BSNL ਦਾ Father's Day ਆਫਰ: ਇਹਨਾਂ ਰੀਚਾਰਜ ਪਲਾਨਜ਼ 'ਤੇ ਮਿਲ ਰਿਹਾ ਹੈ ਫ੍ਰੀ ਬੋਨਸ ਡੇਟਾ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਸਰਕਾਰੀ ਟੈਲੀਕਾਮ ਕੰਪਨੀ ਬੀਐਸਐਨਐਲ (BSNL) ਨੇ ਇਸ ਫਾਦਰਸ ਡੇਅ (Father's Day) ਦੇ ਮੌਕੇ 'ਤੇ ਆਪਣੇ ਕਰੋੜਾਂ ਗਾਹਕਾਂ ਲਈ ਇੱਕ ਖ਼ਾਸ ਆਫਰ ਦਾ ਐਲਾਨ ਕੀਤਾ ਹੈ। ਜੀ ਹਾਂ, ਕੰਪਨੀ ਨੇ ਕੁਝ ਚੋਣਵੇਂ ਲੌਂਗ-ਟਰਮ ਰੀਚਾਰਜ ਪਲਾਨਸ 'ਤੇ ਐਕਸਟਰਾ ਬੋਨਸ ਡੇਟਾ ਦੇਣ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ ਇਹ ਆਫਰ ਲਿਮਟਿਡ ਟਾਈਮ ਲਈ ਹੀ ਉਪਲਬਧ ਹੈ। ਇਹ ਖ਼ਾਸ ਆਫਰ ਉਹਨਾਂ ਯੂਜ਼ਰਸ ਨੂੰ ਫਾਇਦਾ ਪਹੁੰਚਾਏਗਾ ਜੋ ਲੰਬੀ ਵੈਲੀਡਿਟੀ (Validity) ਵਾਲੇ ਪਲਾਨਸ ਦੀ ਭਾਲ ਵਿੱਚ ਹਨ।

BSNL ਨੇ ਇਸ ਖ਼ਾਸ ਮੁਹਿੰਮ ਨੂੰ #RechargeForPapa ਦਾ ਨਾਮ ਦਿੱਤਾ ਹੈ। ਕੰਪਨੀ ਦਾ ਇਹ ਵੀ ਕਹਿਣਾ ਹੈ ਕਿ ਗਾਹਕ ਆਪਣੇ ਪਿਤਾ ਜਾਂ ਪਰਿਵਾਰਕ ਮੈਂਬਰਾਂ ਲਈ ਰੀਚਾਰਜ ਕਰਕੇ ਇਸ ਖ਼ਾਸ ਆਫਰ ਦਾ ਲਾਭ ਉਠਾ ਸਕਦੇ ਹਨ। ਇਹ ਆਫਰ ਸਿਰਫ਼ 21 ਜੂਨ ਤੋਂ 30 ਜੂਨ ਤੱਕ ਵੈਲਿਡ ਰਹੇਗਾ। ਆਓ ਜਾਣਦੇ ਹਾਂ ਕਿ ਕਿਹੜੇ-ਕਿਹੜੇ ਰੀਚਾਰਜ ਪਲਾਨਸ 'ਤੇ ਫ੍ਰੀ ਬੋਨਸ ਡੇਟਾ ਮਿਲ ਰਿਹਾ ਹੈ...

