ਮੋਬਾਈਲ 'ਤੇ ਸਿਰਫ਼ 2 ਮਿੰਟਾਂ 'ਚ ਡਾਊਨਲੋਡ ਕਰੋ ABHA ਕਾਰਡ, ਵਾਰ-ਵਾਰ ਮੈਡੀਕਲ ਫ਼ਾਈਲਾਂ ਚੁੱਕਣ ਤੋਂ ਮਿਲੇਗੀ ਰਾਹਤ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਜੇ ਤੁਹਾਡੇ ਕੋਲ ABHA ਮਤਲਬ ਆਯੁਸ਼ਮਾਨ ਭਾਰਤ ਹੈਲਥ ਅਕਾਊਂਟ ਕਾਰਡ ਹੈ ਤਾਂ ਇਸ ਨੂੰ ਹਮੇਸ਼ਾ ਆਪਣੇ ਨਾਲ ਰੱਖਣ ਦੀ ਲੋੜ ਨਹੀਂ ਹੈ। ਜੀ ਹਾਂ, ਤੁਸੀਂ ਇਸ ਨੂੰ ਆਪਣੇ ਮੋਬਾਈਲ ਫ਼ੋਨ ਵਿੱਚ ਵੀ ਡਾਊਨਲੋਡ ਕਰਕੇ ਰੱਖ ਸਕਦੇ ਹੋ ਅਤੇ ਕਦੇ ਵੀ ਵਰਤ ਸਕਦੇ ਹੋ। ABHA ਕਾਰਡ ਵਿੱਚ ਤੁਹਾਡੀ ਮੈਡੀਕਲ ਹਿਸਟਰੀ ਤੋਂ ਲੈ ਕੇ, ਡਾਕਟਰ ਦੀ ਪ੍ਰਿਸਕ੍ਰਿਪਸ਼ਨ, ਲੈਬ ਰਿਪੋਰਟ, ਦਵਾਈਆਂ ਦਾ ਰਿਕਾਰਡ ਅਤੇ ਹੋਰ ਕਈ ਤਰ੍ਹਾਂ ਦੀਆਂ ਜ਼ਰੂਰੀ ਹੈਲਥ ਡਿਟੇਲਜ਼ ਸੁਰੱਖਿਅਤ ਰਹਿੰਦੀਆਂ ਹਨ। ਅਜਿਹੇ ਵਿੱਚ ਹਸਪਤਾਲ ਜਾਂ ਡਾਕਟਰ ਕੋਲ ਜਾਂਦੇ ਸਮੇਂ ਵਾਰ-ਵਾਰ ਫ਼ਾਈਲਾਂ ਲੈ ਕੇ ਜਾਣ ਦੀ ਲੋੜ ਨਹੀਂ ਹੁੰਦੀ।

ਇਸ ਲਈ ਜੇਕਰ ਤੁਸੀਂ ਅਜੇ ਤੱਕ ਆਪਣੇ ਫ਼ੋਨ ਵਿੱਚ ਆਪਣਾ ABHA ਕਾਰਡ ਡਾਊਨਲੋਡ ਨਹੀਂ ਕੀਤਾ ਹੈ, ਤਾਂ ਇਸ ਨੂੰ ਘਰ ਬੈਠੇ ਕੁਝ ਹੀ ਮਿੰਟਾਂ ਵਿੱਚ ਆਪਣੇ ਡਿਵਾਈਸ ਵਿੱਚ ਸੇਵ ਕਰ ਸਕਦੇ ਹੋ। ਆਓ ਸਟੈਪ ਬਾਈ ਸਟੈਪ ਜਾਣਦੇ ਹਾਂ...

ABHA ਪੋਰਟਲ ਤੋਂ ਕਿਵੇਂ ਡਾਊਨਲੋਡ ਕਰੀਏ ਕਾਰਡ?

ਜੇਕਰ ਤੁਸੀਂ ਵੈੱਬਸਾਈਟ ਦੇ ਜ਼ਰੀਏ ABHA ਕਾਰਡ ਡਾਊਨਲੋਡ ਕਰਨਾ ਚਾਹੁੰਦੇ ਹੋ, ਤਾਂ ਹੇਠਾਂ ਦਿੱਤੇ ਕੁਝ ਸਟੈਪਸ ਨੂੰ ਫ਼ੋਲੋ ਕਰ ਸਕਦੇ ਹੋ:

• ਇਸ ਲਈ ਸਭ ਤੋਂ ਪਹਿਲਾਂ ABHA Portal 'ਤੇ ਜਾਓ।
• ਹੁਣ ਇੱਥੇ ਲੌਗਇਨ 'ਤੇ ਕਲਿੱਕ ਕਰੋ।
• ਇਸ ਤੋਂ ਬਾਅਦ ਆਪਣਾ 14 ਅੰਕਾਂ ਦਾ ABHA ਨੰਬਰ ਜਾਂ ਰਜਿਸਟਰਡ ਮੋਬਾਈਲ ਨੰਬਰ ਐਂਟਰ ਕਰੋ।
• OTP ਦੇ ਜ਼ਰੀਏ ਲੌਗਇਨ ਪ੍ਰੋਸੈਸ ਪੂਰਾ ਕਰੋ।
• ਲੌਗਇਨ ਹੋਣ ਤੋਂ ਬਾਅਦ 'Download ABHA Card' ਆਪਸ਼ਨ 'ਤੇ ਕਲਿੱਕ ਕਰੋ।
• ਤੁਹਾਡਾ ABHA ਕਾਰਡ PDF ਫਾਰਮੈਟ ਵਿੱਚ ਫ਼ੋਨ ਜਾਂ ਕੰਪਿਊਟਰ ਵਿੱਚ ਡਾਊਨਲੋਡ ਹੋ ਜਾਵੇਗਾ।

ABHA ਮੋਬਾਈਲ ਐਪ ਤੋਂ ਕਿਵੇਂ ਕਰੀਏ ਡਾਊਨਲੋਡ?

• ਜੇਕਰ ਤੁਸੀਂ ਮੋਬਾਈਲ ਐਪ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਹੇਠਾਂ ਦੱਸੇ ਗਏ ਆਸਾਨ ਸਟੈਪਸ ਫ਼ੋਲੋ ਕਰ ਸਕਦੇ ਹੋ:
• ਸਭ ਤੋਂ ਪਹਿਲਾਂ ਆਪਣੇ ਡਿਵਾਈਸ ਵਿੱਚ ABHA App ਇੰਸਟਾਲ ਕਰੋ।
• ਐਪ ਓਪਨ ਕਰਕੇ ਮੋਬਾਈਲ ਨੰਬਰ ਜਾਂ ABHA ਨੰਬਰ ਨਾਲ ਲੌਗਇਨ ਕਰੋ।
• ਇਸ ਤੋਂ ਬਾਅਦ OTP ਐਂਟਰ ਕਰਕੇ ਵੈਰੀਫ਼ਿਕੇਸ਼ਨ ਪੂਰੀ ਕਰੋ।
• ਇੱਥੋਂ ਹੁਣ ਪ੍ਰੋਫ਼ਾਈਲ ਸੈਕਸ਼ਨ ਵਿੱਚ ਜਾਓ।
• ਇੱਥੇ 'View/Download ABHA Card' 'ਤੇ ਕਲਿੱਕ ਕਰੋ।
• ਕੁਝ ਹੀ ਸੈਕੰਡਾਂ ਵਿੱਚ ਤੁਹਾਡਾ ABHA ਕਾਰਡ ਮੋਬਾਈਲ ਵਿੱਚ ਡਾਊਨਲੋਡ ਹੋ ਜਾਵੇਗਾ।

ABHA ਕਾਰਡ ਡਾਊਨਲੋਡ ਕਰਨ ਦੇ ਕੀ-ਕੀ ਫ਼ਾਇਦੇ?

ABHA ਕਾਰਡ ਡਾਊਨਲੋਡ ਕਰਨ ਦੇ ਕਈ ਫ਼ਾਇਦੇ ਹਨ, ਜਿਵੇਂ ਮੈਡੀਕਲ ਹਿਸਟਰੀ ਹਮੇਸ਼ਾ ਤੁਹਾਡੇ ਨਾਲ ਰਹਿੰਦੀ ਹੈ। ਨਾਲ ਹੀ ਡਾਕਟਰ ਦੀ ਪ੍ਰਿਸਕ੍ਰਿਪਸ਼ਨ ਅਤੇ ਲੈਬ ਰਿਪੋਰਟਾਂ ਆਸਾਨੀ ਨਾਲ ਐਕਸੈਸ ਕੀਤੀਆਂ ਜਾ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਹਸਪਤਾਲ ਵਿੱਚ ਵਾਰ-ਵਾਰ ਕਾਗਜ਼ੀ ਦਸਤਾਵੇਜ਼ ਦਿਖਾਉਣ ਦੀ ਲੋੜ ਵੀ ਨਹੀਂ ਪੈਂਦੀ।

ਜੇਕਰ ਲੋੜ ਪਵੇ ਤਾਂ ਕਾਰਡ ਨੂੰ ਫਟਾਫ਼ਟ ਸ਼ੇਅਰ ਜਾਂ ਪ੍ਰਿੰਟ ਵੀ ਕੀਤਾ ਜਾ ਸਕਦਾ ਹੈ। ਨਾਲ ਹੀ ਤੁਹਾਡਾ ਪੂਰਾ ਡਿਜੀਟਲ ਰਿਕਾਰਡ ਸੁਰੱਖਿਅਤ ਰਹਿੰਦਾ ਹੈ ਅਤੇ ਕਦੇ ਵੀ ਤੁਸੀਂ ਇਸ ਨੂੰ ਆਸਾਨੀ ਨਾਲ ਦੇਖ ਸਕਦੇ ਹੋ।