ਪਾਓ 3,000 ਰੁਪਏ ਦਾ ਲਾਂਚ ਡਿਸਕਾਊਂਟ, 6500mAh ਬੈਟਰੀ ਤੇ 50MP ਟ੍ਰਿਪਲ ਕੈਮਰੇ ਵਾਲੇ ਇਸ ਫ਼ੋਨ ਦੀ ਸੇਲ ਸ਼ੁਰੂ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: Tecno Camon 50 Ultra 5G ਹੁਣ ਭਾਰਤ 'ਚ ਸੇਲ ਲਈ ਉਪਲਬਧ ਹੈ। ਪਿਛਲੇ ਹਫ਼ਤੇ ਦੇਸ਼ ਵਿਚ ਲਾਂਚ ਹੋਇਆ ਇਹ ਸਮਾਰਟਫ਼ੋਨ ਅੱਜ ਤੋਂ Amazon ਰਾਹੀਂ ਖ਼ਰੀਦਿਆ ਜਾ ਸਕਦਾ ਹੈ। Tecno ਦਾ ਨਵਾਂ ਸਮਾਰਟਫ਼ੋਨ ਟ੍ਰਿਪਲ ਰੀਅਰ ਕੈਮਰਾ, Dimensity 7400 Ultimate ਪ੍ਰੋਸੈਸਰ, 6,500mAh ਬੈਟਰੀ, IP69K ਤਕ ਦੀ IP ਰੇਟਿੰਗ ਤੇ ਕਈ ਬਿਹਤਰੀਨ ਫੀਚਰਜ਼ ਨਾਲ ਆਉਂਦਾ ਹੈ। ਲਾਂਚ ਪੀਰੀਅਡ ਦੌਰਾਨ ਹੈਂਡਸੈੱਟ ਖ਼ਰੀਦਣ ਵਾਲੇ ਗਾਹਕ ਇੰਸਟੈਂਟ ਡਿਸਕਾਊਂਟ ਦਾ ਫ਼ਾਇਦਾ ਵੀ ਚੁੱਕ ਸਕਦੇ ਹਨ।

Tecno Camon 50 Ultra 5G ਦੀ ਭਾਰਤ 'ਚ ਕੀਮਤ ਅਤੇ ਸੇਲ ਆਫ਼ਰਜ਼

Tecno Camon 50 Ultra 5G ਦੇ ਸਿੰਗਲ 8GB RAM + 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ 39,999 ਰੁਪਏ ਰੱਖੀ ਗਈ ਹੈ। ਇੰਟ੍ਰੋਡਕਟਰੀ ਆਫ਼ਰ ਤਹਿਤ ਖ਼ਰੀਦਦਾਰ 3,000 ਰੁਪਏ ਦਾ ਲਾਂਚ ਡਿਸਕਾਊਂਟ ਪਾ ਸਕਦੇ ਹਨ, ਜਿਸ ਨਾਲ ਪ੍ਰਭਾਵੀ ਕੀਮਤ ਘੱਟ ਕੇ 36,999 ਰੁਪਏ ਰਹਿ ਜਾਵੇਗੀ। ਇਸ ਤੋਂ ਇਲਾਵਾ, ਗਾਹਕ ਨਵੇਂ ਹੈਂਡਸੈੱਟ 'ਤੇ 6 ਮਹੀਨੇ ਤਕ ਦਾ ਨੋ-ਕੋਸਟ EMI ਆਪਸ਼ਨ ਵੀ ਪਾ ਸਕਦੇ ਹਨ।

ਸਮਾਰਟਫ਼ੋਨ ਸਾਈਪ੍ਰਸ ਗ੍ਰੀਨ, ਮਿਸਟੀ ਪਰਪਲ ਅਤੇ ਨੇਬੁਲਾ ਟਾਈਟੇਨੀਅਮ ਕਲਰ ਆਪਸ਼ਨ 'ਚ ਆਉਂਦਾ ਹੈ। ਇਸ ਨੂੰ ਖ਼ਾਸ ਤੌਰ 'ਤੇ Amazon ਤੋਂ ਖ਼ਰੀਦਿਆ ਜਾ ਸਕਦਾ ਹੈ।

