ਬਿਨਾਂ ਕਿਸੇ ਹਾਈ-ਟੈੱਕ ਟੂਲ ਦੇ ਵੱਡੀਆਂ ਕੰਪਨੀਆਂ 'ਚ ਸੰਨ੍ਹ ਲਗਾ ਰਹੇ ਹੈਕਰ ! ਜਾਣੋ ਕੀ ਹੈ 'ਵੌਇਸ ਫਿਸ਼ਿੰਗ' ਦਾ ਨਵਾਂ ਖ਼ਤਰਾ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਵੈਸੇ ਅੱਜਕੱਲ੍ਹ AI-ਪਾਵਰਡ ਸਾਈਬਰ ਅਟੈਕਸ ਕਾਮਨ ਹੁੰਦੇ ਜਾ ਰਹੇ ਹਨ। ਇਸ ਦੇ ਬਾਵਜੂਦ, ਹੈਕਰਜ਼ ਆਸਾਨ ਟ੍ਰਿਕਸ ਦੀ ਵਰਤੋਂ ਕਰ ਕੇ ਕੰਪਨੀਆਂ 'ਚ ਸੰਨ੍ਹ ਲਗਾਉਣ 'ਚ ਕਾਮਯਾਬ ਹੋ ਰਹੇ ਹਨ। Google ਨੇ ਚਿਤਾਵਨੀ ਦਿੱਤੀ ਹੈ ਕਿ ਕਈ ਹੈਕਿੰਗ ਗਰੁੱਪਸ ਵੌਇਸ ਫਿਸ਼ਿੰਗ (ਜਿਸ ਨੂੰ ਵਿਸ਼ਿੰਗ ਵੀ ਕਿਹਾ ਜਾਂਦਾ ਹੈ) ਜ਼ਰੀਏ ਅਮਰੀਕਾ ਦੀਆਂ ਵੱਡੀਆਂ ਫਾਈਨੈਂਸ਼ੀਅਲ ਤੇ ਇਨਵੈਸਟਮੈਂਟ ਫਰਮਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ। ਐਡਵਾਂਸਡ ਹੈਕਿੰਗ ਤਰੀਕਿਆਂ ਦੀ ਵਰਤੋਂ ਕਰਨ ਦੀ ਬਜਾਏ ਅਟੈਕਰਜ਼ ਮੁਲਾਜ਼ਮਾਂ ਦੇ ਪਰਸਨਲ ਫੋਨ 'ਤੇ ਕਾਲ ਕਰਦੇ ਹਨ ਤੇ ਕੋ-ਵਰਕਰਸ ਜਾਂ IT ਸਪੋਰਟ ਸਟਾਫ ਹੋਣ ਦਾ ਨਾਟਕ ਕਰਦੇ ਹਨ। ਫਿਰ ਉਹ ਵਿਕਟਿਮਸ ਨੂੰ ਫੇਕ ਵੈੱਬਸਾਈਟਸ 'ਤੇ ਆਪਣੀ ਲੌਗਇਨ ਡਿਟੇਲਸ ਤੇ ਮਲਟੀ-ਫੈਕਟਰ ਅਥੈਂਟੀਕੇਸ਼ਨ ਕੋਡ ਐਂਟਰ ਕਰਨ ਲਈ ਰਾਜ਼ੀ ਕਰ ਲੈਂਦੇ ਹਨ। ਇਕ ਵਾਰ ਐਕਸੈੱਸ ਹਾਸਲ ਕਰਨ ਤੋਂ ਬਾਅਦ ਹੈਕਰਜ਼ ਕੰਪਨੀ ਦਾ ਸੰਵੇਦਨਸ਼ੀਲ ਡਾਟਾ ਚੋਰੀ ਕਰ ਲੈਂਦੇ ਹਨ ਤੇ ਪੈਸਿਆਂ ਦੀ ਡਿਮਾਂਡ ਕਰਦੇ ਹਨ। ਜੇਕਰ ਵਿਕਟਿਮ ਪੇਮੈਂਟ ਕਰਨ ਤੋਂ ਇਨਕਾਰ ਕਰਦੇ ਹਨ ਤਾਂ ਚੋਰੀ ਕੀਤੀ ਗਈ ਜਾਣਕਾਰੀ ਜਨਤਕ ਕਰਨ ਦੀ ਧਮਕੀ ਦਿੰਦੇ ਹਨ।

