Fifa World Cup 2026 : ਚੈਕੀਆ ਖਿਲਾਫ਼ ਮੁਸ਼ਕਿਲ ਨਾਲ ਦੱਖਣੀ ਅਫਰੀਕਾ ਨੇ ਖੇਡਿਆ ਡਰਾਅ

ਐਟਲਾਂਟਾ: ਫੀਫਾ ਵਿਸ਼ਵ ਕੱਪ ਗਰੁੱਪ ਏ ਦੇ ਇੱਕ ਮੈਚ ’ਚ ਦੱਖਣੀ ਅਫਰੀਕਾ ਨੇ ਲਗਪਗ ਹਰ ਪਹਿਲੂ ’ਚ ਚੈੱਕੀਆ ’ਤੇ ਦਬਦਬਾ ਬਣਾਇਆ। ਟੀਚੇ ’ਤੇ ਸ਼ਾਟ ਲਾਉਣਾ ਤੇ ਕਈ ਪਾਸ ਇਕੱਠੇ ਕਰਨਾ ਫਿਰ ਵੀ ਜੇਕਰ ਹੈਂਡਬਾਲ ਦੀ ਘਟਨਾ ਨਾ ਹੁੰਦੀ ਤਾਂ ਉਹ ਮੈਚ ਹਾਰ ਜਾਂਦੇ। ਅਮਰੀਕਾ ਦੇ ਅਟਲਾਂਟਾ ’ਚ ਵੀਰਵਾਰ ਦੇਰ ਰਾਤ ਖੇਡੇ ਗਏ ਮੈਚ ਦੇ 83ਵੇਂ ਮਿੰਟ ’ਚ ਚੈਕੀਆ ਦੇ ਪਾਵੇਲ ਸੁਲਕ ਨੇ ਦੱਖਣੀ ਅਫਰੀਕਾ ਦੇ ਥਾਪੇਲੋ ਮਾਸੇਕੋ ਦੇ ਸ਼ਾਟ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੇ ਹੋਏ ਬਾਕਸ ਦੇ ਅੰਦਰ ਗੇਂਦ ਨੂੰ ਸੰਭਾਲਿਆ।

ਰੈਫਰੀ ਨੇ ਦੱਖਣੀ ਅਫਰੀਕਾ ਨੂੰ ਪੈਨਲਟੀ ਦਿੱਤੀ, ਜਿਸ ਨੂੰ ਟੇਬੋਹੋ ਮੋਕੋਏਨਾ ਨੇ ਗੋਲ ’ਚ ਬਦਲ ਕੇ ਆਪਣੀ ਟੀਮ ਲਈ ਇਕ ਅੰਕ ਸੁਰੱਖਿਅਤ ਕੀਤਾ। ਇਸ ਤੋਂ ਪਹਿਲਾਂ ਚੈਕੀਆ ਦੇ ਮਿਕਲ ਸਾਦੀਲੇਕ ਨੇ ਛੇਵੇਂ ਮਿੰਟ ’ਚ ਗੋਲ ਕਰ ਕੇ ਆਪਣੀ ਟੀਮ ਨੂੰ ਅਗੇਤ ਦਿਵਾਈ ਸੀ। ਹਾਲਾਂਕਿ ਦੱਖਣੀ ਅਫਰੀਕਾ ਨੇ 61 ਫ਼ੀਸਦ ਕਬਜ਼ਾ ਰੱਖਿਆ ਤੇ ਮੈਚ ਦੌਰਾਨ 17 ਸ਼ਾਟ ਲਏ, ਪਰ ਉਹ ਅੰਤ ’ਚ ਸਿਰਫ਼ ਇੱਕ ਅੰਕ ਬਚਾਉਣ ’ਚ ਕਾਮਯਾਬ ਰਹੇ।