- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Neeraj Chopra ਨੂੰ ਹਾਸਲ ਕਰਨਾ ਪਵੇਗਾ ਕੁਆਲੀਫਾਈਂਗ ਮਾਪਦੰਡ
2018 ਰਾਸ਼ਟਰਮੰਡਲ ਖੇਡਾਂ ਦੇ ਸੋਨ ਤਮਗਾ ਜੇਤੂ ਨੀਰਜ ਤੋਂ ਇਲਾਵਾ ਰੋਹਿਤ ਯਾਦਵ ਅਤੇ ਯਸ਼ਵੀਰ ਸਿੰਘ ਨੇ ਵੀ ਸ਼ਨੀਵਾਰ ਨੂੰ ਲੁਧਿਆਣਾ ਵਿੱਚ ਕਰਵਾਈ ਗਈ 'ਇੰਡੀਅਨ ਅਥਲੈਟਿਕਸ ਸੀਰੀਜ਼' ਵਿੱਚ ਕੁਆਲੀਫਾਈਂਗ ਮਾਰਕ ਹਾਸਲ ਕਰਕੇ ਪੁਰਸ਼ ਨੇਜ਼ਾ ਸੁੱਟ ਟੀਮ ਵਿੱਚ ਜਗ੍ਹਾ ਬਣਾਈ ਹੈ।
Posted By alisha
Publish Date: Mon, 15 Jun 2026 03:13 PM (IST)
Updated Date: Mon, 15 Jun 2026 03:17 PM (IST)
ਡਿਜੀਟਲ ਡੈਸਕ, ਜਾਗਰਣ ਦਿੱਲੀ : ਦੋ ਵਾਰ ਦੇ ਓਲੰਪਿਕ ਤਮਗਾ ਜੇਤੂ ਨੇਜ਼ਾ ਸੁੱਟ ਖਿਡਾਰੀ ਨੀਰਜ ਚੋਪੜਾ ਦਾ ਨਾਂ ਐਤਵਾਰ ਨੂੰ ਭਾਰਤ ਦੀ ਰਾਸ਼ਟਰਮੰਡਲ ਖੇਡਾਂ ਦੀ ਅਥਲੈਟਿਕਸ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ। ਹਾਲਾਂਕਿ, ਉਨ੍ਹਾਂ ਦੀ ਅੰਤਿਮ ਚੋਣ ਆਉਣ ਵਾਲੇ ਮੁਕਾਬਲਿਆਂ ਵਿੱਚ 'ਅਥਲੈਟਿਕਸ ਫੈਡਰੇਸ਼ਨ ਆਫ ਇੰਡੀਆ' (AFI) ਵੱਲੋਂ ਤੈਅ ਕੀਤੇ ਗਏ ਕੁਆਲੀਫਾਈਂਗ ਮਾਪਦੰਡ ਹਾਸਲ ਕਰਨ 'ਤੇ ਨਿਰਭਰ ਕਰੇਗੀ।
ਫੈਡਰੇਸ਼ਨ ਦੀ ਅੰਤਿਮ ਚੋਣ ਕਮੇਟੀ ਦੀ ਬੈਠਕ ਤੋਂ ਬਾਅਦ ਐਲਾਨੀ ਗਈ 32 ਮੈਂਬਰੀ ਟੀਮ ਵਿੱਚ ਗੁਰਿੰਦਰਵੀਰ ਸਿੰਘ (100 ਮੀਟਰ), ਅਨਿਮੇਸ਼ ਕੁਜੂਰ (200 ਮੀਟਰ), ਗੁਲਵੀਰ ਸਿੰਘ (5000 ਮੀਟਰ ਅਤੇ 10000 ਮੀਟਰ), ਤੇਜਸਵਿਨ ਸ਼ੰਕਰ (ਡੇਕਾਥਲਾਨ ਅਤੇ ਹਾਈ ਜੰਪ), ਪਾਰੁਲ ਚੌਧਰੀ (3000 ਮੀਟਰ ਸਟੀਪਲਚੇਜ਼) ਅਤੇ ਰੇਸਵਾਕਰ ਪ੍ਰਿਯੰਕਾ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਰਾਸ਼ਟਰਮੰਡਲ ਖੇਡਾਂ 23 ਜੁਲਾਈ ਤੋਂ 2 ਅਗਸਤ ਤੱਕ ਸਕਾਟਲੈਂਡ ਦੇ ਗਲਾਸਗੋ ਵਿੱਚ ਕਰਵਾਈਆਂ ਜਾਣਗੀਆਂ।
