- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Ather Konarc S vs TVS iQube: ਕੀਮਤ, ਰੇਂਜ ਤੇ ਫੀਚਰਜ਼ ਦੇ ਮਾਮਲੇ 'ਚ ਕੌਣ ਕਿਸ 'ਤੇ ਭਾਰੀ?
ਉੱਥੇ ਹੀ, ਟੀ.ਵੀ.ਐੱਸ. ਵੱਲੋਂ ਆਈਕਿਊਬ ਦੇ ਬੇਸ ਵੇਰੀਐਂਟ ਵਿੱਚ LED ਹੈਡਲਾਈਟ, ਡ੍ਰਮ ਬ੍ਰੇਕ, ਰਿਵਰਸ ਅਸਿਸਟ, 12.7 ਸੈਂਟੀਮੀਟਰ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, Eco ਅਤੇ Power ਮੋਡ, 30 ਲੀਟਰ ਬੂਟ ਸਪੇਸ, ਬਲੂਟੁੱਥ ਕਨੈਕਟੀਵਿਟੀ, ਟਰਨ-ਬਾਈ-ਟਰਨ ਨੇਵੀਗੇਸ਼ਨ, ਮੋਬਾਈਲ ਚਾਰਜਿੰਗ ਪੋਰਟ ਵਰਗੇ ਫੀਚਰਜ਼ ਦਿੱਤੇ ਜਾਂਦੇ ਹਨ।
Posted By Neha Diwan
Publish Date: Sun, 06 Sep 2026 10:44 AM (IST)
Updated Date: Sun, 06 Sep 2026 10:51 AM (IST)
ਆਟੋ ਡੈਸਕ, ਨਵੀਂ ਦਿੱਲੀ। ਭਾਰਤੀ ਬਾਜ਼ਾਰ ਵਿੱਚ ਇਲੈਕਟ੍ਰਿਕ ਦੋ-ਪਹੀਆ ਵਾਹਨਾਂ ਦੀ ਮੰਗ ਲਗਾਤਾਰ ਵਧ ਰਹੀ ਹੈ। ਜਿਸ ਨੂੰ ਦੇਖਦੇ ਹੋਏ ਕਈ ਨਿਰਮਾਤਾਵਾਂ ਵੱਲੋਂ ਨਵੇਂ ਬਦਲ ਪੇਸ਼ ਅਤੇ ਲਾਂਚ ਕੀਤੇ ਜਾ ਰਹੇ ਹਨ। ਏਥਰ (Ather) ਵੱਲੋਂ ਵੀ ਹਾਲ ਹੀ ਵਿੱਚ ਨਵੇਂ ਇਲੈਕਟ੍ਰਿਕ ਸਕੂਟਰ ਵਜੋਂ 'ਕੋਨਾਰਕ' (Konarc) ਨੂੰ ਲਾਂਚ ਕੀਤਾ ਗਿਆ ਹੈ। ਜਿਸ ਦਾ ਮੁਕਾਬਲਾ ਟੀ.ਵੀ.ਐੱਸ. (TVS) ਦੇ ਆਈਕਿਊਬ (iQube) ਨਾਲ ਹੋਵੇਗਾ। ਦੋਵਾਂ ਇਲੈਕਟ੍ਰਿਕ ਸਕੂਟਰਾਂ ਵਿੱਚ ਰੇਂਜ, ਫੀਚਰਜ਼ ਅਤੇ ਕੀਮਤ ਦੇ ਮਾਮਲੇ ਵਿੱਚ ਕਿਸ ਨੂੰ ਖਰੀਦਣਾ ਬਿਹਤਰ ਬਦਲ (Ather Konarc S Vs TVS iQube) ਹੋ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।
Ather Konarc Vs TVS iQube ਫੀਚਰਜ਼
ਏਥਰ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਕੋਨਾਰਕ ਨੂੰ ਫੈਮਲੀ ਸਕੂਟਰ ਦੇ ਤੌਰ 'ਤੇ ਪੇਸ਼ ਕੀਤਾ ਗਿਆ ਹੈ। ਇਸ ਸਕੂਟਰ ਦੇ ਬੇਸ ਵੇਰੀਐਂਟ 'ਐੱਸ' (S) ਵਿੱਚ LED ਹੈਡਲਾਈਟ, LED DRL, ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਅੱਗੇ 14 ਇੰਚ ਟਾਇਰ, ਪਿੱਛੇ 12 ਇੰਚ ਟਾਇਰ, SmartEco, Eco ਅਤੇ Power ਮੋਡਸ, ਡ੍ਰਮ ਬ੍ਰੇਕ, 31 ਲੀਟਰ ਬੂਟ ਸਪੇਸ, ਰਿਵਰਸ ਪਾਰਕ ਅਸਿਸਟ, ਆਟੋ ਹੋਲਡ, USB ਪੋਰਟ ਵਰਗੇ ਫੀਚਰਜ਼ ਅਤੇ ਮੈਟਲ ਬਾਡੀ ਦਿੱਤੀ ਜਾਂਦੀ ਹੈ।
