Ask Maps ਦੀ ਵਰਤੋਂ ਕਿਵੇਂ ਕਰੀਏ? ਹੋਟਲ ਬੁਕਿੰਗ ਤੋਂ ਲੈ ਕੇ ਲਾਈਵ ਮੈਟਰੋ-ਬੱਸ ਟਾਈਮਿੰਗ ਤਕ... ਸਮਝੋ ਪੂਰਾ ਪ੍ਰੋਸੈੱਸ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : Google ਨੇ ਹਾਲ ਹੀ 'ਚ Google Maps 'ਚ ਆਪਣੇ 'Ask Maps' ਫੀਚਰ 'ਚ ਕਈ ਨਵੇਂ ਫੀਚਰਜ਼ ਜੋੜੇ ਹਨ। ਹੁਣ ਤੁਸੀਂ ਵੱਖ-ਵੱਖ ਐਪਸ 'ਤੇ ਸਵਿੱਚ ਕੀਤੇ ਬਿਨਾਂ ਖਾਣਾ ਆਰਡਰ ਕਰ ਸਕਦੇ ਹੋ, ਹੋਟਲ ਸਰਚ ਕਰ ਸਕਦੇ ਹੋ, ਆਸ-ਪਾਸ ਦੇ ਈਵੈਂਟਸ ਖੋਜ ਸਕਦੇ ਹੋ ਅਤੇ ਲਾਈਵ ਪਬਲਿਕ ਟਰਾਂਸਪੋਰਟ ਅਪਡੇਟਸ ਚੈੱਕ ਕਰ ਸਕਦੇ ਹੋ। ਇਸ ਨਾਲ ਤੁਹਾਡਾ ਪੂਰਾ ਧਿਆਨ ਸੜਕ 'ਤੇ ਰਹੇਗਾ ਅਤੇ ਵਾਰ-ਵਾਰ ਐਪ ਬਦਲਣ ਦੀ ਝੰਜਟ ਨਹੀਂ ਰਹੇਗੀ। ਸਿਰਫ਼ ਇੰਨਾ ਹੀ ਨਹੀਂ, ਜੇਕਰ ਤੁਸੀਂ ਚਾਹੋ ਤਾਂ Gmail ਨੂੰ ਕਨੈਕਟ ਕਰ ਕੇ Ask Maps ਤੋਂ ਹੋਰ ਵੀ ਪਰਸਨਲਾਈਜ਼ਡ ਸੁਝਾਅ ਵੀ ਪਾ ਸਕਦੇ ਹੋ। ਇਸ ਤੋਂ ਇਲਾਵਾ, ਇਹ ਪੁਰਾਣੀ ਗੱਲਬਾਤ ਨੂੰ ਯਾਦ ਰੱਖ ਸਕਦਾ ਹੈ ਅਤੇ ਜਗ੍ਹਾਵਾਂ ਬਾਰੇ ਅਪਡੇਟਸ ਸ਼ੇਅਰ ਕਰਨਾ ਆਸਾਨ ਬਣਾਉਂਦਾ ਹੈ। ਇੱਥੇ ਅਸੀਂ ਤੁਹਾਨੂੰ Ask Maps ਦੇ ਇਨ੍ਹਾਂ ਨਵੇਂ ਫੀਚਰਜ਼ ਤੇ ਵਰਤੋਂ ਦੇ ਤਰੀਕੇ ਬਾਰੇ ਸਭ ਕੁੱਝ ਦੱਸ ਰਹੇ ਹਾਂ।

ਧਿਆਨ ਰੱਖਣ ਵਾਲੀਆਂ ਜ਼ਰੂਰੀ ਗੱਲਾਂ

Ask Maps ਦੇ ਨਵੇਂ ਫੀਚਰਜ਼ ਇਸਤੇਮਾਲ ਕਰਨ ਦੇ ਤਰੀਕੇ ਨੂੰ ਸਮਝਣ ਤੋਂ ਪਹਿਲਾਂ, ਇੱਥੇ ਕੁੱਝ ਗੱਲਾਂ ਦਿੱਤੀਆਂ ਗਈਆਂ ਹਨ ਜਿਨ੍ਹਾਂ ਨੂੰ ਧਿਆਨ ਵਿਚ ਰੱਖਣਾ ਜ਼ਰੂਰੀ ਹੈ:

• ਫੂਡ ਆਰਡਰਿੰਗ, ਹੋਟਲ ਡਿਸਕਵਰੀ, ਈਵੈਂਟ ਸੁਝਾਅ ਅਤੇ ਗੱਲਬਾਤ ਦੇ ਜ਼ਰੀਏ ਕੰਟ੍ਰੀਬਿਊਸ਼ਨ ਫਿਲਹਾਲ ਯੂਨਾਈਟਿਡ ਸਟੇਟਸ (US) 'ਚ ਰੋਲਆਊਟ ਕੀਤੇ ਜਾ ਰਹੇ ਹਨ।
• ਲਾਈਵ ਟਰਾਂਜ਼ਿਟ ਅਪਡੇਟਸ, ਕਨਵਰਸੇਸ਼ਨ ਹਿਸਟਰੀ ਤੇ ਪਰਸਨਲਾਈਜ਼ਡ ਰਿਸਪੌਂਸ ਉਨ੍ਹਾਂ ਸਾਰੇ ਖੇਤਰਾਂ ਵਿੱਚ ਰੋਲਆਊਟ ਹੋ ਰਹੇ ਹਨ ਜਿੱਥੇ Ask Maps ਉਪਲਬਧ ਹੈ।
• Gmail ਨੂੰ ਕੁਨੈਕਟ ਕਰਨਾ ਪੂਰੀ ਤਰ੍ਹਾਂ ਆਪਸ਼ਨਲ ਹੈ ਤੇ ਇਹ ਬਾਏ-ਡਿਫਾਲਟ ਬੰਦ ਰਹਿੰਦਾ ਹੈ।

ਖਾਣਾ ਆਰਡਰ ਕਰਨ ਲਈ Ask Maps ਦੀ ਵਰਤੋਂ ਕਿਵੇਂ ਕਰੀਏ?

ਜੇਕਰ ਤੁਸੀਂ Ask Maps ਦੇ ਜ਼ਰੀਏ ਖਾਣਾ ਆਰਡਰ ਕਰਨਾ ਚਾਹੁੰਦੇ ਹੋ, ਤਾਂ ਬੱਸ Google Maps ਖੋਲ੍ਹੋ > Ask Maps ਲਾਂਚ ਕਰੋ > ਖਾਣੇ ਦੀ ਆਪਣੀ ਪਸੰਦ (ਜਿਵੇਂ ਕਿ ਕਿਸ ਤਰ੍ਹਾਂ ਦਾ ਖਾਣਾ, ਤਿੱਖਾਪਣ ਜਾਂ ਖਾਣੇ ਨਾਲ ਜੁੜੀਆਂ ਖ਼ਾਸ ਜ਼ਰੂਰਤਾਂ) ਟਾਈਪ ਕਰੋ ਜਾਂ ਬੋਲ ਕੇ ਦੱਸੋ > ਉਹ ਜਗ੍ਹਾ ਦੱਸੋ ਜਿੱਥੋਂ ਤੁਸੀਂ ਆਰਡਰ ਪਿਕ ਕਰਨਾ ਚਾਹੁੰਦੇ ਹੋ > ਸੁਝਾਏ ਗਏ ਰੈਸਟੋਰੈਂਟਾਂ ਵਿੱਚੋਂ ਇੱਕ ਚੁਣੋ > ਕਾਰਟ ਨੂੰ ਰਿਵਿਊ ਕਰੋ ਅਤੇ ਆਪਣਾ ਆਰਡਰ ਪੂਰਾ ਕਰੋ।

ਹੋਟਲ ਤੇ ਆਸ-ਪਾਸ ਦੇ ਈਵੈਂਟਸ ਕਿਵੇਂ ਲੱਭੀਏ ?