ਅਗਲੇ 10 ਦਿਨਾਂ 'ਚ ਵਾਪਸੀ ਕਰ ਸਕਦੇ ਹਨ ਨੀਰਜ
ਨੀਰਜ ਚੋਪੜਾ ਨੇ 2025 ਵਿਸ਼ਵ ਚੈਂਪੀਅਨਸ਼ਿਪ ਤੋਂ ਬਾਅਦ ਕੋਈ ਮੁਕਾਬਲਾ ਨਹੀਂ ਖੇਡਿਆ ਹੈ ਅਤੇ ਉਹ ਪਿੱਠ ਦੀ ਸੱਟ ਤੋਂ ਉਭਰ ਰਹੇ ਸਨ। ਉਨ੍ਹਾਂ ਨੇ ਅਜੇ ਤੱਕ ਆਪਣੇ ਸੀਜ਼ਨ ਦੀ ਸ਼ੁਰੂਆਤ ਨਹੀਂ ਕੀਤੀ ਹੈ ਪਰ ਅਗਲੇ 10 ਦਿਨਾਂ ਵਿੱਚ ਮੁਕਾਬਲੇ ਦੇ ਮੈਦਾਨ 'ਤੇ ਪਰਤਣ ਦੀ ਉਮੀਦ ਹੈ। AFI ਚੋਣ ਕਮੇਟੀ ਦੇ ਚੇਅਰਮੈਨ ਆਦਿਲ ਸੁਮਾਰੀਵਾਲਾ ਨੇ ਇੱਕ ਵਰਚੁਅਲ ਪ੍ਰੈੱਸ ਕਾਨਫਰੰਸ ਵਿੱਚ ਕਿਹਾ ਕਿ ਨੀਰਜ ਹੁਣ ਸੱਟ ਤੋਂ ਪੂਰੀ ਤਰ੍ਹਾਂ ਉਭਰ ਚੁੱਕੇ ਹਨ।
ਉਹ ਫਿੱਟ ਹਨ ਅਤੇ ਅਗਲੇ ਲਗਪਗ 10 ਦਿਨਾਂ ਵਿੱਚ ਕਿਸੇ ਮੁਕਾਬਲੇ ਵਿੱਚ ਹਿੱਸਾ ਲੈਣ ਦੀ ਤਿਆਰੀ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਨੀਰਜ ਨੇ ਬੇਨਤੀ ਕੀਤੀ ਹੈ ਕਿ ਰਾਸ਼ਟਰਮੰਡਲ ਖੇਡਾਂ ਤੋਂ ਪਹਿਲਾਂ ਹੋਣ ਵਾਲੇ ਕੁਝ ਮੁਕਾਬਲਿਆਂ ਵਿੱਚ ਉਨ੍ਹਾਂ ਦੇ ਪ੍ਰਦਰਸ਼ਨ ਦੇ ਆਧਾਰ 'ਤੇ ਉਨ੍ਹਾਂ ਦੀ ਚੋਣ ਕੀਤੀ ਜਾਵੇ। ਟੀਮ ਵਿੱਚ ਜਗ੍ਹਾ ਬਣਾਉਣ ਲਈ ਉਨ੍ਹਾਂ ਨੂੰ AFI ਵੱਲੋਂ ਤੈਅ 82.61 ਮੀਟਰ ਦਾ ਕੁਆਲੀਫਾਈਂਗ ਮਾਪਦੰਡ ਹਾਸਲ ਕਰਨਾ ਹੋਵੇਗਾ।
ਰੋਹਿਤ ਤੇ ਯਸ਼ਵੀਰ ਵੀ ਟੀਮ 'ਚ
2018 ਰਾਸ਼ਟਰਮੰਡਲ ਖੇਡਾਂ ਦੇ ਸੋਨ ਤਮਗਾ ਜੇਤੂ ਨੀਰਜ ਤੋਂ ਇਲਾਵਾ ਰੋਹਿਤ ਯਾਦਵ ਅਤੇ ਯਸ਼ਵੀਰ ਸਿੰਘ ਨੇ ਵੀ ਸ਼ਨੀਵਾਰ ਨੂੰ ਲੁਧਿਆਣਾ ਵਿੱਚ ਕਰਵਾਈ ਗਈ 'ਇੰਡੀਅਨ ਅਥਲੈਟਿਕਸ ਸੀਰੀਜ਼' ਵਿੱਚ ਕੁਆਲੀਫਾਈਂਗ ਮਾਰਕ ਹਾਸਲ ਕਰਕੇ ਪੁਰਸ਼ ਨੇਜ਼ਾ ਸੁੱਟ ਟੀਮ ਵਿੱਚ ਜਗ੍ਹਾ ਬਣਾਈ ਹੈ।
