟੈੱਕ ਦੇ ਡਾਇਮੈਂਸਿਟੀ 9500 ਚਿੱਪਸੈੱਟ ਦੇ ਇੱਕ ਖ਼ਾਸ ਕਸਟਮਾਈਜ਼ਡ ਵਰਜ਼ਨ ਨਾਲ ਆ ਸਕਦਾ ਹੈ। ਇੰਨਾ ਹੀ ਨਹੀਂ ਇਹ ਪ੍ਰੋਸੈਸਰ ਸਟੈਂਡਰਡ ਵਰਜ਼ਨ ਦੀ ਤੁਲਨਾ ਵਿੱਚ ਥੋੜ੍ਹੀ ਘੱਟ ਕਲਾਕ ਸਪੀਡ 'ਤੇ ਚੱਲੇਗਾ, ਪਰ ਬਿਹਤਰ ਪਰਫ਼ਾਰਮੈਂਸ, ਗੇਮਿੰਗ ਸਟੇਬਿਲਿਟੀ ਅਤੇ ਪਾਵਰ ਐਫ਼ੀਸ਼ੈਂਸੀ ਲਈ iQOO ਵੱਲੋਂ ਇਸ ਵਿੱਚ ਸਾਫ਼ਟਵੇਅਰ-ਲੇਵਲ ਟਿਊਨਿੰਗ ਦੇਖਣ ਨੂੰ ਮਿਲ ਸਕਦੀ ਹੈ।

ਮਿਲੇਗੀ 9,000mAh ਦੀ ਬੈਟਰੀ

ਰਿਪੋਰਟਾਂ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ ਨਵੇਂ iQOO ਡਿਵਾਈਸ ਵਿੱਚ ਇੱਕ ਨਵਾਂ ਘਰੇਲੂ ਡਿਸਪਲੇਅ ਮੈਨੂਫ਼ੈਕਚਰਿੰਗ ਪ੍ਰੋਸੈਸ ਨਾਲ ਬਣਿਆ 2K ਫਲੈਟ ਡਿਸਪਲੇਅ ਵੀ ਮਿਲ ਸਕਦਾ ਹੈ। ਇਹ ਆਪਣੇ ਪ੍ਰਾਈਸ ਸੈਗਮੈਂਟ ਵਿੱਚ ਇੱਕੋ-ਇੱਕ ਅਜਿਹਾ ਫ਼ੋਨ ਹੋਵੇਗਾ ਜਿਸ ਵਿੱਚ 2K ਪੈਨਲ ਦੇ ਨਾਲ ਡਾਇਮੈਂਸਿਟੀ 9500 ਚਿੱਪਸੈੱਟ ਮਿਲ ਸਕਦਾ ਹੈ। ਇਸ ਤੋਂ ਇਲਾਵਾ ਫ਼ੋਨ ਵਿੱਚ 9,000mAh ਦੀ ਬੈਟਰੀ ਵੀ ਮਿਲ ਸਕਦੀ ਹੈ, ਜੋ ਇਸ ਨੂੰ ਪਿਛਲੇ ਮਾਡਲ ਦੀ ਤੁਲਨਾ ਵਿੱਚ ਕਾਫ਼ੀ ਵੱਡੀ ਬੈਟਰੀ ਵਾਲਾ ਬਣਾ ਦੇਵੇਗੀ।

ਇਸੇ ਸੋਰਸ ਨੇ ਇਹ ਵੀ ਦੱਸਿਆ ਹੈ ਕਿ Neo 11S ਕਈ ਵੱਖ-ਵੱਖ ਵੇਰੀਐਂਟਸ ਵਿੱਚ ਆ ਸਕਦਾ ਹੈ, ਜਿਵੇਂ ਇਸ ਨੂੰ 12GB+256GB, 12GB+512GB, 16GB+256GB ਅਤੇ 16GB+512GB ਵੇਰੀਐਂਟਸ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ।

ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਡਿਵਾਈਸ ਲਾਈਟ ਵਾਈਟ, ਸ਼ੈਡੋ ਬਲੈਕ ਅਤੇ ਵਿੰਡ ਚੇਜ਼ਰ ਵਰਗੇ ਰੰਗਾਂ ਵਿੱਚ ਆਵੇਗਾ। ਇਸ ਦੀ ਵੱਡੀ ਬੈਟਰੀ 100W ਚਾਰਜਿੰਗ ਨੂੰ ਸਪੋਰਟ ਕਰ ਸਕਦੀ ਹੈ ਪਰ ਇਸ ਵਿੱਚ ਵਾਇਰਲੈੱਸ ਚਾਰਜਿੰਗ ਦਾ ਸਪੋਰਟ ਸ਼ਾਇਦ ਨਾ ਮਿਲੇ। ਇਸ ਤੋਂ ਇਲਾਵਾ ਫ਼ੋਨ ਵਿੱਚ 3D ਅਲਟਰਾਸੋਨਿਕ ਫਿੰਗਰਪ੍ਰਿੰਟ ਸਕੈਨਰ ਅਤੇ ਧੂੜ ਵਾ ਪਾਣੀ ਤੋਂ ਬਚਾਅ ਲਈ IP68 ਅਤੇ IP69 ਰੇਟਿੰਗ ਮਿਲ ਸਕਦੀ ਹੈ।