- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
6,000mAh ਬੈਟਰੀ ਵਾਲੇ ਸਸਤੇ 5G ਫੋਨ ਦੀ ਸੇਲ ਕੱਲ੍ਹ ਤੋਂ, 50MP ਕੈਮਰਾ ਤੇ Snapdragon ਪ੍ਰੋਸੈਸਰ ਨਾਲ ਮਚਾਏਗਾ ਧਮਾਲ
ਫੋਨ ’ਚ Snapdragon ਪ੍ਰੋਸੈਸਰ, 90Hz ਡਿਸਪਲੇਅ, 50MP ਕੈਮਰਾ ਅਤੇ 6,000mAh ਬੈਟਰੀ ਵਰਗੇ ਕਈ ਸ਼ਾਨਦਾਰ ਫੀਚਰ ਮਿਲ ਰਹੇ ਹਨ। ਖ਼ਾਸ ਗੱਲ ਇਹ ਹੈ ਕਿ Flipkart Big Billion Days Sale ਦੌਰਾਨ ਫੋਨ ’ਤੇ ਬੈਂਕ ਆਫਰ ਅਤੇ ਡਿਸਕਾਊਂਟ ਵੀ ਮਿਲੇਗਾ। ਆਓ ਇਸ ਦੀ ਕੀਮਤ, ਆਫਰ ਅਤੇ ਸਪੈਸੀਫਿਕੇਸ਼ਨ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...
Posted By Seema Anand
Publish Date: Wed, 07 Oct 2026 04:08 PM (IST)
Updated Date: Wed, 07 Oct 2026 04:10 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Mivi ਨੇ ਪਿਛਲੇ ਮਹੀਨੇ 24 ਸਤੰਬਰ ਨੂੰ ਭਾਰਤੀ ਬਾਜ਼ਾਰ ’ਚ ਆਪਣਾ ਪਹਿਲਾ 5G ਸਮਾਰਟਫੋਨ ਲਾਂਚ ਕੀਤਾ ਸੀ, ਜਿਸ ਨੂੰ Mivi One 5G ਦੇ ਨਾਂ ਨਾਲ ਪੇਸ਼ ਕੀਤਾ ਗਿਆ। ਹੁਣ ਇਸ ਫੋਨ ਦੀ ਪਹਿਲੀ ਸੇਲ ਕੱਲ੍ਹ ਯਾਨੀ 8 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਕੰਪਨੀ ਨੇ ਇਸ ਨੂੰ 15 ਹਜ਼ਾਰ ਰੁਪਏ ਤੋਂ ਘੱਟ ਦੀ ਸ਼ੁਰੂਆਤੀ ਕੀਮਤ ’ਚ ਪੇਸ਼ ਕੀਤਾ ਹੈ।
ਫੋਨ ’ਚ Snapdragon ਪ੍ਰੋਸੈਸਰ, 90Hz ਡਿਸਪਲੇਅ, 50MP ਕੈਮਰਾ ਅਤੇ 6,000mAh ਬੈਟਰੀ ਵਰਗੇ ਕਈ ਸ਼ਾਨਦਾਰ ਫੀਚਰ ਮਿਲ ਰਹੇ ਹਨ। ਖ਼ਾਸ ਗੱਲ ਇਹ ਹੈ ਕਿ Flipkart Big Billion Days Sale ਦੌਰਾਨ ਫੋਨ ’ਤੇ ਬੈਂਕ ਆਫਰ ਅਤੇ ਡਿਸਕਾਊਂਟ ਵੀ ਮਿਲੇਗਾ। ਆਓ ਇਸ ਦੀ ਕੀਮਤ, ਆਫਰ ਅਤੇ ਸਪੈਸੀਫਿਕੇਸ਼ਨ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...
