- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
FIFA World Cup 2026 : ਬਾਲੋਗਨ ਦੇ ਦੋ ਗੋਲਾਂ ਤੇ ਰੇਨਾ ਦੇ ਆਖ਼ਰੀ ਧਮਾਕੇ ਨਾਲ ਅਮਰੀਕਾ ਨੇ ਪੈਰਾਗੁਏ ਨੂੰ 4-1 ਨਾਲ ਹਰਾ ਕੇ ਰਚਿਆ ਇਤਿਹਾਸ
ਸਾਂਝੇ ਮੇਜ਼ਬਾਨ ਅਮਰੀਕਾ ਨੇ ਫੀਫਾ ਵਰਲਡ ਕੱਪ-2026 ਦੇ ਆਪਣੇ ਪਹਿਲੇ ਮੈਚ 'ਚ ਸ਼ਨੀਵਾਰ ਨੂੰ ਪੈਰਾਗੁਏ ਨੂੰ 4-1 ਨਾਲ ਕਰਾਰੀ ਮਾਤ ਦੇ ਕੇ ਸ਼ਾਨਦਾਰ ਜੇਤੂ ਸ਼ੁਰੂਆਤ ਕੀਤੀ ਹੈ। ਇਸ ਜਿੱਤ 'ਚ ਪੈਰਾਗੁਏ ਦੇ ਡੇਮੀਆਨ ਬੋਬਾਡਿਲਾ ਦੇ ਆਤਮਘਾਤੀ ਗੋਲ ਦਾ ਵੀ ਯੋਗਦਾਨ ਰਿਹਾ, ਜਿਸ ਨੇ ਸ਼ੁਰੂਆਤ 'ਚ ਹੀ ਅਮਰੀਕਾ ਨੂੰ ਬੜ੍ਹਤ ਦਿਵਾ ਦਿੱਤੀ। ਸਾਲ 1994 ਤੋਂ ਬਾਅਦ ਆਪਣੇ ਘਰ 'ਚ ਪਹਿਲੀ ਵਾਰ ਵਰਲਡ ਕੱਪ ਖੇਡ ਰਹੀ ਅਮਰੀਕੀ ਟੀਮ ਨੇ ਮੈਚ ਦੀ ਸ਼ੁਰੂਆਤ ਤੋਂ ਹੀ ਹਮਲਾਵਰ ਰੁਖ਼ ਅਪਣਾਇਆ, ਜਿਸ ਦਾ ਪੈਰਾਗੁਏ ਕੋਲ ਕੋਈ ਜਵਾਬ ਨਹੀਂ ਸੀ ਅਤੇ ਨਤੀਜਾ ਇਹ ਰਿਹਾ ਕਿ ਮੇਜ਼ਬਾਨ ਟੀਮ ਨੂੰ ਤਿੰਨ ਗੋਲਾਂ ਦੇ ਵੱਡੇ ਫਰਕ ਨਾਲ ਜਿੱਤ ਹਾਸਲ ਹੋਈ।
Posted By Sunita
Publish Date: Sat, 13 Jun 2026 09:47 AM (IST)
Updated Date: Sat, 13 Jun 2026 09:48 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਸਾਂਝੇ ਮੇਜ਼ਬਾਨ ਅਮਰੀਕਾ ਨੇ ਫੀਫਾ ਵਰਲਡ ਕੱਪ-2026 ਦੇ ਆਪਣੇ ਪਹਿਲੇ ਮੈਚ 'ਚ ਸ਼ਨੀਵਾਰ ਨੂੰ ਪੈਰਾਗੁਏ ਨੂੰ 