ਰਿਭਾਵ ਸਰੋਹਾ ਰਚਣਗੇ ਇਤਿਹਾਸ: ਮਿਸਰ 'ਚ ਹੋਣ ਵਾਲੇ ਜੂਨੀਅਰ ਡੈਵਿਸ ਕੱਪ ਫਾਈਨਲਜ਼ 'ਚ ਭਾਰਤੀ ਟੀਮ ਦੀ ਕਰਨਗੇ ਅਗਵਾਈ

ਨਵੀਂ ਦਿੱਲੀ (ਪੀਟੀਆਈ) : ਭਾਰਤ ਦਾ ਸਿਖਰਲਾ ਅੰਡਰ-16 ਖਿਡਾਰੀ ਰਿਭਾਵ ਸਰੋਹਾ ਮਿਸਰ ਦੀ ਰਾਜਧਾਨੀ ਕਾਹਿਰਾ ’ਚ ਦੋ ਤੋਂ ਅੱਠ ਨਵੰਬਰ ਤੱਕ ਹੋਣ ਵਾਲੇ ਜੂਨੀਅਰ ਡੈਵਿਸ ਕੱਪ ਫਾਈਨਲਜ਼ ’ਚ ਭਾਰਤੀ ਟੀਮ ਦੀ ਅਗਵਾਈ ਕਰੇਗਾ। ਅਖਿਲ ਭਾਰਤੀ ਟੈਨਿਸ ਐਸੋਸੀਏਸ਼ਨ (ਏਆਈਟੀਏ) ਨੇ ਸੋਮਵਾਰ ਨੂੰ ਟੀਮ ਦਾ ਐਲਾਨ ਕੀਤਾ, ਜਿਸ ਵਿਚ ਰਿਭਾਵ ਤੋਂ ਇਲਾਵਾ ਰਿਤਿਕ ਕਟਕਮ ਤੇ ਤਵਿਸ਼ ਪਾਹਵਾ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।

ਭਾਰਤੀ ਟੀਮ ਇਸ ਵੱਕਾਰੀ ਮੁਕਾਬਲੇਬਾਜ਼ੀ ’ਚ ਆਸਟ੍ਰੇਲੀਆ, ਬ੍ਰਾਜ਼ੀਲ, ਕੈਨੇਡਾ, ਚੈਕੀਆ, ਮਿਸਰ, ਸਪੇਨ, ਹੰਗਰੀ, ਇਟਲੀ, ਜਾਪਾਨ, ਕਜ਼ਾਕਿਸਤਾਨ, ਮੋਰੇਕੋ, ਸਰਬੀਆ, ਅਮਰੀਕਾ ਤੇ ਵੈਨੇਜ਼ੁਏਲਾ ਵਰਗੀਆਂ ਦੁਨੀਆ ਦੀਆਂ ਟਾਪ ਟੀਮਾਂ ਨਾਲ ਮੁਕਾਬਲਾ ਕਰੇਗੀ। ਕੇਐੱਸਐੱਲਟੀਏ ਨਾਲ ਜੁੜਿਆ ਰਾਣਾ ਬੈਨਰਜੀ ਟੀਮ ਦਾ ਕੋਚ ਹੋਵੇਗਾ। ਉਸਦੇ ਮਾਰਗਦਰਸ਼ਨ ’ਚ ਭਾਰਤੀ ਟੀਮ ਫਾਈਨਲਜ਼ ’ਚ ਆਪਣੀ ਥਾਂ ਪੱਕੀ ਕਰਨ ’ਚ ਸਫਲ ਰਹੀ।

ਹੁਮ ਉਹ ਟੀਮ ਨਾਲ ਕਾਹਿਰਾ ਦੀ ਯਾਤਰਾ ਕਰੇਗਾ। ਜੂਨੀਅਰ ਡੈਵਿਸ ਕੱਪ ਫਾਈਨਲਜ਼ ਦਾ ਆਯੋਜਨ ਪਹਿਲੀ ਵਾਰ ਅਫਰੀਕਾ ਦੇ ਕਿਸੇ ਦੇਸ਼ ’ਚ ਕੀਤਾ ਜਾ ਰਿਹਾ ਹੈ। ਮੁਕਾਬਲੇਬਾਜ਼ੀ ਦੇ ਸਾਰੇ ਮੈਚ ਕਲੇਅ ਕੋਰਟ ’ਤੇ ਖੇਡੇ ਜਾਣਗੇ।