Mivi One 5G ਦੀ ਕੀਮਤ ਅਤੇ ਸੇਲ ਆਫਰ
ਨਵੇਂ Mivi One 5G ਦੀ ਪਹਿਲੀ ਸੇਲ 8 ਅਕਤੂਬਰ ਨੂੰ Flipkart ’ਤੇ ਸ਼ੁਰੂ ਹੋਣ ਜਾ ਰਹੀ ਹੈ। ਡਿਵਾਈਸ ਦੇ 4GB ਰੈਮ ਅਤੇ 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ 14,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਜਦਕਿ ਫੋਨ ਦੇ 6GB + 128GB ਵੇਰੀਐਂਟ ਦੀ ਕੀਮਤ 15,999 ਰੁਪਏ ਅਤੇ 8GB + 128GB ਵੇਰੀਐਂਟ ਦੀ ਕੀਮਤ 16,999 ਰੁਪਏ ਹੈ।
ਇੰਨਾ ਹੀ ਨਹੀਂ, Flipkart ਦੀ Big Billion Days Sale ਦੌਰਾਨ ਇਹ ਫੋਨ ਸਪੈਸ਼ਲ ਇਫੈਕਟਿਵ ਕੀਮਤ ’ਤੇ ਖਰੀਦਣ ਲਈ ਉਪਲਬਧ ਹੋਵੇਗਾ। ਫੋਨ ਦਾ 4GB + 128GB ਵੇਰੀਐਂਟ ਸੇਲ ਦੌਰਾਨ 11,999 ਰੁਪਏ ਦੀ ਇਫੈਕਟਿਵ ਕੀਮਤ ’ਤੇ ਮਿਲੇਗਾ।
ਇਸੇ ਤਰ੍ਹਾਂ 6GB + 128GB ਵੇਰੀਐਂਟ ਦੀ ਕੀਮਤ 12,999 ਰੁਪਏ ਅਤੇ 8GB + 128GB ਵੇਰੀਐਂਟ ਦੀ ਇਫੈਕਟਿਵ ਕੀਮਤ 13,999 ਰੁਪਏ ਹੋ ਜਾਵੇਗੀ। ਫੋਨ ਨੂੰ ਤੁਸੀਂ ਬਲੂ, ਬਰਗੰਡੀ, ਪਿੰਕ, ਗ੍ਰੀਨ ਅਤੇ ਨੇਵੀ ਬਲੂ ਕਲਰ ਆਪਸ਼ਨ ’ਚ ਖਰੀਦ ਸਕੋਗੇ।
Mivi One 5G ਦੇ ਸਪੈਸੀਫਿਕੇਸ਼ਨ
ਸਪੈਸੀਫਿਕੇਸ਼ਨ ਦੀ ਗੱਲ ਕਰੀਏ ਤਾਂ Mivi One 5G ’ਚ 6.745-ਇੰਚ ਦੀ HD+ ਡਿਸਪਲੇਅ ਮਿਲ ਰਹੀ ਹੈ। ਇਸ ਦੇ ਨਾਲ ਹੀ ਫੋਨ ’ਚ 90Hz ਤੱਕ ਦਾ ਰਿਫ੍ਰੈਸ਼ ਰੇਟ ਸਪੋਰਟ ਵੀ ਮਿਲ ਰਿਹਾ ਹੈ। ਫੋਨ ਦੀ ਡਿਸਪਲੇਅ ’ਤੇ 2.5D ਕਵਰ ਗਲਾਸ ਦਿੱਤਾ ਗਿਆ ਹੈ। ਜਦਕਿ ਪਰਫਾਰਮੈਂਸ ਲਈ ਡਿਵਾਈਸ ’ਚ 4nm ਪ੍ਰੋਸੈਸ ’ਤੇ ਬਣਿਆ Qualcomm Snapdragon 4 Gen 2 5G ਚਿਪਸੈੱਟ ਮਿਲ ਰਿਹਾ ਹੈ। ਡਿਵਾਈਸ ’ਚ 8GB ਤੱਕ ਰੈਮ ਅਤੇ 128GB ਤੱਕ ਸਟੋਰੇਜ ਵੀ ਮਿਲ ਰਹੀ ਹੈ।
ਡਿਵਾਈਸ ’ਚ Mivi Neural ਵੌਇਸ ਇੰਜਣ ’ਤੇ ਆਧਾਰਿਤ Mivi ClearTalk ਫੀਚਰ ਵੀ ਮਿਲ ਰਿਹਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਕਾਲ ਦੌਰਾਨ ਟ੍ਰੈਫਿਕ, ਹਵਾ, ਆਸ-ਪਾਸ ਦੀ ਗੱਲਬਾਤ ਅਤੇ ਮਿਊਜ਼ਿਕ ਵਰਗੇ ਬੈਕਗ੍ਰਾਊਂਡ ਨੌਇਜ਼ ਨੂੰ ਘੱਟ ਕਰ ਸਕਦਾ ਹੈ।
Mivi One 5G ਦੇ ਕੈਮਰਾ ਸਪੈਸੀਫਿਕੇਸ਼ਨ
ਫੋਟੋਗ੍ਰਾਫੀ ਲਈ ਫੋਨ ਦੇ ਰੀਅਰ ਪੈਨਲ ’ਤੇ PDAF ਸਪੋਰਟ ਵਾਲਾ 50MP ਪ੍ਰਾਇਮਰੀ ਕੈਮਰਾ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਫੋਨ ’ਚ ਇੱਕ ਸੈਕੰਡਰੀ ਕੈਮਰਾ ਵੀ ਮਿਲ ਰਿਹਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਡਿਵਾਈਸ ’ਚ 8MP ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ।
ਇਸ ਤੋਂ ਇਲਾਵਾ ਫੋਨ ’ਚ 6,000mAh ਦੀ ਬੈਟਰੀ ਅਤੇ 18W ਚਾਰਜਿੰਗ ਸਪੋਰਟ ਵੀ ਮਿਲ ਰਿਹਾ ਹੈ। ਫੋਨ ਦੀ ਮੋਟਾਈ 9.15mm ਅਤੇ ਭਾਰ 210 ਗ੍ਰਾਮ ਹੈ। ਇਸ ਦੇ ਨਾਲ ਹੀ ਇਸ ’ਚ IP64 ਰੇਟਿੰਗ ਵੀ ਮਿਲ ਰਹੀ ਹੈ, ਜਿਸ ਨਾਲ ਧੂੜ ਅਤੇ ਪਾਣੀ ਤੋਂ ਸੁਰੱਖਿਆ ਮਿਲਦੀ ਹੈ।