ਕੀ ਤੁਸੀਂ ਅਚਾਨਕ ਕਿਸੇ ਟ੍ਰਿਪ 'ਤੇ ਜਾ ਰਹੇ ਹੋ ਅਤੇ ਤੁਹਾਡੇ ਕੋਲ ਹੋਟਲ ਖੋਜਣ ਦਾ ਸਮਾਂ ਨਹੀਂ ਹੈ? ਹੁਣ ਤੁਹਾਨੂੰ ਚਿੰਤਾ ਕਰਨ ਦੀ ਜ਼ਰੂਰਤ ਨਹੀਂ ਹੈ, ਕਿਉਂਕਿ Ask Maps ਤੁਹਾਨੂੰ ਹੋਟਲ ਅਤੇ ਆਸ-ਪਾਸ ਦੇ ਈਵੈਂਟਸ ਖੋਜਣ ਵਿੱਚ ਮਦਦ ਕਰ ਸਕਦਾ ਹੈ। Google Maps ਖੋਲ੍ਹੋ > Ask Maps ਸ਼ੁਰੂ ਕਰੋ > ਆਪਣੇ ਬਜਟ, ਲੋਕੇਸ਼ਨ ਜਾਂ ਪਸੰਦ ਦੇ ਹਿਸਾਬ ਨਾਲ ਹੋਟਲ ਖੋਜੋ, ਜਾਂ ਕਾਂਸਰਟ, ਕਾਮੇਡੀ ਸ਼ੋਅ ਜਾਂ ਇਲਾਕੇ ਵਿੱਚ ਹੋ ਰਹੇ ਈਵੈਂਟਸ ਬਾਰੇ ਪੁੱਛੋ > ਆਪਣੀ ਪਸੰਦ ਦਾ ਹੋਟਲ ਜਾਂ ਕਾਂਸਰਟ ਚੁਣੋ ਅਤੇ ਉਸ ਨੂੰ ਬੁੱਕ ਕਰੋ।

ਲਾਈਵ ਟਰਾਂਜ਼ਿਟ ਅਪਡੇਟਸ ਕਿਵੇਂ ਪਾਈਏ?

Ask Maps 'ਚ ਸ਼ਾਮਲ ਨਵੇਂ ਫੀਚਰਜ਼ 'ਚੋਂ ਇਕ ਇਹ ਹੈ ਕਿ ਹੁਣ ਤੁਸੀਂ ਸਿੱਧੇ Google Maps 'ਚ ਹੀ ਲਾਈਵ ਟਰਾਂਜ਼ਿਟ ਅਪਡੇਟਸ ਪਾ ਸਕਦੇ ਹੋ। ਅਜਿਹਾ ਕਰਨ ਲਈ, Google Maps ਖੋਲ੍ਹੋ > Ask Maps ਸ਼ੁਰੂ ਕਰੋ > ਆਪਣੀ ਬੱਸ, ਟ੍ਰੇਨ, ਸਬਵੇਅ ਜਾਂ ਫੈਰੀ ਰੂਟ ਬਾਰੇ ਪੁੱਛੋ > ਇੱਕ ਹੀ ਜਗ੍ਹਾ ਲਾਈਵ ਡਿਪਾਰਚਰ ਟਾਈਮ ਦੇਖੋ > ਰੀਅਲ-ਟਾਈਮ 'ਚ ਅਪਡੇਟ ਹੋਣ ਵਾਲੀ ਦੇਰੀ ਚੈੱਕ ਕਰੋ।

ਕੰਮ ਦੇ ਦੂਜੇ Ask Maps ਫੀਚਰਜ਼:

ਹੋਟਲ ਬੁਕਿੰਗ ਜਾਂ ਫਲਾਈਟ ਰਿਜ਼ਰਵੇਸ਼ਨ ਦੇ ਆਧਾਰ 'ਤੇ ਸੁਝਾਅ ਪਾਉਣ ਲਈ Gmail ਨੂੰ ਕਨੈਕਟ ਕਰੋ। ਤੁਸੀਂ ਸੇਵ ਕੀਤੀ ਗਈ ਗੱਲਬਾਤ ਦੇ ਜ਼ਰੀਏ ਆਪਣੀ ਪਹਿਲਾਂ ਦੀ ਟ੍ਰਿਪ ਪਲਾਨਿੰਗ ਨੂੰ ਵੀ ਅੱਗੇ ਜਾਰੀ ਰੱਖ ਸਕਦੇ ਹੋ। ਦੁਕਾਨਾਂ ਦੇ ਅਪਡੇਟਿਡ ਸਮੇਂ ਦੀ ਜਾਣਕਾਰੀ ਦੇਣ ਲਈ ਦੁਕਾਨ ਦੇ ਸਾਹਮਣੇ ਦੀ ਫੋਟੋ ਅਪਲੋਡ ਕਰੋ ਅਤੇ ਦੂਜੇ Google Maps ਯੂਜ਼ਰਸ ਦੀ ਮਦਦ ਲਈ ਪਾਰਕਿੰਗ ਜਿਹੀਆਂ ਲੋਕਲ ਟਿਪਸ ਸ਼ੇਅਰ ਕਰੋ।