ਭਾਰਤੀ ਅਥਲੈਟਿਕਸ ਟੀਮ ਪੁਰਸ਼ ਟੀਮ
ਗੁਰਿੰਦਰਵੀਰ ਸਿੰਘ (100 ਮੀਟਰ), ਅਨਿਮੇਸ਼ ਕੁਜੂਰ (200 ਮੀਟਰ), ਨੀਰਜ ਚੋਪੜਾ* (ਨੇਜ਼ਾ ਸੁੱਟ), ਰੋਹਿਤ ਯਾਦਵ (ਨੇਜ਼ਾ ਸੁੱਟ), ਯਸ਼ਵੀਰ ਸਿੰਘ (ਨੇਜ਼ਾ ਸੁੱਟ), ਲੋਕੇਸ਼ ਸਤਿਆਨਾਥਨ (ਲਾਂਗ ਜੰਪ), ਐਮ. ਸ਼੍ਰੀਸ਼ੰਕਰ (ਲਾਂਗ ਜੰਪ), ਸੇਲਵਾ ਪ੍ਰਭੂ* (ਟ੍ਰਿਪਲ ਜੰਪ), ਪ੍ਰਵੀਨ ਚਿਤਰਾਵੇਲ (ਟ੍ਰਿਪਲ ਜੰਪ), ਸਮਰਦੀਪ ਸਿੰਘ (ਸ਼ਾਟ ਪੁੱਟ), ਤਜਿੰਦਰਪਾਲ ਸਿੰਘ ਤੂਰ (ਸ਼ਾਟ ਪੁੱਟ), ਤੇਜਸਵਿਨ ਸ਼ੰਕਰ (ਡੇਕਾਥਲਾਨ, ਹਾਈ ਜੰਪ), ਗੁਲਵੀਰ ਸਿੰਘ (5000 ਮੀਟਰ, 10000 ਮੀਟਰ), ਆਦਰਸ਼ ਰਾਮ (High Jump), ਸਰਵੇਸ਼ ਕੁਸ਼ਾਰੇ (ਹਾਈ ਜੰਪ), ਵਿਸ਼ਾਲ ਟੀ.ਕੇ. (4x400 ਮੀਟਰ ਮਿਕਸਡ ਰਿਲੇ), ਰਾਜੇਸ਼ ਰਮੇਸ਼ (4x400 ਮੀਟਰ ਮਿਕਸਡ ਰਿਲੇ), ਤੇਜਸ ਸ਼ਿਰਸੇ (110 ਮੀਟਰ ਰੁਕਾਵਟ ਦੌੜ), ਸੰਤੋਸ਼ ਟੀ. (400 ਮੀਟਰ ਰੁਕਾਵਟ ਦੌੜ), ਯਸ਼ਸ ਪੀ. (400 ਮੀਟਰ ਰੁਕਾਵਟ ਦੌੜ), ਦੇਵ ਮੀਨਾ (ਪੋਲ ਵਾਲਟ), ਕੁਲਦੀਪ ਕੁਮਾਰ (ਪੋਲ ਵਾਲਟ)।
ਮਹਿਲਾ ਟੀਮ
ਪਾਰੁਲ ਚੌਧਰੀ (3000 ਮੀਟਰ ਸਟੀਪਲਚੇਜ਼, 5000 ਮੀਟਰ), ਸੀਮਾ (ਡਿਸਕਸ ਥਰੋ), ਨਿਧੀ (ਡਿਸਕਸ ਥਰੋ), ਪੂਜਾ (ਹਾਈ ਜੰਪ), ਮਨਪ੍ਰੀਤ ਕੌਰ (ਸ਼ਾਟ ਪੁੱਟ), ਰਵੀਨਾ (10000 ਮੀਟਰ ਰੇਸਵਾਕ), ਪ੍ਰਿਯੰਕਾ (10000 ਮੀਟਰ ਰੇਸਵਾਕ), ਅੰਸਾ ਬਾਬੂ (4x400 ਮੀਟਰ ਮਿਕਸਡ ਰਿਲੇ), ਰਸ਼ਦੀਪ ਕੌਰ (4x400 ਮੀਟਰ ਮਿਕਸਡ ਰਿਲੇ), ਨੀਰੂ ਪਾਠਕ (4x400 ਮੀਟਰ ਮਿਕਸਡ ਰਿਲੇ)।