BSNL ਦੇ ₹997 ਵਾਲੇ ਪਲਾਨ ਵਿੱਚ

ਕੰਪਨੀ 997 ਰੁਪਏ ਵਾਲੇ ਪ੍ਰੀਪੇਡ ਪਲਾਨ ਵਿੱਚ ਆਪਣੇ ਗਾਹਕਾਂ ਨੂੰ 150 ਦਿਨਾਂ ਦੀ ਵੈਲੀਡਿਟੀ ਆਫ਼ਰ ਕਰ ਰਹੀ ਹੈ। ਨਾਲ ਹੀ ਇਸ ਪਲਾਨ ਵਿੱਚ ਅਨਲਿਮਟਿਡ ਵਾਇਸ ਕਾਲਿੰਗ, ਹਰ ਰੋਜ਼ 2GB ਡੇਟਾ ਅਤੇ ਰੋਜ਼ਾਨਾ 100 SMS ਦੀ ਸੁਵਿਧਾ ਵੀ ਮਿਲ ਰਹੀ ਹੈ। ਹਾਲਾਂਕਿ ਫਾਦਰਸ ਡੇਅ ਆਫਰ ਦੇ ਤਹਿਤ ਇਸ ਪਲਾਨ ਵਿੱਚ ਐਕਸਟਰਾ 5GB ਬੋਨਸ ਡੇਟਾ ਵੀ ਮਿਲ ਰਿਹਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਬੋਨਸ ਡੇਟਾ ਲਈ ਤੁਹਾਨੂੰ ਕੋਈ ਵਾਧੂ ਚਾਰਜ ਨਹੀਂ ਦੇਣਾ ਪਵੇਗਾ।

BSNL ਦੇ ₹1999 ਵਾਲੇ ਪਲਾਨ ਵਿੱਚ

ਕੰਪਨੀ 1999 ਰੁਪਏ ਵਾਲੇ ਪ੍ਰੀਪੇਡ ਪਲਾਨ ਵਿੱਚ ਵੀ ਐਕਸਟਰਾ ਡੇਟਾ ਦੇ ਰਹੀ ਹੈ। ਇਹ ਪਲਾਨ ਉਹਨਾਂ ਯੂਜ਼ਰਜ਼ ਲਈ ਹੈ ਜੋ ਲੰਬੀ ਵੈਲੀਡਿਟੀ ਚਾਹੁੰਦੇ ਹਨ। ਇਸ ਪਲਾਨ ਵਿੱਚ 330 ਦਿਨਾਂ ਦੀ ਵੈਲੀਡਿਟੀ, ਅਨਲਿਮਟਿਡ ਕਾਲਿੰਗ, ਹਰ ਰੋਜ਼ 1.5GB ਡੇਟਾ ਅਤੇ ਰੋਜ਼ਾਨਾ 100 SMS ਭੇਜਣ ਦੀ ਸੁਵਿਧਾ ਮਿਲ ਰਹੀ ਹੈ। ਜਦਕਿ ਫਾਦਰਸ ਡੇਅ ਆਫਰ ਦੇ ਤਹਿਤ ਇਸ ਪਲਾਨ ਵਿੱਚ ਐਕਸਟਰਾ 10GB ਬੋਨਸ ਡੇਟਾ ਵੀ ਮਿਲ ਰਿਹਾ ਹੈ।

ਸੀਮਤ ਸਮੇਂ ਲਈ ਆਫਰ

ਕੰਪਨੀ ਨੇ ਇਹ ਸਾਫ਼ ਸ਼ਬਦਾਂ ਵਿੱਚ ਕਿਹਾ ਹੈ ਕਿ ਇਹ ਪ੍ਰੋਮੋਸ਼ਨਲ ਆਫਰ ਸਿਰਫ਼ 21 ਜੂਨ ਤੋਂ 30 ਜੂਨ ਦੇ ਵਿਚਕਾਰ ਕੀਤੇ ਗਏ ਰੀਚਾਰਜਾਂ 'ਤੇ ਹੀ ਮਿਲੇਗਾ। ਅਜਿਹੇ ਵਿੱਚ ਜੋ ਗਾਹਕ ਆਉਣ ਵਾਲੇ ਕੁਝ ਦਿਨਾਂ ਵਿੱਚ ਇਹਨਾਂ ਵਿੱਚੋਂ ਕੋਈ ਪਲਾਨ ਚੁਣਦੇ ਹਨ, ਉਹ ਇਸ ਐਕਸਟਰਾ ਡੇਟਾ ਦਾ ਲਾਭ ਉਠਾ ਸਕਦੇ ਹਨ।