ਉੱਥੇ ਹੀ, ਟੀ.ਵੀ.ਐੱਸ. ਵੱਲੋਂ ਆਈਕਿਊਬ ਦੇ ਬੇਸ ਵੇਰੀਐਂਟ ਵਿੱਚ LED ਹੈਡਲਾਈਟ, ਡ੍ਰਮ ਬ੍ਰੇਕ, ਰਿਵਰਸ ਅਸਿਸਟ, 12.7 ਸੈਂਟੀਮੀਟਰ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, Eco ਅਤੇ Power ਮੋਡ, 30 ਲੀਟਰ ਬੂਟ ਸਪੇਸ, ਬਲੂਟੁੱਥ ਕਨੈਕਟੀਵਿਟੀ, ਟਰਨ-ਬਾਈ-ਟਰਨ ਨੇਵੀਗੇਸ਼ਨ, ਮੋਬਾਈਲ ਚਾਰਜਿੰਗ ਪੋਰਟ ਵਰਗੇ ਫੀਚਰਜ਼ ਦਿੱਤੇ ਜਾਂਦੇ ਹਨ।
Ather Konarc Vs TVS iQube ਰੇਂਜ
ਏਥਰ ਕੋਨਾਰਕ ਦੇ ਬੇਸ ਵੇਰੀਐਂਟ 'ਐੱਸ' ਵਿੱਚ 2.1 kWh ਸਮਰੱਥਾ ਦੀ ਬੈਟਰੀ ਦਿੱਤੀ ਗਈ ਹੈ। ਇਸ ਬੈਟਰੀ ਨਾਲ ਸਕੂਟਰ ਨੂੰ ਸਿੰਗਲ ਚਾਰਜ ਵਿੱਚ 100 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਸਕਦੀ ਹੈ। ਇਸ ਵਿੱਚ ਦਿੱਤੀ ਗਈ ਮੋਟਰ ਤੋਂ 4 ਕਿਲੋਵਾਟ ਦੀ ਪਾਵਰ ਅਤੇ 16 ਨਿਊਟਨ ਮੀਟਰ ਟਾਰਕ ਮਿਲਦਾ ਹੈ। ਇਸ ਨੂੰ 450 ਵਾਟ ਚਾਰਜਰ ਨਾਲ 4.5 ਘੰਟਿਆਂ ਵਿੱਚ ਚਾਰਜ ਕੀਤਾ ਜਾ ਸਕਦਾ ਹੈ। ਉੱਥੇ ਹੀ, Ather Grid 10 ਮਿੰਟ ਵਿੱਚ 13 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਜਾਂਦੀ ਹੈ।
ਉੱਥੇ ਹੀ, ਟੀ.ਵੀ.ਐੱਸ. ਆਈਕਿਊਬ ਵਿੱਚ 2.3 kWh ਸਮਰੱਥਾ ਦੀ ਬੈਟਰੀ ਦਿੱਤੀ ਜਾਂਦੀ ਹੈ। ਇਸ ਬੈਟਰੀ ਨਾਲ ਸਕੂਟਰ ਨੂੰ 114 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਜਾਂਦੀ ਹੈ। ਇਸ ਵਿੱਚ ਦਿੱਤੀ ਗਈ ਮੋਟਰ ਤੋਂ ਇਸ ਨੂੰ 3 ਕਿਲੋਵਾਟ ਦੀ ਪਾਵਰ ਅਤੇ 140 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ।
Ather Konarc Vs TVS iQube ਕੀਮਤ
ਏਥਰ ਵੱਲੋਂ ਕੋਨਾਰਕ ਇਲੈਕਟ੍ਰਿਕ ਸਕੂਟਰ ਨੂੰ ਭਾਰਤੀ ਬਾਜ਼ਾਰ ਵਿੱਚ 1 ਲੱਖ ਰੁਪਏ ਦੀ ਐਕਸ ਸ਼ੋਰੂਮ ਕੀਮਤ 'ਤੇ ਪੇਸ਼ ਕੀਤਾ ਗਿਆ ਹੈ। ਇਹ ਕੀਮਤ ਇਸ ਦੇ ਬੇਸ ਵੇਰੀਐਂਟ ਐੱਸ ਦੀ ਹੈ।
ਉੱਥੇ ਹੀ, ਟੀ.ਵੀ.ਐੱਸ. ਵੱਲੋਂ ਆਈਕਿਊਬ ਦੇ ਬੇਸ ਵੇਰੀਐਂਟ ਨੂੰ 1.02 ਲੱਖ ਰੁਪਏ ਦੀ ਐਕਸ-ਸ਼ੋਰੂਮ ਕੀਮਤ 'ਤੇ ਪੇਸ਼ ਕੀਤਾ ਜਾਂਦਾ ਹੈ।