Tecno Camon 50 Ultra 5G ਦੀਆਂ ਸਪੈਸੀਫਿਕੇਸ਼ਨਜ਼

Tecno Camon 50 Ultra 'ਚ ਪ੍ਰੀਮੀਅਮ ਡਿਜ਼ਾਈਨ ਲੈਂਗੂਏਜ ਮਿਲਦੀ ਹੈ ਅਤੇ ਸਿਰਫ਼ 7.6mm ਦੀ ਸਲਿਮ ਪ੍ਰੋਫ਼ਾਈਲ ਦਿੱਤੀ ਗਈ ਹੈ। ਹੈਂਡਸੈੱਟ 'ਚ 6.78-ਇੰਚ ਦਾ 1.5K ProXDR ਕਰਵਡ AMOLED ਡਿਸਪਲੇਅ ਮਿਲਦਾ ਹੈ ਜਿਸ ਦਾ ਰੈਜ਼ੋਲਿਊਸ਼ਨ 1208 x 2644 ਪਿਕਸਲ ਹੈ। ਸਕ੍ਰੀਨ 'ਚ 144Hz ਤਕ ਦਾ ਰਿਫ਼੍ਰੈਸ਼ ਰੇਟ ਅਤੇ ਕੋਰਨਿੰਗ ਗੋਰੀਲਾ ਗਲਾਸ 7i ਦੀ ਪ੍ਰੋਟੈਕਸ਼ਨ ਵੀ ਮਿਲਦੀ ਹੈ।

ਬ੍ਰਾਂਡ ਦਾ ਨਵਾਂ ਸਮਾਰਟਫ਼ੋਨ MediaTek Dimensity 7400 Ultra ਪ੍ਰੋਸੈਸਰ ਨਾਲ ਲੈਸ ਹੈ। ਡਿਵਾਈਸ 'ਚ 8GB RAM ਤੇ 256GB ਆਨਬੋਰਡ ਸਟੋਰੇਜ ਦਿੱਤੀ ਗਈ ਹੈ। ਡਿਵਾਈਸ 'ਚ ਡਸਟ ਅਤੇ ਵਾਟਰ ਰੇਸਿਸਟੈਂਸ ਲਈ IP66, IP68, IP69 ਅਤੇ IP69K ਰੇਟਿੰਗ ਮਿਲਦੀਆਂ ਹਨ। ਫ਼ੋਨ MIL-STD-810H ਮਿਲਟਰੀ-ਗ੍ਰੇਡ ਡਿਊਰੇਬਿਲਟੀ ਸਟੈਂਡਰਡ ਨੂੰ ਵੀ ਪੂਰਾ ਕਰਦਾ ਹੈ।

ਕੈਮਰਾ ਸੈੱਟਅੱਪ ਦੀ ਗੱਲ ਕਰੀਏ ਤਾਂ Tecno Camon 50 Ultra 5G 'ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅੱਪ ਦਿੱਤਾ ਗਿਆ ਹੈ, ਜਿਸ ਦਾ ਮੇਨ ਲੈਨਜ਼ OIS ਸਪੋਰਟ ਨਾਲ 50-ਮੈਗਾਪਿਕਸਲ ਦਾ Sony LYT-700C ਸੈਂਸਰ ਹੈ। ਇਸ ਦੇ ਨਾਲ 3x ਆਪਟੀਕਲ ਜ਼ੂਮ ਵਾਲਾ 50-ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਤੇ 112-ਡਿਗਰੀ ਫੀਲਡ ਆਫ਼ ਵਿਊ ਵਾਲਾ 8-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਸ਼ੂਟਰ ਦਿੱਤਾ ਗਿਆ ਹੈ। ਫਰੰਟ 'ਚ, ਹੈਂਡਸੈੱਟ ਹਾਈ-ਰੈਜ਼ੋਲਿਊਸ਼ਨ ਸੈਲਫ਼ੀ ਲਈ 50-ਮੈਗਾਪਿਕਸਲ ਦਾ ਆਟੋਫ਼ੋਕਸ ਕੈਮਰਾ ਕੈਰੀ ਕਰਦਾ ਹੈ।

ਫ਼ੋਨ 'ਚ 6,500mAh ਦੀ ਵੱਡੀ ਬੈਟਰੀ ਦਿੱਤੀ ਗਈ ਹੈ ਜੋ 45W ਵਾਇਰਡ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਕੁਨੈਕਟੀਵਿਟੀ ਆਪਸ਼ਨਾਂ 'ਚ 5G, 4G LTE, ਡਿਊਲ-ਬੈਂਡ Wi-Fi, Bluetooth 5.4, GPS, GLONASS, BeiDou, NFC ਅਤੇ USB Type-C ਪੋਰਟ ਸ਼ਾਮਲ ਹਨ। ਫ਼ੋਨ ਦਾ ਡਾਇਮੈਂਸ਼ਨ 162.37 x 76.97 x 7.75mm ਹੈ।