TVS Apache RTX ਦੀ ਬੁਕਿੰਗ ਤਾਂ ਕਰ ਲਈ, ਪਰ ਕਦੋਂ ਮਿਲੇਗੀ ਚਾਬੀ? ਡਿਲੀਵਰੀ ਟਾਈਮਲਾਈਨ 'ਤੇ ਮਿਲਿਆ ਇਹ ਅਪਡੇਟ
ਨਿਰਮਾਤਾ ਵੱਲੋਂ ਕੁਝ ਸਮੇਂ ਪਹਿਲਾਂ ਹੀ 300 ਸੀਸੀ ਐਡਵੈਂਚਰ ਮੋਟਰਸਾਈਕਲ ਵਜੋਂ TVS Apache RTX 300 ਨੂੰ ਲਾਂਚ ਕੀਤਾ ਗਿਆ ਸੀ। ਮੀਡੀਆ ਰਿਪੋਰਟਾਂ ਅਨੁਸਾਰ ਇਸ 'ਤੇ ਕਿੰਨਾ ਵੇਟਿੰਗ ਪੀਰੀਅਡ (ਉਡੀਕ ਸਮਾਂ) ਹੋ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
Posted By Sandip Kaur
Publish Date: Thu, 19 Feb 2026 12:37 PM (IST)
Updated Date: Thu, 19 Feb 2026 12:40 PM (IST)
ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਦੀ ਪ੍ਰਮੁੱਖ ਦੋ ਪਹੀਆ ਵਾਹਨ ਨਿਰਮਾਤਾ ਕੰਪਨੀ ਟੀਵੀਐੱਸ (TVS) ਵੱਲੋਂ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਕੁਝ ਸਮੇਂ ਪਹਿਲਾਂ ਹੀ 300 ਸੀਸੀ ਐਡਵੈਂਚਰ ਮੋਟਰਸਾਈਕਲ ਵਜੋਂ TVS Apache RTX 300 ਨੂੰ ਲਾਂਚ ਕੀਤਾ ਗਿਆ ਸੀ। ਮੀਡੀਆ ਰਿਪੋਰਟਾਂ ਅਨੁਸਾਰ ਇਸ 'ਤੇ ਕਿੰਨਾ ਵੇਟਿੰਗ ਪੀਰੀਅਡ (ਉਡੀਕ ਸਮਾਂ) ਹੋ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
TVS ਕਰਦੀ ਹੈ Apache RTX 300 ਨੂੰ ਆਫ਼ਰ
ਟੀਵੀਐੱਸ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਨਵੀਂ ਐਡਵੈਂਚਰ ਮੋਟਰਸਾਈਕਲ ਵਜੋਂ ਅਪਾਚੇ ਆਰਟੀਐਕਸ 300 ਨੂੰ ਆਫ਼ਰ ਕੀਤਾ ਜਾਂਦਾ ਹੈ। ਨਿਰਮਾਤਾ ਨੇ ਇਸ ਮੋਟਰਸਾਈਕਲ ਨੂੰ 2025 ਵਿੱਚ ਹੀ ਬਾਜ਼ਾਰ ਵਿੱਚ ਲਾਂਚ ਕੀਤਾ ਹੈ।
ਕਿੰਨਾ ਹੈ ਵੇਟਿੰਗ ਪੀਰੀਅਡ
ਮੀਡੀਆ ਰਿਪੋਰਟਾਂ ਮੁਤਾਬਕ ਜੇਕਰ ਤੁਸੀਂ ਇਸ ਮੋਟਰਸਾਈਕਲ ਨੂੰ ਖਰੀਦਣ ਦੀ ਤਿਆਰੀ ਕਰ ਰਹੇ ਹੋ, ਤਾਂ ਇਸਦੇ ਲਈ ਤਿੰਨ ਮਹੀਨਿਆਂ ਤੱਕ ਦਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਇਸ ਮੋਟਰਸਾਈਕਲ ਦੇ ਵੇਟਿੰਗ ਪੀਰੀਅਡ 'ਤੇ ਨਿਰਮਾਤਾ ਵੱਲੋਂ ਕੋਈ ਰਸਮੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਹਾਲਾਂਕਿ, ਵੱਖ-ਵੱਖ ਸ਼ੋਅਰੂਮਾਂ 'ਤੇ ਇਸ ਵਿੱਚ ਅੰਤਰ ਵੀ ਹੋ ਸਕਦਾ ਹੈ।
ਕਿੰਨਾ ਦਮਦਾਰ ਇੰਜਣ
ਟੀਵੀਐੱਸ ਵੱਲੋਂ ਅਪਾਚੇ ਆਰਟੀਐਕਸ 300 ਵਿੱਚ ਦਮਦਾਰ ਇੰਜਣ ਦਿੱਤਾ ਜਾਂਦਾ ਹੈ। ਇਸ ਮੋਟਰਸਾਈਕਲ ਵਿੱਚ 299 ਸੀਸੀ ਦੀ ਸਮਰੱਥਾ ਦਾ ਸਿੰਗਲ ਸਿਲੰਡਰ ਇੰਜਣ ਮਿਲਦਾ ਹੈ, ਜਿਸ ਨਾਲ ਇਸ ਨੂੰ 35.5 ਹਾਰਸ ਪਾਵਰ ਦੇ ਨਾਲ 28.5 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ। ਇਸ ਵਿੱਚ ਛੇ-ਸਪੀਡ ਟ੍ਰਾਂਸਮਿਸ਼ਨ ਦਿੱਤਾ ਜਾਂਦਾ ਹੈ, ਜਿਸ ਦੇ ਨਾਲ ਅਸਿਸਟ ਅਤੇ ਸਲਿਪਰ ਕਲੱਚ ਦਿੱਤਾ ਗਿਆ ਹੈ।
ਕਿਵੇਂ ਹਨ ਫੀਚਰਜ਼
ਨਿਰਮਾਤਾ ਵੱਲੋਂ ਇਸ ਮੋਟਰਸਾਈਕਲ ਵਿੱਚ LED ਲਾਈਟਾਂ, ਲੰਬੀ ਵਿੰਡਸਕ੍ਰੀਨ, ਸਪਲਿਟ ਸੀਟਾਂ, ਲਗੇਜ ਰੈਕ, ਕਲਰਡ TFT ਡਿਸਪਲੇਅ, ਨੇਵੀਗੇਸ਼ਨ ਸਪੋਰਟ, ਟੂਰ, ਰੈਲੀ, ਅਰਬਨ ਅਤੇ ਰੇਨ ਰਾਈਡਿੰਗ ਮੋਡ, ABS, ਟ੍ਰੈਕਸ਼ਨ ਕੰਟਰੋਲ, ਕਰੂਜ਼ ਕੰਟਰੋਲ ਅਤੇ TPMS ਵਰਗੇ ਫੀਚਰਸ ਦਿੱਤੇ ਗਏ ਹਨ।
ਕਿੰਨੀ ਹੈ ਕੀਮਤ
ਟੀਵੀਐੱਸ ਵੱਲੋਂ ਅਪਾਚੇ ਆਰਟੀਐਕਸ 300 ਨੂੰ ਭਾਰਤ ਵਿੱਚ 1.99 ਲੱਖ ਰੁਪਏ ਦੀ ਐਕਸ-ਸ਼ੋਅਰੂਮ ਕੀਮਤ 'ਤੇ ਆਫ਼ਰ ਕੀਤਾ ਜਾ ਰਿਹਾ ਹੈ। ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਅਰੂਮ ਕੀਮਤ 2.34 ਲੱਖ ਰੁਪਏ ਹੈ।