4-1 ਨਾਲ ਕਰਾਰੀ ਮਾਤ ਦੇ ਕੇ ਸ਼ਾਨਦਾਰ ਜੇਤੂ ਸ਼ੁਰੂਆਤ ਕੀਤੀ ਹੈ। ਇਸ ਜਿੱਤ 'ਚ ਪੈਰਾਗੁਏ ਦੇ ਡੇਮੀਆਨ ਬੋਬਾਡਿਲਾ ਦੇ ਆਤਮਘਾਤੀ ਗੋਲ ਦਾ ਵੀ ਯੋਗਦਾਨ ਰਿਹਾ, ਜਿਸ ਨੇ ਸ਼ੁਰੂਆਤ 'ਚ ਹੀ ਅਮਰੀਕਾ ਨੂੰ ਬੜ੍ਹਤ ਦਿਵਾ ਦਿੱਤੀ। ਸਾਲ 1994 ਤੋਂ ਬਾਅਦ ਆਪਣੇ ਘਰ 'ਚ ਪਹਿਲੀ ਵਾਰ ਵਰਲਡ ਕੱਪ ਖੇਡ ਰਹੀ ਅਮਰੀਕੀ ਟੀਮ ਨੇ ਮੈਚ ਦੀ ਸ਼ੁਰੂਆਤ ਤੋਂ ਹੀ ਹਮਲਾਵਰ ਰੁਖ਼ ਅਪਣਾਇਆ, ਜਿਸ ਦਾ ਪੈਰਾਗੁਏ ਕੋਲ ਕੋਈ ਜਵਾਬ ਨਹੀਂ ਸੀ ਅਤੇ ਨਤੀਜਾ ਇਹ ਰਿਹਾ ਕਿ ਮੇਜ਼ਬਾਨ ਟੀਮ ਨੂੰ ਤਿੰਨ ਗੋਲਾਂ ਦੇ ਵੱਡੇ ਫਰਕ ਨਾਲ ਜਿੱਤ ਹਾਸਲ ਹੋਈ।
ਪੈਰਾਗੁਏ ਨੇ ਆਪਣੇ ਹੀ ਪੈਰ 'ਤੇ ਮਾਰੀ ਕੁਹਾੜੀ
ਅਮਰੀਕਾ ਦੀ ਟੀਮ ਨੇ ਸ਼ੁਰੂ ਤੋਂ ਹੀ ਪੈਰਾਗੁਏ 'ਤੇ ਦਬਾਅ ਬਣਾ ਕੇ ਰੱਖਿਆ ਸੀ। ਅਮਰੀਕੀ ਖਿਡਾਰੀ ਲਗਾਤਾਰ ਪੈਰਾਗੁਏ ਦੇ ਰੱਖਿਆਤਮਕ ਘੇਰੇ 'ਚ ਦਾਖਲ ਹੋ ਰਹੇ ਸਨ ਅਤੇ ਉਨ੍ਹਾਂ ਨੂੰ ਰੋਕਣ ਦੇ ਚੱਕਰ 'ਚ ਪੈਰਾਗੁਏ ਦੇ ਬੋਬਾਡਿਲਾ ਨੇ ਗੇਂਦ ਨੂੰ ਆਪਣੇ ਹੀ ਨੈੱਟ (ਗੋਲ ਪੋਸਟ) 'ਚ ਪਹੁੰਚਾ ਦਿੱਤਾ। ਇਸ ਨਾਲ ਅਮਰੀਕਾ 7ਵੇਂ ਮਿੰਟ 'ਚ ਹੀ 1-0 ਨਾਲ ਅੱਗੇ ਹੋ ਗਿਆ। ਇਸ ਤੋਂ ਬਾਅਦ ਅਮਰੀਕਾ ਨੇ ਰੁਕਣ ਦਾ ਨਾਂ ਨਹੀਂ ਲਿਆ ਅਤੇ ਪਹਿਲੇ ਹਾਫ਼ ਦਾ ਅੰਤ 3-0 ਦੇ ਸਕੋਰ ਨਾਲ ਕੀਤਾ।