Reuters ਮੁਤਾਬਕ, ਟਾਰਗੇਟ ਕੀਤੀਆਂ ਕੰਪਨੀਆਂ 'ਚ Apollo Global Management, Bain Capital, Blackstone, Bridgewater Associates, CME Group, KKR, Moody’s ਤੇ TPG ਵਰਗੀਆਂ ਮੇਜਰ ਪ੍ਰਾਈਵੇਟ ਇਕੁਇਟੀ ਫਰਮਾਂ ਸ਼ਾਮਲ ਹਨ। ਹਾਲਾਂਕਿ, Google ਨੇ ਆਪਣੀ ਰਿਪੋਰਟ 'ਚ ਅਧਿਕਾਰਤ ਤੌਰ 'ਤੇ ਵਿਕਟਿਮਸ ਦੇ ਨਾਮ ਨਹੀਂ ਦੱਸੇ ਹਨ।

Google ਨੇ ਹੈਕਿੰਗ ਗਰੁੱਪਸ ਦੀ ਪਛਾਣ Falcon, Helix, Pink ਅਤੇ Redact ਦੇ ਤੌਰ 'ਤੇ ਕੀਤੀ ਹੈ। Google ਰਿਸਰਚਰਸ ਦਾ ਮੰਨਣਾ ਹੈ ਕਿ ਇਹ ਗਰੁੱਪਸ UNC6671 ਦੇ ਤੌਰ 'ਤੇ ਟਰੈਕ ਕੀਤੇ ਜਾਣ ਵਾਲੇ ਵੱਡੇ ਆਪ੍ਰੇਸ਼ਨ ਨਾਲ ਜੁੜੇ ਹੋ ਸਕਦੇ ਹਨ। ਪਰ, ਅਜੇ ਵੀ ਇਹ ਕਲੀਅਰ ਨਹੀਂ ਹੈ ਕਿ ਉਹ ਆਪਸ 'ਚ ਜੁੜੇ ਹਨ, ਵੱਖ-ਵੱਖ ਕੰਮ ਕਰਦੇ ਹਨ ਜਾਂ ਇੱਕੋ ਫਿਸ਼ਿੰਗ ਟੂਲਸ ਸ਼ੇਅਰ ਕਰਦੇ ਹਨ।

ਟੈੱਕ ਦਿੱਗਜ ਨੇ ਰਿਪੋਰਟ 'ਚ ਲਿਖਿਆ, 'ਸਾਡਾ ਮੰਨਣਾ ਹੈ ਕਿ ਇਹ ਸ਼ਾਇਦ ਹੈਕਰਜ਼ ਦੇ ਇਕ ਗਰੁੱਪ ਦਾ ਕੰਮ ਹੈ ਜੋ ਇਕ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ ਤੇ ਕਈ ਵੱਖ-ਵੱਖ ਐਕਸਟੌਰਸ਼ਨ ਵਾਲੇ ਬ੍ਰਾਂਡ ਚਲਾ ਰਹੇ ਹਨ। ਅਜਿਹਾ ਉਹ ਸ਼ਾਇਦ ਆਪਣੇ ਕੰਮ ਨੂੰ ਵੱਖ-ਵੱਖ ਹਿੱਸਿਆਂ 'ਚ ਵੰਡਣ, ਡਾਟਾ ਚੋਰੀ ਦੇ ਅਸਲੀ ਅੰਕੜਿਆਂ ਨੂੰ ਛੁਪਾਉਣ ਤੇ ਨੈਗੋਸ਼ੀਏਸ਼ਨ 'ਚ ਹੋਣ ਵਾਲੇ ਨੁਕਸਾਨ ਤੋਂ ਖੁਦ ਨੂੰ ਬਚਾਉਣ ਲਈ ਕਰ ਰਹੇ ਹਨ।'

ਇਨ੍ਹਾਂ ਵਿੱਚੋਂ ਕੁਝ ਹੈਕਿੰਗ ਗਰੁੱਪਸ ਅਜਿਹੀਆਂ ਵੈੱਬਸਾਈਟਸ ਵੀ ਚਲਾਉਂਦੇ ਹਨ ਜਿੱਥੇ ਉਹ ਆਪਣੇ ਅਟੈਕਸ ਦੀਆਂ ਡਿਟੇਲਸ ਪੋਸਟ ਕਰਦੇ ਹਨ। ਉਹ ਚੋਰੀ ਕੀਤੇ ਗਏ ਕੰਪਨੀ ਡਾਟਾ ਨੂੰ ਲੀਕ ਕਰਨ ਦੀ ਧਮਕੀ ਦੇ ਕੇ ਵਿਕਟਿਮਸ 'ਤੇ ਫਿਰੌਤੀ ਦੇਣ ਦਾ ਦਬਾਅ ਬਣਾਉਣ ਲਈ ਇਨ੍ਹਾਂ ਸਾਈਟਸ ਦੀ ਵਰਤੋਂ ਕਰਦੇ ਹਨ।

