BSNL ਦਾ ਧਮਾਕੇਦਾਰ ਪਲਾਨ! 40 ਰੁਪਏ ਤੋਂ ਘੱਟ ’ਚ ਮਿਲੇਗਾ 20GB ਡਾਟਾ, ਜਾਣੋ ਕਿਵੇਂ ਲੈਣਾ ਹੈ ਫਾਇਦਾ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਭਾਰਤ ਦੀ ਸਰਕਾਰੀ ਟੈਲੀਕਾਮ ਆਪਰੇਟਰ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਯੂਜ਼ਰਜ਼ ਨੂੰ ਇਕ ਅਜਿਹਾ ਪ੍ਰੀਪੇਡ ਪਲਾਨ ਆਫਰ ਕਰਦਾ ਹੈ ਜਿਸ ਵਿਚ 40 ਰੁਪਏ ਤੋਂ ਘੱਟ ਕੀਮਤ 'ਚ 20GB ਡਾਟਾ ਮਿਲਦਾ ਹੈ। ਇੱਥੇ ਅਸੀਂ ਜਿਸ ਪਲਾਨ ਦੀ ਗੱਲ ਕਰ ਰਹੇ ਹਾਂ, ਉਹ ਇਕ ਡਾਟਾ ਵਾਊਚਰ ਹੈ। ਜੇਕਰ ਤੁਸੀਂ ਇੱਕੋ ਦਿਨ ਵਿਚ ਭਾਰੀ ਡਾਟਾ ਇਸਤੇਮਾਲ ਲਈ ਕੋਈ ਡਾਟਾ ਵਾਊਚਰ ਲੱਭ ਰਹੇ ਹੋ ਤਾਂ ਇਹ ਇਕ ਬਿਹਤਰੀਨ ਪਲਾਨ ਹੈ। ਇਸ ਪਲਾਨ ਨਾਲ ਰੀਚਾਰਜ ਕਰਨ ਲਈ ਤੁਹਾਡੇ ਕੋਲ ਪਹਿਲਾਂ ਤੋਂ ਇਕ ਐਕਟਿਵ ਸਰਵਿਸ ਵੈਲਿਡਿਟੀ ਵਾਲਾ ਪਲਾਨ ਹੋਣਾ ਜ਼ਰੂਰੀ ਹੈ। ਜਿਸ ਪਲਾਨ ਦੀ ਅਸੀਂ ਗੱਲ ਕਰ ਰਹੇ ਹਾਂ, ਉਸ ਦੀ ਕੀਮਤ 39 ਰੁਪਏ ਹੈ। ਇਹ ਵਾਊਚਰ ਸਿਰਫ਼ 39 ਰੁਪਏ ਵਿਚ 20GB ਡਾਟਾ ਆਫਰ ਕਰਦਾ ਹੈ। ਆਓ ਹੇਠਾਂ ਇਸ ਪਲਾਨ ਦੇ ਸਾਰੇ ਬੈਨੇਫਿਟਸ ਨੂੰ ਡਿਟੇਲ 'ਚ ਸਮਝਦੇ ਹਾਂ।

BSNL ਦੇ 39 ਰੁਪਏ ਵਾਲੇ ਪਲਾਨ ਦੇ ਬੈਨੇਫਿਟਸ

BSNL ਦਾ 39 ਰੁਪਏ ਵਾਲਾ ਪਲਾਨ 20GB ਡਾਟਾ ਦੇ ਨਾਲ ਆਉਂਦਾ ਹੈ। ਇਹ ਪਲਾਨ ਸਿਰਫ਼ 1 ਦਿਨ ਦੀ ਵੈਲਿਡਿਟੀ ਦੇ ਨਾਲ ਆਉਂਦਾ ਹੈ। ਇਸ ਤਰ੍ਹਾਂ ਇਹ ਭਰਪੂਰ ਡਾਟਾ ਦੇਣ ਦੇ ਨਾਲ-ਨਾਲ ਕਾਫ਼ੀ ਕਿਫਾਇਤੀ ਵੀ ਸਾਬਤ ਹੁੰਦਾ ਹੈ। FUP (ਫੇਅਰ ਯੂਜ਼ੇਜ਼ ਪਾਲਿਸੀ) ਡਾਟਾ ਲਿਮਟ ਖ਼ਤਮ ਹੋਣ ਤੋਂ ਬਾਅਦ ਇੰਟਰਨੈੱਟ ਦੀ ਸਪੀਡ ਘਟ ਕੇ 40 Kbps ਰਹਿ ਜਾਂਦੀ ਹੈ ਕਿਉਂਕਿ ਇਹ ਇਕ ਡਾਟਾ ਵਾਊਚਰ ਹੈ, ਇਸ ਲਈ ਤੁਸੀਂ ਇਸ ਨੂੰ ਸਿਰਫ਼ ਇਕ ਐਕਟਿਵ ਸਰਵਿਸ ਵੈਲਿਡਿਟੀ ਵਾਲੇ ਪ੍ਰੀਪੇਡ ਪਲਾਨ ’ਤੇ ਹੀ ਰੀਚਾਰਜ ਕਰ ਸਕਦੇ ਹੋ।

