- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੋਬਾਈਲ ਯੂਜ਼ਰਜ਼ ਨੂੰ ਵੱਡਾ ਝਟਕਾ ! ਇਸ ਕੰਪਨੀ ਨੇ ਮਹਿੰਗੇ ਕੀਤੇ Postpaid Plan, ਪਰ ਹਰ ਸਾਲ ਮਿਲੇਗਾ ਮੁਫ਼ਤ International Roaming Pack; ਜਾਣੋ ਕੀ-ਕੀ ਮਿਲੇਗਾ ਫਾਇਦਾ
Airtel Pospaid Plans : ਖਾਸ ਗੱਲ ਇਹ ਹੈ ਕਿ ਫੈਮਿਲੀ ਪੋਸਟਪੇਡ ਪਲਾਨ ਦੀ ਵਰਤੋਂ ਕਰਨ ਵਾਲੇ ਗਾਹਕਾਂ ਨੂੰ ਪਰਿਵਾਰ ਦੇ ਹਰ ਮੈਂਬਰ ਲਈ ਇਹ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਬੈਨਿਫਿਟ ਮਿਲੇਗਾ। ਇਸ ਤੋਂ ਇਲਾਵਾ Airtel ਦੇ ਨਵੇਂ ਪੋਸਟਪੇਡ ਪਲਾਨਾਂ 'ਚ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਦੇ ਨਾਲ ਮੌਜੂਦਾ ਬੈਨਿਫਿਟਸ ਵੀ ਜਾਰੀ ਰਹਿਣਗੇ।
Posted By Seema Anand
Publish Date: Wed, 07 Oct 2026 01:19 PM (IST)
Updated Date: Wed, 07 Oct 2026 01:23 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਟੈਲੀਕਾਮ ਕੰਪਨੀ Airtel ਨੇ ਆਪਣੇ ਪੋਸਟਪੇਡ ਪਲਾਨਾਂ 'ਚ ਕੁਝ ਬਦਲਾਅ ਕੀਤਾ ਹੈ। ਇੱਕ ਪਾਸੇ ਕੰਪਨੀ ਨੇ ਪੋਸਟਪੇਡ ਟੈਰਿਫ 'ਚ 50 ਰੁਪਏ ਤੱਕ ਦਾ ਵਾਧਾ ਕਰ ਦਿੱਤਾ ਹੈ, ਉਥੇ ਹੀ ਦੂਜੇ ਪਾਸੇ ਨਵੇਂ ਪਲਾਨਾਂ 'ਚ ਹਰ ਸਾਲ ਇੱਕ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਟ੍ਰਿਪ ਦਾ ਫਾਇਦਾ ਵੀ ਜੋੜ ਦਿੱਤਾ ਹੈ। ਨਵੇਂ ਪਲਾਨ 8 ਅਕਤੂਬਰ 2026 ਤੋਂ ਲਾਗੂ ਹੋ ਜਾਣਗੇ।
ਕੰਪਨੀ ਦਾ ਕਹਿਣਾ ਹੈ ਕਿ ਮੌਜੂਦਾ ਪੋਸਟਪੇਡ ਯੂਜ਼ਰਾਂ ਨੂੰ ਵੀ ਲਗਭਗ ਇੱਕ ਮਹੀਨੇ ਦੇ ਅੰਦਰ ਉਨ੍ਹਾਂ ਦੇ ਮੌਜੂਦਾ ਪਲਾਨ ਦੇ ਸਭ ਤੋਂ ਨੇੜਲੇ ਮਹਿੰਗੇ ਪਲਾਨ 'ਚ ਸ਼ਿਫਟ ਕਰ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਕੰਪਨੀ ਦਾ ਇਹ ਵੀ ਕਹਿਣਾ ਹੈ ਕਿ ਮੁਫ਼ਤ ਮਿਲਣ ਵਾਲੇ ਇੰਟਰਨੈਸ਼ਨਲ ਰੋਮਿੰਗ ਬੈਨਿਫਿਟ ਦੀ ਕੀਮਤ ਲਗਭਗ 2,000 ਰੁਪਏ ਹੈ। ਆਓ ਪਹਿਲਾਂ ਜਾਣਦੇ ਹਾਂ ਕਿ ਇਹ ਰੋਮਿੰਗ ਪੈਕ ਕਿੰਨੇ ਦਿਨਾਂ ਲਈ ਮਿਲੇਗਾ...