Google ਨੇ ਕਿਹਾ ਕਿ ਇਨ੍ਹਾਂ ਹੀ ਹੈਕਰਜ਼ ਨੇ ਮੈਨੂਫੈਕਚਰਿੰਗ, ਰੀਅਲ ਅਸਟੇਟ, ਹੈਲਥਕੇਅਰ, ਇੰਸ਼ੋਰੈਂਸ, ਟੈਕਨੋਲੋਜੀ, ਟਰਾਂਸਪੋਰਟੇਸ਼ਨ ਅਤੇ ਹੌਸਪਿਟੈਲਿਟੀ ਸੈਕਟਰ ਦੀਆਂ ਕੰਪਨੀਆਂ ਨੂੰ ਵੀ ਟਾਰਗੇਟ ਕੀਤਾ ਹੈ।

ਹਾਲ ਹੀ ਦੇ ਸਮੇਂ 'ਚ, ਅਟੈਕਰਜ਼ ਦਾ ਧਿਆਨ ਲੀਗਲ ਅਤੇ ਫਾਈਨੈਂਸ਼ੀਅਲ ਆਰਗੇਨਾਈਜ਼ੇਸ਼ਨਜ਼ 'ਤੇ ਰਿਹਾ ਹੈ। Google ਦੇ ਰਿਸਰਚਰਸ ਨੇ ਲਿਖਿਆ, 'ਮਰਜਰ, ਐਕਵਿਜ਼ੀਸ਼ਨ, ਕੈਪੀਟਲ ਡਿਪਲਾਇਮੈਂਟ ਅਤੇ ਮੁਕੱਦਮਿਆਂ 'ਚ ਸ਼ਾਮਲ ਆਰਗੇਨਾਈਜ਼ੇਸ਼ਨਜ਼ 'ਤੇ ਧਿਆਨ ਦੇਣਾ ਫਿਰੌਤੀ ਦੀਆਂ ਡਿਮਾਂਡਸ ਦਾ ਦਬਾਅ ਵਧਾਉਣ ਲਈ ਹਾਈ-ਵੈਲਿਊ ਕਾਰਪੋਰੇਟ ਤੇ ਕੌਨਫੀਡੈਂਸ਼ੀਅਲ ਡਾਟਾ ਨੂੰ ਟਾਰਗੇਟ ਕਰਨ ਦੀ ਸਟ੍ਰੈਟਿਜੀ ਹੋ ਸਕਦੀ ਹੈ।'

Google ਨੇ ਇਹ ਵੀ ਪਾਇਆ ਕਿ ਹੈਕਿੰਗ ਗਰੁੱਪਸ 'ਚੋਂ ਇਕ ਨਾਲ ਜੁੜੇ ਕ੍ਰਿਪਟੋਕਰੰਸੀ ਵਾਲੇਟ 'ਚ ਇਸ ਸਾਲ ਦੇ ਸ਼ੁਰੂਆਤੀ ਕੁਝ ਮਹੀਨਿਆਂ ਦੌਰਾਨ ਬਿਟਕੋਇਨ 'ਚ ਲਗਪਗ $10 ਮਿਲੀਅਨ (ਲਗਭਗ 83 ਕਰੋੜ ਰੁਪਏ) ਮਿਲੇ। ਕੰਪਨੀ ਨੇ ਕਿਹਾ, 'ਸ਼ੁਰੂਆਤੀ ਫਿਰੌਤੀ ਦੀਆਂ ਡਿਮਾਂਡਸ ਆਮ ਤੌਰ 'ਤੇ $1 ਮਿਲੀਅਨ ਤੋਂ ਲੈ ਕੇ $3 ਮਿਲੀਅਨ ਤੋਂ ਉੱਪਰ ਤਕ ਹੁੰਦੀਆਂ ਹਨ।'