ਇਸ ਤੋਂ ਇਲਾਵਾ ਕੰਪਨੀ ਕੋਲ 19 ਰੁਪਏ ਵਾਲਾ ਪਲਾਨ ਵੀ ਉਪਲਬਧ ਹੈ ਜਿਸ ਨਾਲ ਤੁਸੀਂ ਰੀਚਾਰਜ ਕਰ ਸਕਦੇ ਹੋ। ਇਹ ਯੂਜ਼ਰਜ਼ ਲਈ ਸਭ ਤੋਂ ਸਸਤਾ ਡਾਟਾ ਵਾਊਚਰ ਹੈ। ਕੰਪਨੀ ਦਾ 19 ਰੁਪਏ ਵਾਲਾ ਪਲਾਨ ਵੀ 1 ਦਿਨ ਦੀ ਵੈਲਿਡਿਟੀ ਦੇ ਨਾਲ ਆਉਂਦਾ ਹੈ। ਇਸ ਪਲਾਨ 'ਚ 2GB ਡਾਟਾ ਮਿਲਦਾ ਹੈ। ਦੋਵੇਂ ਹੀ ਪਲਾਨ 1 ਦਿਨ ਦੀ ਵੈਲਿਡਿਟੀ ਦੇ ਨਾਲ ਆਉਂਦੇ ਹਨ, ਪਰ 39 ਰੁਪਏ ਵਾਲੇ ਪਲਾਨ 'ਚ 20GB ਡਾਟਾ ਅਤੇ 19 ਰੁਪਏ ਵਾਲੇ ਪਲਾਨ 'ਚ 2GB ਡਾਟਾ ਦਿੱਤਾ ਜਾਂਦਾ ਹੈ।

ਇਹ ਦੋਵੇਂ ਡਾਟਾ ਵਾਊਚਰ ਦੇਸ਼ ਦੇ ਸਾਰੇ ਟੈਲੀਕਾਮ ਸਰਕਲਾਂ 'ਚ ਉਪਲਬਧ ਹਨ। ਇਸ ਤੋਂ ਇਲਾਵਾ ਇਕ 58 ਰੁਪਏ ਵਾਲਾ ਪਲਾਨ ਵੀ ਹੈ ਜਿਸ ਵਿਚ ਯੂਜ਼ਰਜ਼ ਨੂੰ 7 ਦਿਨਾਂ ਦੀ ਵੈਲਿਡਿਟੀ ਮਿਲਦੀ ਹੈ। ਇਹ ਪਲਾਨ 8GB ਡਾਟਾ ਦੇ ਨਾਲ ਆਉਂਦਾ ਹੈ। ਜੇਕਰ ਤੁਹਾਨੂੰ ਥੋੜ੍ਹੇ ਲੰਬੇ ਸਮੇਂ ਲਈ ਕੁਝ ਐਕਸਟਰਾ ਡਾਟਾ ਚਾਹੀਦਾ ਹੈ ਤਾਂ ਇਹ ਪਲਾਨ ਕਾਫ਼ੀ ਵਧੀਆ ਹੈ। FUP ਡਾਟਾ ਖ਼ਤਮ ਹੋਣ ਤੋਂ ਬਾਅਦ ਇਸ ਵਿੱਚ ਵੀ ਸਪੀਡ ਘਟ ਕੇ 40 Kbps ਹੋ ਜਾਂਦੀ ਹੈ।