ਕਿੰਨੇ ਦਿਨਾਂ ਲਈ ਮਿਲੇਗਾ ਰੋਮਿੰਗ ਪੈਕ?
ਇਸ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਪੈਕ 'ਚ ਗਾਹਕਾਂ ਨੂੰ 5GB ਮੋਬਾਈਲ ਡਾਟਾ ਮਿਲੇਗਾ। ਇਸ ਦੇ ਨਾਲ ਹੀ 60 ਮਿੰਟ ਦੀ ਆਊਟਗੋਇੰਗ ਕਾਲਿੰਗ ਦੀ ਸਹੂਲਤ ਵੀ ਮਿਲੇਗੀ। ਇਸ ਤੋਂ ਇਲਾਵਾ ਇਸ 'ਚ 25 ਆਊਟਗੋਇੰਗ SMS ਅਤੇ ਇਨਕਮਿੰਗ SMS ਦੀ ਸਹੂਲਤ ਵੀ ਮਿਲੇਗੀ। ਇਹ ਪੈਕ 5 ਦਿਨਾਂ ਦੀ ਵੈਲਿਡਿਟੀ ਦੇ ਨਾਲ ਮਿਲੇਗਾ। ਗਾਹਕ ਆਪਣੀ ਲੋੜ ਮੁਤਾਬਕ ਪੂਰੇ ਸਾਲ ਦੌਰਾਨ ਕਿਸੇ ਵੀ ਸਮੇਂ ਇਸ ਮੁਫ਼ਤ ਰੋਮਿੰਗ ਪੈਕ ਨੂੰ ਐਕਟੀਵੇਟ ਕਰ ਸਕਣਗੇ।
ਖਾਸ ਗੱਲ ਇਹ ਹੈ ਕਿ ਫੈਮਿਲੀ ਪੋਸਟਪੇਡ ਪਲਾਨ ਦੀ ਵਰਤੋਂ ਕਰਨ ਵਾਲੇ ਗਾਹਕਾਂ ਨੂੰ ਪਰਿਵਾਰ ਦੇ ਹਰ ਮੈਂਬਰ ਲਈ ਇਹ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਬੈਨਿਫਿਟ ਮਿਲੇਗਾ। ਇਸ ਤੋਂ ਇਲਾਵਾ Airtel ਦੇ ਨਵੇਂ ਪੋਸਟਪੇਡ ਪਲਾਨਾਂ 'ਚ ਮੁਫ਼ਤ ਇੰਟਰਨੈਸ਼ਨਲ ਰੋਮਿੰਗ ਦੇ ਨਾਲ ਮੌਜੂਦਾ ਬੈਨਿਫਿਟਸ ਵੀ ਜਾਰੀ ਰਹਿਣਗੇ।
ਅਨਲਿਮਿਟਡ ਡਾਟਾ ਦੇ ਨਾਲ ਹੋਰ ਬੈਨਿਫਿਟਸ ਵੀ
ਇਨ੍ਹਾਂ ਪਲਾਨਾਂ 'ਚ ਅਨਲਿਮਿਟਡ ਡਾਟਾ, ਫਾਸਟ-ਲੇਨ ਟੈਕਨਾਲੋਜੀ ਅਤੇ ਸਪੈਮ ਤੇ ਫਰਾਡ ਲਿੰਕਾਂ ਤੋਂ ਨੈੱਟਵਰਕ-ਲੈਵਲ ਸੇਫਟੀ ਵਰਗੀਆਂ ਸਹੂਲਤਾਂ ਵੀ ਮਿਲਣਗੀਆਂ। ਇਸ ਤੋਂ ਇਲਾਵਾ ਗਾਹਕਾਂ ਨੂੰ ਐਂਟਰਟੇਨਮੈਂਟ ਸਬਸਕ੍ਰਿਪਸ਼ਨ ਅਤੇ Airtel Postpaid Advantage Club ਰਾਹੀਂ ਕਾਮੇਡੀ ਸ਼ੋਅ, ਫ਼ਿਲਮ ਪ੍ਰੀਮੀਅਰ ਅਤੇ ਕੰਸਰਟ ਵਰਗੇ ਐਕਸਕਲੂਸਿਵ ਐਕਸਪੀਰੀਅੰਸ ਬੈਨਿਫਿਟਸ ਵੀ ਮਿਲਦੇ ਰਹਿਣਗੇ।