Bajaj ਇਸ ਸਾਲ ਲਾਂਚ ਕਰ ਸਕਦਾ ਹੈ ਨਵੀਂ Adventure ਬਾਈਕ, ਜਾਣੋ ਕਿੰਨੀ ਹੋਵੇਗੀ ਕੀਮਤ, ਇੰਜਣ ਅਤੇ ਪਾਵਰ

ਆਟੋ ਡੈਸਕ, ਨਵੀਂ ਦਿੱਲੀ : Bajaj ਦੀ ਪਹਿਲੀ Adventure Bike ਆਪਣੇ ਲਾਂਚ ਤੋਂ ਬਸ ਕੁਝ ਹੀ ਮਹੀਨੇ ਦੂਰ ਹੈ। ਇਸ ਨਵੀਂ ਐਡਵੈਂਚਰ ਬਾਈਕ ਨੂੰ ਸਭ ਤੋਂ ਪਹਿਲਾਂ ਬ੍ਰਾਜ਼ੀਲ 'ਚ ਪੇਸ਼ ਕੀਤਾ ਜਾਵੇਗਾ, ਜਿਸ ਤੋਂ ਬਾਅਦ ਇਸ ਨੂੰ ਭਾਰਤ 'ਚ ਲਾਂਚ ਕੀਤਾ ਜਾਵੇਗਾ। ਭਾਰਤੀ ਬਾਜ਼ਾਰ 'ਚ ਆਉਣ ਤੋਂ ਬਾਅਦ Bajaj ਦੀ ਇਹ ਨਵੀਂ ਐਡਵੈਂਚਰ ਬਾਈਕ ਖ਼ਾਸ ਤੌਰ ’ਤੇ Hero Xpulse 210, Yezdi Adventure ਅਤੇ Suzuki V-Strom SX ਵਰਗੀਆਂ ਗੱਡੀਆਂ ਨੂੰ ਟੱਕਰ ਦੇਵੇਗੀ।

ਕਿਸ ਨਾਮ ਨਾਲ ਹੋਵੇਗੀ ਲਾਂਚ?

Bajaj ਬ੍ਰਾਜ਼ੀਲ ਦੇ ਕਾਰਜਕਾਰੀ ਨਿਰਦੇਸ਼ਕ Waldyr Ferreira ਨੇ ਕਿਹਾ ਕਿ ਨਵੀਂ ਐਡਵੈਂਚਰ ਬਾਈਕ ਨੂੰ ਦਸੰਬਰ 2026 'ਚ ਪੇਸ਼ ਕੀਤਾ ਜਾ ਸਕਦਾ ਹੈ। ਭਾਰਤ ਵਿੱਚ ਇਸ ਦੀ ਲਾਂਚ ਦੀਵਾਲੀ ਦੇ ਆਸ-ਪਾਸ ਹੋ ਸਕਦੀ ਹੈ। ਇਹ ਨਵੀਂ ਬਾਈਕ Trekker ਨਾਮ ਨਾਲ ਬਾਜ਼ਾਰ ਵਿਚ ਵਿਕਰੀ ਲਈ ਆ ਸਕਦੀ ਹੈ।

ਡਿਜ਼ਾਈਨ ਤੇ ਸਸਪੈਂਸ਼ਨ

Bajaj ਦੀ ਐਡਵੈਂਚਰ ਬਾਈਕ 'ਚ ਉੱਠਿਆ ਹੋਇਆ ਫਰੰਟ ਫੈਂਡਰ, ਉੱਪਰ ਵੱਲ ਲੱਗਾ ਹੈਂਡਲਬਾਰ, ਲੰਬੀ ਸਿੰਗਲ-ਪੀਸ ਸੀਟ ਤੇ ਇਕ ਸਲਿਮ ਮਿਡ-ਸੈਕਸ਼ਨ ਵਰਗਾ ਐਡਵੈਂਚਰ ਬਾਈਕ ਵਾਲਾ ਡਿਜ਼ਾਈਨ ਦਿੱਤਾ ਗਿਆ ਹੈ। ਇਸ ਬਾਈਕ 'ਚ 250cc ਇੰਜਣ ਮਿਲਣ ਦੀ ਉਮੀਦ ਹੈ ਤੇ ਕਿਉਂਕਿ ਇਸ ਨੂੰ Bajaj Pulsar N250 ਦੇ ਨਾਲ ਟੈਸਟ ਕਰਦੇ ਦੇਖਿਆ ਗਿਆ ਹੈ, ਇਸ ਲਈ ਇਸ ਵਿਚ ਏਅਰ/ਆਇਲ ਕੂਲਡ ਯੂਨਿਟ ਮਿਲਣ ਦੀ ਉਮੀਦ ਹੈ।