ਮੈਚ ਦੇ 28ਵੇਂ ਮਿੰਟ 'ਚ ਬਾਲੋਗਨ ਦੇ ਇੱਕ ਗੋਲ ਨੂੰ ਰੈਫ਼ਰੀ ਨੇ ਆਫ਼ਸਾਈਡ (Offside) ਹੋਣ ਕਾਰਨ ਰੱਦ ਕਰ ਦਿੱਤਾ, ਪਰ ਚਾਰ ਮਿੰਟ ਬਾਅਦ ਹੀ (32ਵੇਂ ਮਿੰਟ 'ਚ) ਉਨ੍ਹਾਂ ਨੇ ਆਪਣਾ ਪਹਿਲਾ ਅਤੇ ਟੀਮ ਦਾ ਦੂਜਾ ਗੋਲ ਦਾਗ ਦਿੱਤਾ। ਪਹਿਲੇ ਹਾਫ਼ ਦੇ ਇੰਜਰੀ ਟਾਈਮ (ਅਤਿਰਿਕਤ ਸਮਾਂ) 'ਚ ਬਾਲੋਗਨ ਨੇ ਆਪਣਾ ਦੂਜਾ ਗੋਲ ਕਰਕੇ ਅਮਰੀਕਾ ਨੂੰ 3-0 ਦੀ ਮਜ਼ਬੂਤ ਬੜ੍ਹਤ ਦਿਵਾਈ।
ਦੂਜੇ ਹਾਫ਼ 'ਚ ਵੀ ਅਮਰੀਕਾ ਦਾ ਜਲਵਾ
ਪੈਰਾਗੁਏ ਲਈ ਦੂਜੇ ਹਾਫ਼ 'ਚ ਵੀ ਖੇਡ ਆਸਾਨ ਨਹੀਂ ਰਹੀ ਕਿਉਂਕਿ ਅਮਰੀਕਾ ਕੋਲ ਪਹਿਲਾਂ ਹੀ ਤਿੰਨ ਗੋਲਾਂ ਦੀ ਬੜ੍ਹਤ ਸੀ, ਜਿਸ ਕਾਰਨ ਉਨ੍ਹਾਂ ਕੋਲ ਹੋਰ ਜ਼ਿਆਦਾ ਹਮਲਾਵਰ ਰਣਨੀਤੀ ਨਾਲ ਖੇਡਣ ਦੀ ਆਜ਼ਾਦੀ ਸੀ। ਪੈਰਾਗੁਏ ਦੀ ਟੀਮ ਫਿਰ ਵੀ ਵਾਪਸੀ ਦੀ ਕੋਸ਼ਿਸ਼ ਕਰ ਰਹੀ ਸੀ ਅਤੇ ਉਨ੍ਹਾਂ ਨੇ ਟੀਮ 'ਚ ਕੁਝ ਬਦਲਾਅ ਕੀਤੇ। ਬੈਂਚ ਤੋਂ ਉੱਠ ਕੇ ਮੈਦਾਨ 'ਚ ਆਏ ਮੌਰੀਸੀਓ ਨੇ 73ਵੇਂ ਮਿੰਟ 'ਚ ਪੈਰਾਗੁਏ ਲਈ ਇੱਕ ਗੋਲ ਕੀਤਾ ਪਰ ਇਹ ਗੋਲ ਸਿਰਫ਼ ਹਾਰ ਦੇ ਫਰਕ ਨੂੰ ਹੀ ਘੱਟ ਕਰ ਸਕਿਆ।
ਅਮਰੀਕਾ ਨੇ ਮੈਚ ਦੇ ਅਤਿਰਿਕਤ ਸਮੇਂ 'ਚ ਆਪਣਾ ਚੌਥਾ ਗੋਲ ਦਾਗਿਆ। ਇਸ ਵਾਰ ਗੋਲਸ਼ੀਟ 'ਤੇ ਜਿਓਵਾਨੀ ਰੇਨਾ ਦਾ ਨਾਂ ਆਇਆ। ਉਨ੍ਹਾਂ ਨੇ ਅਤਿਰਿਕਤ ਸਮੇਂ ਦੇ 8ਵੇਂ ਮਿੰਟ 'ਚ ਇਹ ਗੋਲ ਕੀਤਾ। ਇਸ ਦੇ ਨਾਲ ਹੀ ਅਮਰੀਕਾ ਨੇ 4-1 ਨਾਲ ਸ਼ਾਨਦਾਰ ਜਿੱਤ ਹਾਸਲ ਕੀਤੀ, ਜੋ ਕਿ ਇੱਕ ਵਿਸ਼ਵ ਕੱਪ ਮੈਚ 'ਚ ਉਸਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਗੋਲ ਟੈਲੀ ਵੀ ਹੈ।