ਟੈਸਟਿੰਗ ਤੇ ਫੀਚਰਜ਼

Bajaj ਦੀ ਨਵੀਂ ਐਡਵੈਂਚਰ ਬਾਈਕ ਦੇ ਟੈਸਟ ਮਿਊਲ ਨੂੰ ਭਾਰਤ 'ਚ ਪਹਿਲਾਂ ਹੀ ਦੇਖਿਆ ਜਾ ਚੁੱਕਾ ਹੈ। ਇਸ ਵਿਚ ਸਾੜੀ ਗਾਰਡ ਦੀ ਮੌਜੂਦਗੀ ਇਹ ਸੰਕੇਤ ਦਿੰਦੀ ਹੈ ਕਿ ਇਸ ਬਾਈਕ ਨੂੰ ਭਾਰਤ ਵਿੱਚ ਲਾਂਚ ਕਰਨ ਦੀ ਯੋਜਨਾ ਹੈ। ਬ੍ਰਾਜ਼ੀਲ ਦੇ ਬਾਜ਼ਾਰ ਲਈ ਜ਼ਿਆਦਾਤਰ Bajaj ਬਾਈਕ CKD ਦੇ ਤੌਰ ’ਤੇ ਬਰਾਮਦ ਕੀਤੀਆਂ ਜਾਂਦੀਆਂ ਹਨ।

Bajaj ਦੀ ਨਵੀਂ ਐਡਵੈਂਚਰ ਬਾਈਕ ਵਿੱਚ ਫਰੰਟ ਬੀਕ ਅਤੇ ਫੋਰਕ ਗੇਟਰਜ਼ ਵਰਗੇ ਸਿਗਨੇਚਰ ਐਡਵੈਂਚਰ ਫੀਚਰਜ਼ ਦਿੱਤੇ ਗਏ ਹਨ। ਇਸ ਦੇ ਸੈਟਅਪ 'ਚ ਅੱਗੇ 19-ਇੰਚ ਅਤੇ ਪਿੱਛੇ 17-ਇੰਚ ਦਾ ਵ੍ਹੀਲ ਹੋ ਸਕਦਾ ਹੈ, ਜਿਸ ਵਿੱਚ ਟਿਊਬ ਵਾਲੇ ਟਾਇਰ ਮਿਲਣ ਦੀ ਸੰਭਾਵਨਾ ਹੈ।

ਕਿਹੋ ਜਿਹਾ ਹੋਵੇਗਾ ਡਿਜ਼ਾਈਨ?

ਹਾਲਾਂਕਿ ਟੈਸਟ ਮਿਊਲ ਨੂੰ ਚੰਗੀ ਤਰ੍ਹਾਂ ਕਵਰ ਕੀਤਾ ਗਿਆ ਸੀ, ਫਿਰ ਵੀ ਇਕ ਸਕਲਪਟਿਡ ਫਿਊਲ ਟੈਂਕ ਡਿਜ਼ਾਈਨ ਸਾਫ਼ ਦੇਖਿਆ ਜਾ ਸਕਦਾ ਹੈ। ਇਸ ਵਿਚ ਸ਼ਾਰਪ ਟੈਂਕ ਐਕਸਟੈਂਸ਼ਨ ਵੀ ਨਜ਼ਰ ਆਉਂਦੇ ਹਨ। ਬਾਈਕ 'ਚ ਇਕ ਸਿੰਗਲ-ਪੀਸ ਸੀਟ ਦਾ ਇਸਤੇਮਾਲ ਕੀਤਾ ਗਿਆ ਹੈ, ਜੋ ਰਾਈਡਰ ਅਤੇ ਪਿੱਛੇ ਬੈਠਣ ਵਾਲੇ ਲਈ ਵੱਡੀ ਜਗ੍ਹਾ ਦੇ ਨਾਲ ਕਾਫ਼ੀ ਲੰਬੀ ਹੈ। ਇਸ ਵਿਚ ਇਕ ਹਾਈ-ਮਾਊਂਟਡ ਐਗਜ਼ਾਸਟ ਦਾ ਇਸਤੇਮਾਲ ਕੀਤਾ ਗਿਆ ਹੈ।

ਇੰਜਣ, ਪਾਵਰ ਤੇ ਕੀਮਤ

ਇੰਜਣ ਦੀ ਜਾਣਕਾਰੀ ਹਾਲੇ ਤਕ ਸਾਹਮਣੇ ਨਹੀਂ ਆਈ ਹੈ, ਪਰ ਉਮੀਦ ਹੈ ਕਿ ਇਸ ਵਿਚ Pulsar N250 ਵਾਲਾ ਏਅਰ/ਆਇਲ ਕੂਲਡ ਇੰਜਣ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਇਹ ਇੰਜਣ 24.5 PS ਦੀ ਪਾਵਰ ਅਤੇ 21.5 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਨੂੰ 5-ਸਪੀਡ ਕਾਂਸਟੈਂਟ ਮੈਸ਼ ਟ੍ਰਾਂਸਮਿਸ਼ਨ ਨਾਲ ਜੋੜਿਆ ਗਿਆ ਹੈ। Bajaj ਇਸ ਬਾਈਕ ਨੂੰ ਲਗਪਗ 2 ਲੱਖ ਰੁਪਏ ਦੀ ਕੀਮਤ ’ਤੇ ਲਾਂਚ ਕਰ ਸਕਦਾ ਹੈ।